35763 ۔۔۔ موسیٰ بن ابی عیسیٰ کہتے ہیں کہ عمر بن خطاب (رض) نبی حارثہ کے کنواں پر پہنچے وہاں محمد بن مسلمہ ملے تو عمر (رض) نے پوچھا احمد آپ مجھے کیسے پاتے ہیں ؟ تو جواب دیا اللہ کی قسم آپ کو اپنی پسند کا آدمی پاتاہوں اور آپ اپنے متعلق جس طرح کی خبر کو پسند کرتے ہیں اس طرح پاتاہوں میں آپ کو دیکھتا ہوں کہ آپ مال جمع کرنے میں قوی ہیں لیکن مال جمع کرنے سے دامن بچاتے ہیں مال تقسیم کرنے میں انصاف کرتے ہیں اگر اس میں جانب دار کریں تو ہم آپ کو ایسا سیدھاکریں جس طرح تیر کو سیدھا کرتے ہیں سوراخ میں عمر (رض) نے فرمایا کہ یہ بات دوبارہ کہو تو انھوں نے کہا اگر جانب داری سے کام لیا تو جس طرح تیر کو سوراخ میں سیدھا کیا جاتا ہے ایسا ہی سیدھاکریں گے تو عمر (رض) نے کہا تمام تعریفیں اس اللہ کی جس نے عمر (رض) کو اس قوم میں پیدا کیا اگر میں نیز ہا چلوں تو مجھے سیدھا کریں گے۔ (ابن المبارک)

35764 ۔۔۔ عمر (رض) نے ایک شخص کو یہ آیت پڑھتے ہوئے سنارھل اتی علی الانسان حین من الدھر لم یکن شیاء مذکورا ) تو عمر (رض) نے کہا اے کاش آیت پوری ہوجاتی ۔ (ابن المبارک وابوعبیدنی فضا ئلہ وعبد بن حمید وابن منذر)

35765 ۔۔۔ عبداللہ بن ابراہیم کہتے ہیں مسجد نبوی (صلی اللہ علیہ وآلہ وسلم) میں سب سے پہلے کنکر بچھانے والے عمر (رض) ہیں لوگ جب سجدہ سے سر اٹھاتے ہاتھوں کو جھاڑتے تھے تو عمر (رض) نے کنکر بچھانے کا حکم دیاتو مقام عقیق سے کنکر لائے گئے اور مسجد نبوی (صلی اللہ علیہ وآلہ وسلم) میں بچھائے گئے۔ (ابن سعد)

35766 ۔۔۔ محمد بن سیربن کہتے ہیں کہ عمر (رض) نے فرمایا کہ میں خالدبن ولید اور محمد بن متنی بنی شیبان کو معزول کردوں گا تاکہ ان دونوں کو معلوم ہو کہ اللہ تعالیٰ اپنے بندوں کی مدد فرماتے ہیں وہ دونوں مدد نہیں کرتے ۔ (ابن سعد)

35767 ۔۔۔ اسلم سے منقول ہے کہ میں نے عمربن خطاب کو دیکھا کہ ایک ہاتھ سے گھوڑے کا کان پکڑتے دوسرا ہاتھ اپنے کان پر رکھتے یا اس طرح گھوڑے کی پیٹ پر سوار ہوجاتے ۔ (ابن سعدابونعیم فی المعرفہ)

35768 ۔۔۔ راشد بن سعد سے منقول ہے کہ عمربن خطاب (رض) کے پاس کچھ مال لایا گیا لوگوں میں تقسیم فرمانا شروع کیا لوگ ہجوم کررہے تھے سعدبن ابی وقاص بھی ہجوم میں داخل ہوئے یہاں تک ان کے پاس پہنچ گئے تو عمر (رض) نے ان کو درہ لگایا اور فرمایا کیا تم یہاں پہنچ گئے زمین میں اللہ کے خلیفہ سے نہیں ڈرتے میں نے چاہا تمہیں بتلا دوں اللہ کا خلیفہ زمین میں کسی سے نہیں ڈرتا۔ (ابن سعد)

