34003 ۔۔۔ رسول اللہ (صلی اللہ علیہ وآلہ وسلم) نے فرمایا : اللہ تعالیٰ بنوعامر کے لیے اچھائی ہی چاہتے ہیں ، خبردار اللہ کی قسم ! اگر یہ بات نہ ہوتی کہ قریش کے دادا ان سے جھگڑا کرتے تو خلافت بنوعامر بن صعصعہ کے لیے ہوتی لیکن قریش کے جدنے ان سے مزاحمت کی۔ (طبرانی بروایت عامر بن لقیط عامری)

34004 ۔۔۔ رسول اللہ (صلی اللہ علیہ وآلہ وسلم) نے فرمایا :(وہ) صاف رنگ والے اونٹ (کی طرح) ہیں جو درخت کے کناروں سے کھاتا ہے (عقیلی ضعفاء خطیب بغدادی بروایت ابوہریرة وہ فرماتے ہیں کہ (رسول اللہ (صلی اللہ علیہ وآلہ وسلم) سے) عرض کیا گیا : یارسول اللہ (صلی اللہ علیہ وآلہ وسلم) آپ بنوعامر کے بارے میں لیا فرماتے ہیں ؟ (رسول اللہ (صلی اللہ علیہ وآلہ وسلم) نے ) فرمایا : پھر اس کے بعد (ابوہریرة (رض) نے یہ حدیث ذکر کی) ۔

34005 ۔۔۔ رسول اللہ (صلی اللہ علیہ وآلہ وسلم) نے فرمایا : اللہ تعالیٰ بنوعامر کے لیے خیرہی چاہتے ہیں اللہ تعالیٰ بنوعامر کے لیے خیر ہی چاہتے ہیں ، اللہ تعالیٰ بنوعامر کے لیے خیر ہی چاہتے ہیں۔ (حسن بن سفیان بروایت عبداللہ بن عامر)

34006 ۔۔۔ رسول اللہ (صلی اللہ علیہ وآلہ وسلم) نے فرمایا : اسماعیل کے لوگوں میں سے جس پر غلام آزاد کرنا (لازم) ہے تو وہ بنوعنبر میں سے غلام وآزاد کرے۔ (بارودی سیمو یہ طبرانی سعید بن منصور بروایت شعیث بن عبداللہ بن زبیب بن ثعلبہ عن ایبہ عن حدہ)

34007 ۔۔۔ رسول اللہ (صلی اللہ علیہ وآلہ وسلم) نے فرمایا : اے اللہ ثقیف کو ہدایت عطا فرما۔ (احمد بن حنبل سیمو صباء مقدسی مختارة بروایت جابر)

34008 ۔۔۔ رسول اللہ (صلی اللہ علیہ وآلہ وسلم) نے فرمایا : جہینہ مجھ سے ہیں اور میں ان سے ہوں میرے غصہ کی وجہ سے وہ غصہ ہوئے، اور میری خوشی کی وجہ سے وہ خوش ہوئے میں ان کے غصہ کی وجہ سے غصہ ہوتاہوں اور ان کی خوشی کی وجہ سے خوش ہوتاہوں جس نے ان کو غصہ دلایا تو اس نے مجھے غصہ دلایا تو اس نے مجھے غصہ دلایا اور جس نے مجھے غصہ دلایا تو اس نے اللہ تعالیٰ کو غصہ دلایا۔ (ٕطبرانی بروایت عمران بن حصین)

34009 ۔۔۔ رسول اللہ (صلی اللہ علیہ وآلہ وسلم) نے فرمایا : خزاعة مجھ سے ہیں اور میں ان سے ہوں خزاعة باپ اور بیٹے ہیں۔ (دیلمی یروایت بشر بن عصمہ مزنی)

34010 ۔۔۔ رسول اللہ (صلی اللہ علیہ وآلہ وسلم) نے فرمایا : اے اللہ دوس کو ہدایت دے اروان کو لے۔ (بخاری مسلم بروایت ابوہریرہ)

34011 ۔۔۔ رسول اللہ (صلی اللہ علیہ وآلہ وسلم) نے فرمایا : بہت سے خطیب عبس سے ہوں گے۔ (طبرانی بروایت ابوبکر بن محمد بن عمر وبن حزم مرسلا)

