(٢٧٩٠١) حضرت ابو معشر فرماتے ہیں کہ حضرت ابراہیم نے ارشاد فرمایا : مدبر غلام کے جرم کا تاوان اس کا آقا پر لازم ہوگا۔

(٢٧٩٠٢) حضرت وکیع فرماتے ہیں کہ میں نے حضرت سفیان کو فرماتے ہوئے سنا مدبر غلام کے جرم کا تاوان اس کے آقا پر ہوگا جو غلام کی قیمت کے بقدر ضمان ادا کرے گا جبکہ حضرت ابن ابی لیلی نے مدبر غلام کے بارے میں ارشاد فرمایا : آقا پر ہی مکمل تاوان لازم ہوگا۔

(٢٧٩٠٣) حضرت یونس فرماتے ہیں کہ حضرت حسن بصری نے ارشاد فرمایا : مکاتب کے جرم کا تاوان اسی کے ذمہ ہوگا اسی سے آغاز کیا جائے گا۔

(٢٧٩٠٤) حضرت شیبانی فرماتے ہیں کہ حضرت حماد نے ارشاد فرمایا : مکاتب تاوان اور مال کتابت میں حصوں کے اعتبار سے سعی کرے گا۔

(٢٧٩٠٥) حضرت ابن ابی ذئب فرماتے ہیں کہ حضرت زہری نے ارشاد فرمایا : مکاتب کے جر م کا تاوان اسی کے ذمہ ہوگا۔

(٢٧٩٠٦) حضرت ابو معشر فرماتے ہیں کہ حضرت ابراہیم نے ارشاد فرمایا : مکاتب کے جرم کا تاو ان اس کے آقا پر لازم ہوگا۔

(٢٧٩٠٧) حضرت مغیرہ فرماتے ہیں کہ حضرت ابراہیم نے ارشاد فرمایا : مکاتب جو جرم کرے گا تو اس کا تاوان اور بدل کتابت دونوں ادا کرے گا۔

(٢٧٩٠٨) حضرت وکیع فرماتے ہیں کہ میں نے حضرت سفا ن کو یوں فرماتے ہوئے سنا کہ مکاتب کے جرم کا تاوان اسی کے ذمہ ہوگا۔

(٢٧٩٠٩) حضرت ابن جریج فرماتے ہیں کہ حضرت عطائ نے ارشاد فرمایا : مکاتب کو نقصان پہنچنے کی صورت میں جو تاوان ملا ہے وہ اس کے ذریعہ ایسے بدل کتابت میں مدد لے گا۔ تم سے پہلے لوگوں نے ایسا ہی فرمایا تھا۔

(٢٧٩١٠) حضرت مغیرہ فرماتے ہیں کہ حضرت ابراہیم نے ارشاد فرمایا : مکاتب کو نقصان پہنچنے کی صورت میں جو تاوان کا مال ملا ہے تو وہی اس کا حقدار ہوگا۔

(٢٧٩١١) حضرت وکیع فرماتے ہیں کہ میں نے حضرت سفیان کو یوں فرماتے ہوئے سنا جب مکاتب کو نقصان پہنچنے کی صورت میں تاوان کا مال ملے گا تو اس کے آقا کے بجائے اس کا ہوگا۔

(٢٧٩١٢) حضرت سفیان بن حسین فرماتے ہیں کہ حضرت حکم ، ام ولد کی جنایت کے تاوان کے بارے میں فرمایا کرتے تھے : وہ اس کی قیمت سے تجاوز نہ کرتا ہو اور حضرت حماد نے فرمایا : جو اس نے جنایت کی ہے اسی کی دیت ہوگی۔

(٢٧٩١٣) حضرت ابو معشر فرماتے ہیں کہ حضرت ابراہیم نے ارشاد فرمایا : ام ولد کے جرم کا تاوان اس کے آقا پر لازم ہوگا۔

(٢٧٩١٤) حضرت معمر فرماتے ہیں کہ حضرت زہری نے ام ولد کی جنایت کے بارے میں یوں ارشاد فرمایا : جب وہ کوئی قابل سزا جرم کرے تو اس کے آقا پر اس جرم کا تاوان لازم ہوگا۔

(٢٧٩١٥) حضرت یونس فرماتے ہیں کہ حضرت حسن بصری نے ام ولد کے بارے میں یوں ارشاد فرمایا ! جب وہ قابل سزا جرم کرے تو اس کے آقا کے سامنے اس کی قیمت لگائی جائے گی۔

(٢٧٩١٦) حضرت زکریا فرماتے ہیں کہ حضرت عامرشعبی سے پوچھا گیا اس باندی کے متعلق جس نے کسی عورت کو قتل کردیا اور اس کا آقا زندہ ہے اس نے اسے آزاد نہیں کیا درآنحالیکہ وہ اس کی ام ولد ہے ؟ آپ نے فرمایا ! یہ تو باندی ہے اگر اس کا آقا چاہے تو اس کی طرف سے دیت ادا کردے اور اگر چاہے تو اس کام کے سبب سے اس کو ان لوگوں کے سپرد کردے۔

(٢٧٩١٧) حضرت مکحول فرماتے ہیں کہ زیدنے ارشاد فرمایا : عقل چلے جانے کی صورت میں دیت ہوگی۔

(٢٧٩١٨) حضرت ابن ابی نجیح فرماتے ہیں کہ حضرت مجاہد نے ارشاد فرمایا ! عقل چلے جانے کی صورت میں دیت ہوگی۔

(٢٧٩١٩) حضرت اشعث فرماتے ہیں کہ حضرت حسن بصری سے سوال کیا گیا کہ اگر کسی نے ایک آدمی کو خوفزدہ کیا اور اس کی عقل زائل ہوگئی تو کیا حکم ہے ؟ آپ نے فرمایا اگر حضرت عمر اس کو پالیتے تو ضرور اس سے ضمان لیتے۔

(٢٧٩٢٠) حضرت عوف فرماتے ہیں کہ میں نے کسی شیخ سے ابن اشعث کے فتنہ سے قبل سنا کہ انھوں نے اس کی صفات بیان کیں۔ ان لوگوں نے فرمایا : یہ ابو المھلب ہیں جو حضرت ابو قلابہ کے چچا ہیں انھوں نے فرمایا ہے کہ ایک آدمی نے کسی آدمی کے سر میں پتھر مارا تو اس کی قوت سماعت گویائی، عقل اور اس کے آلہ تناسل کی طاقت زائل ہوگئی اور وہ شخص عورتوں کے قریب نہیں جاسکتا تھا۔ تو حضرت عمر نے اس کے بارے میں چار دیتوں کا فیصلہ فرمایا۔