35769 ۔۔۔ عکرمہ (رض) سے منقول کہ ایک نائی حضرت عمر (رض) کے بال بنارہا تھا چونکہ وہ بارعب آدمی تھے انھوں نے گلاکنکھارا تو نائی کو حدث لاحق ہوگیا حضرت عمر (رض) نے حکم دیا اس کو چالیس دراھم دئیے جائیں۔ (ابن احمد خطیب بغدادی )

35770 ۔۔۔ محمد بن زید سے منقول ہے حضرت علی (رض) عثمان زبیر طلحہ عبدالرحمن بن عوف سعدیہ سارے اکٹھے ہوئے عمر (رض) کے سامنے ان میں سب سے زیادہ جرات والے عبدالرحمن بن عوف تھے سب نے کہا اے عبدالرحمن اگر آپ امیر المومنین سے بات کرتے لوگوں کے متعلق کہ کوئی ضرورت مند آتا ہے تمہاری ہیبت اس کے لیے مانع ہوتی ہے وہ اپنی ضرورت بیان نہیں کرپاتا اس لیے ضرورت پوری کئے بغیر واپس چلاجاتا ہے تو عبدالرحمن (رض) ان کے پاس گئے اور ان سے بات کی کہ اے امیر المومنین لوگوں کے ساتھ نرمی کا معاملہ کیجئے کیونکہ لوگ اپنی حاجت لے کر آپ کی خدمت میں آتے ہیں لیکن آپ کی ہیبت مانع ہونے کی بناپر آپ سے حاجت پوری کئے بغیر واپس چلے جاتے ہیں تو حضرت عمر (رض) نے فرمایا اے عبدالرحمن آپ کو قسم دے کر پوچھتا ہوں کیا تمہیں علی عثمان طلحہ زبیر اور سعد (رض) نے اس کا حکم دیا ہے ؟ تو انھوں نے بتایا ہاں تو عمر (رض) نے فرمایا کہ اے عبدالرحمن میں نے لوگوں سے اتنی نرمی کی کہ یہاں تک مجھے خوف ہوا کہ کہیں اللہ تعالیٰ اس نرمی پر گرفت نہ فرمائے پھر میں نے سختی کی اور ان پر یہاں تک مجھے خوف ہوا کہ کہیں اللہ تعالیٰ اس شخص پر گرفت نہ فرمائیں اب کونسا راستہ اختیار کیا جائے عبدالرحمن (رض) روتے ہوئے اپنی چادر گھسٹتے ہوئے نکلے یہ کہتے ہوئے کہ معاملہ اسی کے ہاتھ میں تیرے بعد ان کے لیے ہلاکت ہے۔ (ابن سعد ، ابن عساکر)

35771 ۔۔۔ سعید بن مسیّب سے روایت ہے کہ مال غنیمت کا ایک اونٹ زخمی ہوگیا اس کو ذبح کروکر حضرت عمر (رض) نے اس میں سے کچھ ازواج مطہرات کے پاس بھیج دیاباقی سے کھاتاتیار کروایا مسلمانوں کو کھانے کی دعوت دی اس دن ان میں عباس بن عبدلامطلب (رض) تھے تو عباس (رض) نے کہا اے امیر المومنین اگر آپ روزانہ ایسا کھانا تیار کرواتے اور ہم آپ کے پاس بیٹھ کر کھاتے اور آپ ہم سے بات چیت کرتے تو عمر (رض) نے فرمایا آئندہ کبھی اس طرح نہیں کرونگا مجھ سے پہلے دو راہنما گذرچکے ہیں یعنی رسول اللہ (صلی اللہ علیہ وآلہ وسلم) اور ابوبکر صدیق ان کا عمل اور ان کا طریقہ واضح ہے اگر میں ان کے عمل کے خلاف کوئی عمل کروں گا تو ان کا راستہ چھوٹ جائے گا۔ (ابن سعد ومسد وابن عساکر)

