34323 ۔۔۔ رسول اللہ (صلی اللہ علیہ وآلہ وسلم) نے فرمایا : اے عائشہ ! کیا میں تجھے عجیب بات نہ بتاؤں ؟ ابھی میرے پاس ایک فرشتہ داخل ہوا جو میرے پاس کبھی بھی داخل نہیں ہوا تو اس نے کہا : میرا یہ بیٹا مقتول ہے اور کہا : اگر آپ چاہیں تو میں آپ کو وہی مٹی دکھاؤں جہاں یہ قتل کیا جائے گا، فرشتے نے اپنا ہاتھ لیا اور مجھے سرخ مٹی دکھائی ۔ (طبرانی بروایت عائشہ)

34324 ۔۔۔ رسول اللہ (صلی اللہ علیہ وآلہ وسلم) نے فرمایا : یزید کہ اللہ تعالیٰ لعن طعن کرنے والے یزید پر برکت نہ فرمائے خبردار مجھے میرے محبوب اور میرے پیارے بیٹے حسین کی موت کی خبر دی گئی میں اس کی مٹی پر آیا اور اس کے قاتل کو دیکھا خبردار کسی بھی قوم کے سامنے اس کو قتل کیا جائے اور وہ اس کی مدد نہ کریں تو اللہ تعالیٰ کا عمومی عذاب ان پر ہوگا۔ (تاریخ ابن عساکر بروایت ابن عمر والفوائد المجموعة :1266)

34325 ۔۔۔ رسول اللہ (صلی اللہ علیہ وآلہ وسلم) نے فرمایا : حسین کو میری ہجرت سے پورے ساٹھ سال پر قتل کیا جائے گا (طبرانی خطیب بغدادی تاریخ ابن عساکر بروایت ام سلمہ، اس کی سند میں سعد بن طریف متروک راوی ہے ابن حبان نے کہا کہ یہ حدیث گھڑ تا ہے۔ ابن الجوزی نے اس کو موضوعات میں لایا ہے (تذکرة الموضوعات 98 التنزیة 4081) ۔

34326 ۔۔۔ رسول اللہ (صلی اللہ علیہ وآلہ وسلم) نے فرمایا : حسین کو اس وقت قتل کیا جائے گا جب اس پر پڑھا پا آئے گا۔ (باوردی طبرانی بروایت ام سلمہ اس کی سند میں سعد بن طریف (متکلم فیہ راوی ہے)

34327 ۔۔۔ رسول اللہ (صلی اللہ علیہ وآلہ وسلم) نے فرمایا : مجھے حسین کی موت کی خبردی گئی اور مجھے اس کی منی دی گئی اور اس کا قاتل کے بارے میں بتایا گیا۔ (دیلمی بروایت معاد)

34328 ۔۔۔ رسول اللہ (صلی اللہ علیہ وآلہ وسلم) نے فرمایا : حسین مجھ سے ہے اور میں اس سے اللہ اس سے محبت کرے گا جو حسین سے محبت کرے گا حسین پوتوں میں سے ایک پوتا ہے اور طبرانی کے الفاظ میں ہے حسن اور حسین پوتوں میں سے دد پوتے ہیں۔ (ابن ابی شیبة احمد بن حنبل بخاری فی الادب ترمذی حسن ابن سعد طبرانی مستدرک حاکم، ابونعیم فی فضائل الصحابہ بروایت یعلی بن مرة الثقفی)

34329 ۔۔۔ رسول اللہ (صلی اللہ علیہ وآلہ وسلم) نے فرمایا : اے علی ! میرے بعد تیرا ایک لڑکا ہوگا جس کو میں نے اپنا نام اور اپنی کنیت دی ہے۔ (بیہقی تاریخ ابن عساکر بروایت علی کشف الخفاء :3189)

34330 ۔۔۔ رسول اللہ (صلی اللہ علیہ وآلہ وسلم) نے فرمایا : بیشک میرے بعد ایک لڑکا پیدا ہوگا جس کو میں نے اپنی کنیت اور اپنا نام دیا ہے اور میرے بعد یہ میری امت میں سے کسی کے لیے حلال نہیں۔ (ابن سعد بروایت علی)

34331 ۔۔۔ رسول اللہ (صلی اللہ علیہ وآلہ وسلم) نے فرمایا اگر تیرا لڑکا پیدا ہو تو اس کا نام میرے نام کے ساتھ رکھ اور اس کی کنیت میری کنیت کے ساتگ رکھ اور یہ تیرے لیے لوگوں کے علاوہ رخصت ہے۔ (تاریخ ابن عساکربروایت علی)

34332 ۔۔۔ رسول اللہ (صلی اللہ علیہ وآلہ وسلم) نے فرمایا : تیرا ایک بچہ پیدا ہوگا جس کو میں اپنا نام اور رکنیت دی ہے۔ (خطیب بغدادی بروایت علی المتنا ھیہ 396)