34012 ۔۔۔ رسول اللہ (صلی اللہ علیہ وآلہ وسلم) نے فرمایا میں اس سے حجت کرنے والا ہوں جو عبدالقیس پر ظلم کرے۔ (طبرانی بروایت ابن عباس)

34013 ۔۔۔ رسول اللہ (صلی اللہ علیہ وآلہ وسلم) نے فرمایا : اے اللہ ! عبدالقیس کی مغفرت فرما ! اس لیے کہ وہ خوشی سے نہ کہ ناپسند ہو کر اسلام لائے ہیں جب کہ بعض لوگ ذلیل ہو کر اور گھبرا کر اسلام لائے ہیں۔ (ابن سعد طبرانی بروایت ابن عباس)

34014 ۔۔۔ رسول اللہ نے فرمایا : اے اللہ ! عبدالقیس کی مغفرت فرما ! تین (فرمایا) ۔ (طبرانی بروایت ابن عباس)

34015 ۔۔۔ رسول اللہ (صلی اللہ علیہ وآلہ وسلم) نے فرمایا : ربیعہ میں بہتر عبدالقیس ہیں پھر وہ خاندان کہ آپ ان میں سے ہیں۔ ( طبرانی بروایت نوح بن مخلد ضیعی)

34016 ۔۔۔ رسول اللہ (صلی اللہ علیہ وآلہ وسلم) نے فرمایا : اے اللہ ! نبوعصیہ کو پکڑ ! اس لیے کہ انھوں نے اللہ اور اس کے رسول اللہ (صلی اللہ علیہ وآلہ وسلم) کی نا فرمائی کی ہے۔ (طبرانی بروایت ابن عمر)

34017 ۔۔۔ رسول اللہ (صلی اللہ علیہ وآلہ وسلم) نے فرمایا : عمان والے کیا ہی اچھے رضاعی بھائی ہیں۔ (طبرانی بروایت طلحہ بن داؤد)

34018 ۔۔۔ رسول اللہ (صلی اللہ علیہ وآلہ وسلم) نے فرمایا : بخ بخ بخ (یہ خوشی کے وقت بولا جاتا) عنزہ اچھا قبیلہ ہے ؟ ان پر زیادتی کی گئی ان کی مدد کی گئی خوش آمدید شعیب کی قوم اے اللہ ! عنزہ کو پورا پورا رزق عطاء فرما نہ کم نہ زیادہ۔ (ابن فانع طبرانی بروایت سلمہ بن سعد عنزی)

34019 ۔۔۔ رسول اللہ (صلی اللہ علیہ وآلہ وسلم) نے فرمایا : قبط کے بارے میں اچھائی کی وصیت قبول کرو کیونکہ ان کے لیے امان اور قرابت ہے۔ (ابن سعد بروایت کعب بن مالک نسخہ یسیط :10)

34020 ۔۔۔ رسول اللہ (صلی اللہ علیہ وآلہ وسلم) نے فرمایا : جب مصر فتح ہو تو قبط کے بارے میں اچھائی کی وصیت کو قبول کرو کیونکہ ان کے لیے عبد اور رشتہ داری ہے۔ (بغدادی طبرانی مستدرک حاکم بروایت کعب بن مالک)

34021 ۔۔۔ رسول اللہ (صلی اللہ علیہ وآلہ وسلم) نے فرمایا : جب تم قبطیوں کے مالک بنوتوان کے ساتھ اچھائی کرو کیونکہ ان کے لیے امان ہے اور ان کے لیے قرابت ہے۔ (ابن سعد بروایت زھری مرسلا)

34022 ۔۔۔ رسول اللہ (صلی اللہ علیہ وآلہ وسلم) نے فرمایا : اللہ تعالیٰ میرے بعدتم پر مصر کو ضرور فتح عطا فرمائیں گے ، مصر کے قبطیوں کے ساتھ اچھائی کی وصیت قبول کرو کیونکہ تمہارے لیے ان میں سے سسرالی ہے اور عھد ہے۔ (تاریخ ابن عساکر بروایت عمر)