٣٧٢٤١۔۔۔ ہشام بن عروہ عروہ بن زبیر (رض) اور فاطمہ بنت مندذربن زبیر سے روایت نقل کرتے ہیں وہ دونوں کہتے ہیں : حضرت اسماء بنت ابی بکر (رض) جب ہجرت مدینہ کے لیے مکہ سے نکلیں تو عبداللہ زبیر (رض) ان کے بطن میں تھے قباء پہنچیں اور وہیں عبداللہ پیدا ہوئے پھر انھیں لے کر رسول اللہ (صلی اللہ علیہ وآلہ وسلم) کی خدمت اقدس میں حاضر ہوئیں اور عبداللہ (رض) کو آپ کی گود میں رکھ دیا آپ (صلی اللہ علیہ وآلہ وسلم) نے کھجور مانگی ہم نے کھجور تلاش کی پھر آپ نے کھجور چبا کر عبداللہ (رض) کے منہ میں ڈالی سب سے پہلے جو چیز عبداللہ (رض) نے پیٹ میں پہنچی وہ رسول اللہ (صلی اللہ علیہ وآلہ وسلم) کا لعاب مبارک تھا اسماء (رض) کہتی ہیں : پھر آپ نے عبداللہ کے سرپرست شفقت پھیرا ان کے لیے دعائے برکت کی اور اس کا نام عبداللہ رکھا پھر عبداللہ (رض) کی عمر جب سات سال کی ہوئی تو زبیر (رض) کی ایماء پر رسول اللہ (صلی اللہ علیہ وآلہ وسلم) کی خدمت اقدس میں بیعت کے لیے حاضر ہوئے آپ نے جب عبداللہ (رض) کو سامنے سے آئے دیکھا تو آپ (صلی اللہ علیہ وآلہ وسلم) مسکرادیئے پھر عبداللہ (رض) سے بیعت لی۔ (رواہ ابن عساکر)

٣٧٢٤٢۔۔۔” مسند زبیر (رض) “ قتام بن بسطام کی روایت ہے کہ ابن عمر (رض) بن زبیر (رض) کے پاس سے گزرے دراں حالیکہ عبداللہ (رض) سولی پر لٹکادیئے گئے تھے ابن عمر (رض) بولے : رسول اللہ (صلی اللہ علیہ وآلہ وسلم) نے فرمایا : جو شخص برائی کرتا ہے اسے دنیا میں یا آخرت میں اس کا بدلہ دے دیا جاتا ہے کہ اگر یہ کسی برائی کے بدلہ میں ہوا ہے تو یہ ہے اور یہ ہے۔ (رواہ ابن عساکر)

٣٧٢٤٣۔۔۔” ایضا “ عروہ کی روایت ہے کہ عبداللہ بن زبیر (رض) نے غزوہ خندق کے دن زبیر (رض) سے عرض کیا : اے اباجان ! میں نے اشعر گھوڑے پر سوار دیکھا ہے زبیر (رض) نے فرمایا : اے بیٹے واقعی تم نے مجھے دیکھا تھا ؟ عرض کیا : جی ہاں زبیر (رض) نے فرمایا : اس وقت رسول اللہ (صلی اللہ علیہ وآلہ وسلم) نے تمہارے باپ کے لیے اپنے والدین جمع کرکے فرمایا : گھوڑے پر سوار ہوجاؤ، میرے ماں باپ تمہارے اوپر فدا جائیں۔ (رواہ ابن جریر)

٣٧٢٤٤۔۔۔ عمروبن میمون بن مہران کی روایت ہے کہ حضرت عبداللہ بن عامر (رض) جب مرض الوفات میں مبتلا تھے ان کے پاس نبی کریم (صلی اللہ علیہ وآلہ وسلم) کے اصحاب تشریف لائے ان میں ابن عمر (رض) بھی تھے عبداللہ بن عامر (رض) بولے : تم لوگ مجھے کسی حال میں دیکھ رہے ہو ؟ صحابہ (رض) نے فرمایا : ہمیں تمہاری نجات میں کچھ شک نہیں چونکہ آپ لوگوں کی مہمان نوازی کرتے رہے ہیں اور مبتلائے حوادث کو عطا کرتے رہے ہیں (رواہ البیھقی فی شعب الایمان)