35772 ۔۔۔ ابی سعید مولی ابی اسید روایت کرتے ہیں کہ عمر (رض) عشاء کے بعد مسجد سے جاتے تھے اس میں جو شخص نظر آتا اس کو نکال دیتے سوائے کوئی کھڑے ہو کر نماز پڑھ رہا ہو تو ایک مرتبہ ان کا ایک جماعت پر گذر ہوا ان میں ابی بن کعب بھی تھے پوچھایہ کون لوگ ہیں تو ابی نے بتایا اے امیر المومنین آپ کے ساتھیوں کی ایک جماعت ہے پوچھا کہ تم نماز کے بعد کیوں رک گئے تو انھوں نے بتایا ہم ذکر اللہ کے لیے بیٹھے ہیں تو حضرت عمر (رض) خودبھی ان کے ساتھ بیٹھ گئے پھر اپنے قریب ترین شخص سے کہا یہ لے لو ایک ایک شخص کو ٹٹولتا رہا یہاں تک مجھ تک پہنچ گئے میں ان کے پہلوں میں تھا تو فرمایا لاؤ میری آواز بند ہوگئی اور مجھ پر کپکپی سختی سے طاری ہوگئی یہاں تک کہ انھوں نے اس کو محسوس کیا تو فرمایا اگر آپ کہتے اللھم اغفرلنا اللھم ارحمنا پھر عمر (رض) نے رونا شروع کیا قوم میں ان سے زیادہ آنسو بہانے والا زیادہ رونے والا کوئی نہیں تھا پھر فرمایا اس وقت منتشر ہوجاؤ۔ (ابن سعد)

35773 ۔۔۔ ابی وجزہ اپنے والد سے نقل کرتے ہیں کہ عمربن خطاب (رض) نے بقیع کو چراگاہ بنایا تھا مسلمانوں کے گھوڑوں کے لیے رہذہ اور شرف کو صدقات کے اونٹ کے لیے ہر سال تیس ہزار اونٹ کا بوجھ اللہ کی راہ میں تقسیم فرماتے ۔ (ابن سعد)

35774 ۔۔۔ سائب بن یزد کہتے ہیں کہ میں نے عمر (رض) کے پاس گھوڑا دیکھا جس کے ران پر نشان لگا ہوا تھا جو اللہ کی راہ میں بندھا ہوا تھا۔(ابن سعد)

35775 ۔۔۔ سائب بن یزید سے منقول ہے کہ میں نے عمربن خطاب کو دیکھا کہ ایک دن ان گھوڑوں کا سامان تیار کر ہے ہیں جن پر اللہ کی راہ میں مجاہدین کو سوار کرنا ہے ان کا زین اور بالان وغیرہ جب کسی آدمی کو اونٹ سواری کے لیے دیتے تو سامان سمیت دیتے تھے ۔ (ابن سعد)

35776 ۔۔۔ سفیان بن ابی العوجاء کہتے ہیں کہ عمربن خطاب (رض) نے کہا اللہ کی قسم مجھے معلوم نہیں کہ میں خلیفہ ہوں یا بادشاہ ہوں اگر میں بادشاہ ہوں تو یہ بہت بڑا معاملہ ہے ایک شخص نے کہا کہ اے امیر المومنین دونوں میں فرق ہے پوچھاوہ کیا بتایا خلیفہ مال نہیں لیتا مگر حق طریقہ سے اور مال نہیں خرچ کرتا مگر حق جگہ پر آپ بحمد اللہ تعالیٰ ایسا ہی ہیں بادشاہ لوگوں پر ظلم کرتا ہے اس سے (ظلما) لے کر اس کو دیتا ہے اس پر عمر (رض) خاموش ہوگئے ۔ (ٕابن سعد)

