34503 ۔۔۔ رسول اللہ (صلی اللہ علیہ وآلہ وسلم) نے فرمایا : میری امت میں سے ایک جماعت ہمیشہ حق پر لڑتی رہے گی ان لوگوں پر غالب ہوں گے جو ان سے دشمنی کریں یہاں تک کہ ان کے آخری لوگ دجال سے قتال کریں گے۔ (احمد بن حنبل ابوداؤد مستدرک حاکم بروایت عمران بن حصین)

34504 ۔۔۔ رسول اللہ (صلی اللہ علیہ وآلہ وسلم) نے فرمایا : میری امت میں سے ایک جماعت غالب ہوگی ان کو ان لوگوں کی رسوائی نقصان نہیں پہنچاسکے گی جو ان کو رسوا کریں یہاں تک کہ قیامت قائم ہوجائے۔ (ابن ماجہ ابن حبان بروایت قرة ابن ایاس)

34505 ۔۔۔ رسول اللہ (صلی اللہ علیہ وآلہ وسلم) نے فرمایا : جب شام والے فساد کریں تو تم میں خیرنہ ہوگی اور میری امت میں سے ایک جماعت ہمیشہ غالب رہے گی ان کو وہ لوگ نقصان نہیں پہنچاسکیں گے جو ان کو ذلیل کریں یہاں تک کہ قیامت قائم ہوجائے۔ (احمدبن حنبل ترمذی ابن حبان بروایت قرة ابن ایاس)

34506 ۔۔۔ رسول اللہ (صلی اللہ علیہ وآلہ وسلم) نے فرمایا : کیا تمہیں یہ پسند ہے کہ تم جنتیوں کے چوتھائی ہو ؟ کیا تمہیں یہ پسند ہے کہ تم جنتیوں کی تہائی ہو ؟ اس ذات کی قسم جس کی قبضے میں میری جان ہے میں اس بات کی امید رکھتا ہوں کہ تم جنتیوں کے نصف ہو اور میں تمہیں عنقریب اس بارے میں بتاؤں گا ، بیشک جنت میں صرف مسلمان نفس ہی داخل ہوسکتا ہے اور مسلمانوں کی قلت کافروں میں سفید بیل میں کالے بال کی طرح ہے یا ( یا فرمایا) کالے بیل میں سفید بال کی طرف ہے۔ (ابن جریر بروایت ابن مسعود)

34507 ۔۔۔ رسول اللہ (صلی اللہ علیہ وآلہ وسلم) نے فرمایا خبردار اس ذات کی قسم جس کے قبضے میں محمد (صلی اللہ علیہ وآلہ وسلم) کی جان ہے قیامت کے دن کالی رات کی طرح تم میں سے جنت کی طرف بھیجے جائیں گے تم سب زمین کو گھیرے ہوئے ہوگے فرشتے کہیں گے محمد (صلی اللہ علیہ وآلہ وسلم) کے ساتھ اس سے زیادہ لوگ آئے جو اور انبیاء (علیہم السلام ) کے ساتھ آئے ہیں۔ (طبرانی بروایت ابومالک الاشعری)

34508 ۔۔۔ رسول اللہ (صلی اللہ علیہ وآلہ وسلم) نے فرمایا میری امت میں سے ایک جماعت ایسی ہے جن میں اللہ تعالیٰ ستر ہزار کو بعیر حساب کے جنت میں داخل کرے گا۔ (طبرانی رضاء مقدسی بروایت سرة)

34509 ۔۔۔ رسول اللہ (صلی اللہ علیہ وآلہ وسلم) نے فرمایا : میری امت میں سے ستر ہزار بغیر حساب کے جنت میں داخل ہوں گے۔ (طبرانی بروایت ابن عباس)

34510 ۔۔۔ رسول اللہ (صلی اللہ علیہ وآلہ وسلم) نے فرمایا : بیشک میں اس بات کی امید رکھتا ہوں کہ میری امت میں سے قیامت کے دن جو میرے پیچھے آئیں گے جنتیوں کے چوتھائی ہوں گے میں اس بات کی امید رکھتا ہوں کہ تم جنتیوں کی تہائی ہو میں اس بات کی امیدرکھتا ہوں کہ تم جنتیوں کے نصف ہو۔ (احمد بن حنبل عبدبن حسید فی تفسیرہ سعید بن منصور بروایت جابر)

34511 ۔۔۔ رسول اللہ (صلی اللہ علیہ وآلہ وسلم) نے فرمایا : تم جنتیوں کے تہائی ہو یا (فرمایا) جنتیوں کے نصف ہو ۔ (طبرانی بروایت ابن عباس)

34512 ۔۔۔ رسول اللہ (صلی اللہ علیہ وآلہ وسلم) نے فرمایا : جنت والے ایک سوبیس صف میں ہوں گے تم اسی (صف) ہو اور دوسرے ان میں سے باقی (صف) ہیں اور تم پوری ستر امت ہو تم ان سے بہتر اور اللہ عزوجل کے ہاں زیادہ مکرم ہو۔ (طبرانی بروایت بہر بن حکیم عن ابیہ عن جدہ)

34513 ۔۔۔ رسول اللہ (صلی اللہ علیہ وآلہ وسلم) نے فرمایا : جنت والے ایک سوبیس صف (میں) ہوں گے تم ان میں سے اسی صف ہو گے ۔ (طبرانی مستدرک حاکم بروایت ابن مسعود)