٣٧٢٤٥۔۔۔ ابن عمر (رض) کہتے ہیں : غزوہ احد کے موقع پر جب میرے والد مجھے لے کر رسول اللہ (صلی اللہ علیہ وآلہ وسلم) کے پاس آئے اس وقت میری عمرچودہ۔ (١٤) سال تھی نبی کریم (صلی اللہ علیہ وآلہ وسلم) نے مجھے غزوہ میں شمولیت کی اجازت نہیں دی پھر غزوہ خندق کے موقع پر والد محترم لے کر آئے اس وقت پندرہ (١٥) سال میری عمر تھی ، رسول اللہ (صلی اللہ علیہ وآلہ وسلم) نے مجھے غزوہ میں شمولیت کی اجازت مرحمت فرمائی۔ (رواہ عبدالرزاق)

٣٧٢٤٦۔۔۔ ابن عمر (رض) کہتے ہیں : مجھے غزوہ احد کے موقع پر نبی کریم (صلی اللہ علیہ وآلہ وسلم) کے سامنے پیش کیا گیا اس وقت ١٤ سال میری عمر تھی آپ نے مجھے نابالغ سمجھ کر غزوہ میں شرکت کی اجازت نہیں دی پھر مجھے غزوہ خندق کے موقع پر پیش کیا گیا جب کہ میری عمر ١٥ سال تھی آپ نے مجھے اجازت دے دی۔ (رواہ عبدالرزاق وابن ابی شیبۃ)

٣٧٢٤٧۔۔۔ ابن عمر (رض) فرماتے ہیں : غزوہ احد کے موقع پر مجھے نبی کریم (صلی اللہ علیہ وآلہ وسلم) کے سامنے پیش کیا گیا اس وقت میری عمردس (١٠) سال تھی آپ نے مجھے چھوٹا سمجھ کر غزوہ میں شرکت کرنے کی اجازت نہ دی پھر غزوہ خندق کے موقع پر مجھے پیش کیا گیا میری عمر پندرہ سال تھی آپ نے مجھے اجازت دے دی۔ (رواہ ابن ابی شیبہ)

٣٧٢٤٨۔۔۔ ابن شوذب کہتے ہیں : حضرت ابن عمر (رض) کو خبر پہنچی کہ زیادہ حجاز مقدس کی گورنری کا خواہاں ہے ابن عمر (رض) کو اس کی سلطنت میں رہنا ناگوار گزرا اور فرمایا : یا اللہ تو اپنی مخلوق میں جسے چاہتا قتل کا کفارہ بنادیتا ہے پس مجھے قتل کیے جانے سے قبل اسے موت سے ہمکنار کردے چنانچہ زیاد کے انگوٹھے پر طاعون کا دانہ نکلا اور ہفتہ بھی نہیں گزرنے پایا تھا کہ مرگیا۔ (رواہ ابن عساکر)

٣٧٢٤٩۔۔۔ ابن عمر (رض) فرماتے ہیں : مجھے غزوہ بدر کے موقع پر نبی کریم (صلی اللہ علیہ وآلہ وسلم) کے سامنے پیش کیا گیا میری عمر تیرہ (١٣) سال تھی آپ نے مجھے واپس کردیا پھر مجھے غزوہ احد کے موقع پر پیش کیا گیا میری عمر چودہ (١٤) سال تھی تب بھی آپ نے مجھے واپس کردیا پھر غزوہ خندق کے موقع پر مجھے پیش کیا گیا میری عمر پندرہ (١٥) سال تھی آپ نے مجھے اجازت دے دی۔ (رواہ ابن سعد)

٣٧٢٥٠۔۔۔ ابن عمر (رض) کہتے ہیں : غزوہ خندق کے موقع پر مجھے اور رافع بن خدیج (رض) کو نبی کریم (صلی اللہ علیہ وآلہ وسلم) کے سامنے پیش کیا گیا۔ اس وقت ہماری عمر پندرہ (١٥) سال تھی آپ نے ہمیں قبول فرمایا لیا۔ (رواہ ابن عساکر)

٣٧٢٥١۔۔۔ ابن عمر (رض) کہتے ہیں میں نے غزوہ احد کے موقع پر رسول اللہ (صلی اللہ علیہ وآلہ وسلم) اقدس پر بیعت کی میری عمر تیرہ (١٣) سال تھی آپ نے مجھے کمسن سمجھ کر واپس کردیا پھر میں اس غزوہ سے پیچھے رہا۔ (رواہ ابن عساکر)