35777 ۔۔۔ سلمان فارسی (رض) سے منقول ہے کہ عمر (رض) نے ان سے پوچھا کہ میں خلیفہ ہوں یا بادشاہ تو سلمان (رض) نے کہا کہ اگر آپ نے فلسطین کی سرزمین ایک درھم یا اس سے کم زیادہ لے کرنا حق خرچ کیا تو آپ بادشاہ ہیں خلیفہ نہیں حضرت عمر (رض) کی آنکھوں میں آنسو آگئے ۔ (ابن سعد)

35778 ۔۔۔ ابی مسعود (رض) انصاری فرماتے ہیں ہم اپنی مجلس میں بیٹھے ہوئے تھے ایک شخص گھوڑے پر سوار ہو کر آیا ایڑھ لگاتا ہوا دوڑ رہا تھا یہاں تک قریب تھا کہ ہمیں روندڈالتا اس کی وجہ سے ہم اکٹھے ہوئے اور کھڑے ہوئی تو دیکھا عمربن خطاب ہیں ہم نے کہا اے امیر المومنین آپ کے بعدکون ہوگا پوچھا تمہیں کیا چیز بری لگی مجھے کچھ نشط محسوس ہوا میں نے گھوڑے پر سوار ہو کر ایڑھ لگائی۔ (ابن سعد)

35779 ۔۔۔ ابی امامہ بن سہل بن حنیف سے منقول ہے کہ عمر (رض) ایک زمانہ تک بیت الما سے کچھ بھی نہیں لیتے تھے یہاں تک ان کو اس کی حاجت ہوئی کہ لوگ بیت المال سے کچھ لیں تو انھوں نے صحابہ کرام کو مشورہ کے لیے جمع فرمایا اور ان سے کہا کہ میں نے اپنے کو دین کے کام کے لیے مشغول کیا ہے میں اس میں سے کتنا لے سکتا ہوں عثمان بن عفان نے مشورہ دیا کہ خود کھائیں (اپنے گھروالوں کو) کھلائیں سعید بن زید بن عمروبن نفیل نے بھی یہی جواب دیاعلی (رض) سے پوچھا اس بارے میں آپ کی کیا رائے ہے ؟ تو فرمایا صبح اور شام کے کھانی کی بقدر عمر (رض) نے اسی پر عمل کیا ۔ (ابن سعد)

35780 ۔۔۔ سعید بن مسیّب سے منقول ہے کہ عمر (رض) نے صحابہ کرام (رض) سے مشہورہ فرمایا : اور کہا اللہ کی قسم خلافت کی ذمہ داری میرے اوپر اس طرح آگئی جیسے کبوتر کے گلے کا طوق اب میں بیت المال سے کتنا خرچہ لے سکتا ہوں علی (رض) نے فرمایا جو صبح وشام کے کھانے کے لیے کافی ہو تو عمر (رض) نے فرمایا سچ بتایا ۔ (ابن سعد)

35781 ۔۔۔ ابن عمر (رض) سے منقول ہے کہ عمر (رض) اپنے لیے اور گھروالوں کے لیے (بیت المال سے ) مقدار کفاف خوراک لیتے اور گرمی میں کپڑے کا جوڑا لیتے بسا اوقات لنگی پھٹ جاتی اس میں پیوندلگالیتے لیکن وقت آنے سے پہلے دوسری نہ لیتے تھے جس سال مال زیادہ آتا پچھلے سال سے کم درجہ کا جوڑا لیتے اس سلسلہ میں حفصہ نے بات کی تو فرمایا میں مسلمانوں کے مال سے جوڑا لے رہاہوں یہ جوڑا میرے لیے کافی ہے۔ (ابن سعد)

35782 ۔۔۔ محمد بن ابراہیم نے بیان کیا کہ عمربن خطاب (رض) اپنے اور اپنے گھروالوں پر دو دراھم خرچ کرتے اور حج میں کل ایک سو اسی دراہم خرچ کئے۔ (ابن سعد)