34333 ۔۔۔ رسول اللہ (صلی اللہ علیہ وآلہ وسلم) نے فرمایا : تمہارا معاملہ ان چیزوں میں سے ہے جس کا مجھے اپنی وفات کے بعد غم ہے (ٕاس لیے کہ میراث میں کچھ نہ چھوڑا ) تمہارے (خرچے کی آزمائش پر صبر کرنے والے ہی برداشت کرسکتے ہیں یہ بات رسول اللہ (صلی اللہ علیہ وآلہ وسلم) نے اپنی زواج سے فرمائی۔ (ٕترمذی ابن حبان بروایت عائشہ)

34334 ۔۔۔ رسول اللہ (صلی اللہ علیہ وآلہ وسلم) نے فرمایا : خدیجہ (رض) دنیا والوں کی عورتوں میں سے اللہ پر اور محمد (صلی اللہ علیہ وآلہ وسلم) پر ایمان لانے کی سبقت کرنے والی ہے۔ (مستدرک حاکم بروایت حذیفہ)۔ کلام :۔۔۔ ضعیف ہے ضعیف الجامع :2814

34335 ۔۔۔ رسول اللہ (صلی اللہ علیہ وآلہ وسلم) نے فرمایا : خدیجہ (رض) اپنے زمانے کی عورتوں میں سے بہتر ہے اور مریم اپنے زمانے کی عورتوں میں سے بہتر ہے اورفاطمہ (رض) اپنے زمانے کی عورتوں میں سے بہتر ہے۔ (الحارث بروایت عروة مرسلا)۔ کلام :۔۔۔ ضعیف ہے ضعیف الجامع :2813

34336 رسول اللہ (صلی اللہ علیہ وآلہ وسلم) نے فرمایا : میرے پاس جبرائیل (ٕعلیہ السلام ) آئے اور فرمایا اے اللہ کے رسول یہ خدیجہ تیرے پاس آئی کہ اس کے پاس ایک برتن ہے جس میں شوربہ یا (فرمایا) کھانا یا (فرمایا) پینے کی چیز ہے پس یہ آپ کے پاس آہی گئیں سو آپ اس پر اس کے رب کی طرف سے اور میری طرف سے اسلام کہیے اور ان کو جنت میں ایک ایسے گھر کی بشارت دیجئے جو بانس کا ہے جس میں نہ پتھر ہے نہ ستون۔ (مسلم بروایت ابوہریرة)

34337 ۔۔۔ رسول اللہ (صلی اللہ علیہ وآلہ وسلم) نے فرمایا : خدیجہ (رض) کو جنت میں ایک ایسے گھر کی خوشخبری دوجوبانس کا ہے جس میں نہ پتھر ہے نہ ستون۔ (مستدرک حاکم بروایت عبداللہ بن ابی اوفی اور بروایت عائشہ)

34338 ۔۔۔ رسول اللہ (صلی اللہ علیہ وآلہ وسلم) نے فرمایا : مجھے حکم دیا گیا کہ میں بشارت دوں خدیجہ کو جنت میں ایک ایسے گھر کی جو بانس کا ہے جس میں نہ پتھر ہے نہ ستون۔ (احمد بن حنبل ابن حبان مستدرک حاکم بروایت عبداللہ بن جعفر)

34339 ۔۔۔ رسول اللہ (صلی اللہ علیہ وآلہ وسلم) نے فرمایا : میں نے خدیجہ (رض) کو جنت کی نہروں میں سے ایک نہر پر ایک ایسے گھر جس دیکھا جس میں نہ شور تھا نہ تھکاوٹ تھی۔ (طبرانی بروایت جابر)۔ کلام :۔۔۔ ضعیف ہے ضعیف الجامع :3081

34340 ۔۔۔ رسول اللہ (صلی اللہ علیہ وآلہ وسلم) نے فرمایا : مومنوں کی عورتوں کی سزا فلانی ہے اور خدیجہ بنت خویلد مسلمانوں کی عورتوں میں سب سے پہلے اسلام لانے والی ہیں۔ (ابویعلی بروایت حذیفہ)

34341 ۔۔۔ رسول اللہ (صلی اللہ علیہ وآلہ وسلم) نے فرمایا : مجھ سے جبرائیل نے کہا خدیجہ (رض) کو جنت میں ایک ایسے گھر کی خوشخبری دوجوبانس کا ہے جس میں نہ پتھر ہے نہ ستون۔ (طبرانی بروایت ابن ابی اوفی)

34342 ۔۔۔ رسول اللہ (صلی اللہ علیہ وآلہ وسلم) نے فرمایا : میرے پاس جبرائیل (علیہ السلام ) آئے اور کہا خدیجہ (رض) عنہاکو جنت میں ایک ایسے گھر کی خوشخبری دو جو بانس کا ہے جس میں نہ پتھر ہے نہ ستون۔ (الباودری وابن قانع طبرانی بروایت جابر بن عبداللہ بن ابن رئاب طبرانی بروایت ابوسعید)