34514 ۔۔۔ رسول اللہ (صلی اللہ علیہ وآلہ وسلم) نے فرمایا : تمہاری حالت کیسی ہوگی کہ تمہارے لیے جنت کا چوتھائی ہو اور باقی لوگوں کے لیے اس (جنت) کی تین چوتھائیاں ہو تم جنت کی تہائی کے ساتھ کیسے ہوگے تم ( جنت کے) نصف کے ساتھ کیسے ہوگے ؟ جنت والے قیامت کے دن ایک سوبیس صف (میں) ہوں گے تم ان میں سے اسی صف (میں) ہوگے۔ (احمدبن حنبل طبرانی بروایت ابن مسعود)

34515 ۔۔۔ رسول اللہ (صلی اللہ علیہ وآلہ وسلم) نے فرمایا : میری امت میں سے ستر ہزار جنت میں داخل ہوں گے یہ مہاجرین تو عام ہے اور ہمارے دیہاتوں میں سے ایک جماعت اس کو پورا کرے گی۔ (ابن سعد بروایت ابوسعد الخیر)

34516 ۔۔۔ رسول اللہ (صلی اللہ علیہ وآلہ وسلم) نے فرمایا : یقیناً میری امت میں سے ستر ہزار یا (فرمایا) سات لاکھ جنت میں داخل ہوں گے جو نھیر نے والے ان میں بعض بعض کا ہاتھ پکڑے ہوئے کہ ان کا اول داخل نہ ہوگا یہاں تک کہ ان کا آخرداخل ہوجائے ان کے چہرے چودھویں رات کے چاند کی صورت پر ہوں گے۔

34517 ۔۔۔ رسول اللہ (صلی اللہ علیہ وآلہ وسلم) نے فرمایا : اہم آخر میں آنے والے قیامت کے دن سبقت لے جانے والے ہیں۔ سب سے پہلی جماعت جو جنت میں داخل ہوگی میری امت میں سے ستر ہزار ہوں گے جن کا کوئی حساب کتاب نہ ہوگا ان میں سے ایک آدمی کی صورت چودھویں رات کے چاند کی صورت جیسی ہوگی پھر وہ لوگ جوان کے قریب ہوں گے آسمان میں سب سے زیادہ چمکدار ستارے کی طرح ہوں گے پھر وہ لوگ اس کے بعد مختلف درجات (میں) ہوں گے۔ (ھناد خطیب بغدادی بروایت ابوہریرة)

34518 ۔۔۔ رسول اللہ (صلی اللہ علیہ وآلہ وسلم) نے فرمایا : ہم قیامت کے دن ستر امت پوری کریں گے ہم ان میں آخرہوں یا (فرمایا) ان میں اخیر ہوں گے۔ (بارودی بروایت قتادة بن محمد بن حرم انصاری)

34519 ۔۔۔ رسول اللہ (صلی اللہ علیہ وآلہ وسلم) نے فرمایا : ہم لوگ قیامت کے دن سترامت پوری کریں گے ہم ان میں سے آخر اور ان میں بہتر ہوں گے۔ (ابن ماجہ بروایت ابھر من حکیم عن ایبہ عن جدہ)

34520 ۔۔۔ رسول اللہ (صلی اللہ علیہ وآلہ وسلم) نے فرمایا : بیشک تم سترامت پوری کروگے تم ان میں بہتر اور اللہ کے ہاں زیادہ عزت والے ہوگے۔ (احمد بن حنبل ترمذی (حسن) ابن ماجہ مستدرک حاکم ، طبرانی بروایت بھر بن حکیم)

34521 ۔۔۔ رسول اللہ (صلی اللہ علیہ وآلہ وسلم) نے فرمایا : ہر امت کہ ان میں سے بعض جنت میں اور بعض جہنم میں ہوں گے مگر یہ امت ساری ہی جنت میں ہوگی۔ (دیلمی بروایت ابن عمر)

34522 ۔۔۔ رسول اللہ (صلی اللہ علیہ وآلہ وسلم) نے فرمایا : میری امت کی تین تہائیاں ہیں ایک تہائی جنت میں بغیر حساب اور عذاب کے داخل ہوتی ، ایک تہائی کاہلکا ساحساب لیا جائے گا پھر جنت میں داخل ہوں گے اور ایک تہائی کہ ان کو گناہوں سے صاف کیا جائے گا اور پھر فرشتے آئیں گے پھر کہیں گے ہم نے ان کو پایا کہ وہ لاالہ الا الاللہ وحدہ کہہ رہے ہیں اور اللہ تعالیٰ فرمائیں گے کہ انھوں نے سچ کہا لاالہ الاانا (میرے سوا کوئی معبود نہیں) ان کو اس الاالہ الا وحدہ کہنے کی وجہ سے جنت میں داخل کرو اور ان کے گناہ جھٹلانے والوں پر لادو سو یہ ہی ہے وہ بات جو اللہ تعالیٰ نے فرمائی : ولیحملن اثصالا مع اثقالامع اثقالھم ( اور وہ لوگ اپنے بوجھ اٹھائیں گے اور دوسرے) بوجھ ( بھی ) اپنے بوجھوں کے ساتھ۔ (ابن ابی حاتم طبرانی ، بروایت عوف بن مالک)