٣٧٢٥٢۔۔۔ ابن عمر (رض) کہتے ہیں : مجھے بدر کے دن رسول اللہ (صلی اللہ علیہ وآلہ وسلم) کے سامنے پیش کیا گیا آپ نے مجھے کمسن سمجھ کر واپس کردیا اس رات میں سو بھی نہ سکا اور پوری رات روتے روتے اور حزن کی حالت میں آنکھوں سے نکال دی الگے سال پھر مجھے آپ سامنے پیش کیا گیا، آپ نے مجھے قبول کرلیا اور اس پر میں نے اللہ تعالیٰ کا شکرادا کیا ایک شخص بولا : اے ابو عبدالرحمن ! غزوہ خندق میں تم لوگوں نے پیٹھ پھیرلی تھی ؟ فرمایا : جی ہاں اللہ تعالیٰ نے ہم سب کو معاف کردیا اور اس پر ہم اللہ کا جنتا بھی شکریہ کریں وہ کم ہے۔ (رواہ ابن عساکر)

٣٧٢٥٣۔۔۔ ابن عمر (رض) فرماتے ہیں : میں فتح مکہ میں شریک رہا ہوں جب کہ میری عمر بیس (٢٠) سال تھی۔ (رواہ ابن مندہ وابن عساکر)

٣٧٢٥٤۔۔۔ ابن مجاہد کہتے ہیں : ابن عمر (رض) فتح مکہ میں شریک رہے ہیں اس وقت ان کی عمر پچیس سال تھی ان کے پاس ایک اڑیل قسم کا گھوڑا اور بھاری نیزہ تھا ابن عمر (رض) اپنے گھوڑے کے لیے چارالانے گئے رسول اللہ (صلی اللہ علیہ وآلہ وسلم) نے فرمایا : عبداللہ تو اللہ کا بندہ ہے۔ (رواہ ابن عساکر)

٣٧٢٥٥۔۔۔ نافع کی روایت ہے کہ ابن عمر (رض) رسول اللہ (صلی اللہ علیہ وآلہ وسلم) کے آثار و نشانات کو تلاش کرتے اور وہاں نماز پڑھتے حتیٰ کہ نبی کریم (صلی اللہ علیہ وآلہ وسلم) ایک درخت کے نیچے اترے تھے چنانچہ ابن عمر (رض) باقاعدگی سے اس درخت کے پاس اترتے اس کی جڑوں پر پانی بہاتے تاکہ خشک نہ ہوجائے۔ (رواہ ابن عساکر)

٣٧٢٥٦۔۔۔ نافع سے مروی ہے کہ ہم ابن عمر (رض) کے ساتھ ایک سفر میں تھی افواہ پھیلی کہ درندے نے راستہ روک رکھا ہے، ابن عمر (رض) سواری پیچھے وہ گئی تھی جب اس جگہ پہنچے تو نیچے اترے اور درندے کا کان اینٹھا اور پھر راستے سے ہٹا دیا فرمایا میں نے رسول اللہ (صلی اللہ علیہ وآلہ وسلم) کو ارشاد فرماتے سنا ہے کہ آدمی اللہ تعالیٰ کے سوا کسی سے نہ ڈرے تو اس پر کسی کو مسلط نہیں کرتا اور اگر آدمی اللہ تعالیٰ کے سوا کسی سے امید وابستہ نہ رکھتا ہو تو اللہ تعالیٰ اسے کسی کے سپرد نہیں کرتا۔۔ (رواہ ابن عساکر)

٣٧٢٥٧۔۔۔ وہب بن ابان قرشی کی روایت ہے کہ ابن عمر (رض) ایک سفر میں تھے ایک جگہ پہنچ کر یکاک لوگ کھڑے ہوگئے ابن عمر (رض) نے پوچھا یہ لوگ کیوں کھڑے ہیں ؟ جواب ملا : راستے میں شیرکھڑا ہے اور لوگ ڈر کے مارے آگے جا نہیں رہے ابن عمر (رض) سواری سے نیچے اترے شیر کا کان پکڑ کر انیٹھا اور پھر گردن سے پکڑ کر راستے سے الگ کردیا پھر فرمایا : میں نے رسول اللہ (صلی اللہ علیہ وآلہ وسلم) کو ارشاد فرماتے سنا ہے کہ آدمی پر وہی کچھ مسلط کردیا جاتا ہے جس سے وہ ڈرتا ہے اگر آدمی اللہ تعالیٰ کے سوا کسی سے نہ ڈرے تو اللہ تعالیٰ اپنے غیر کو اس پر مسلط نہیں کرے گا آدمی کسی شے کے سپرد کردیا جاتا ہے جس کی وہ امید کرتا ہے اگر ابن آدم اللہ کے سوا کسی سے امید وابستہ نہ کرے اللہ تعالیٰ اسے اپنے غیر کے سپرد نہیں کرے گا۔ (رواہ ابن عساکر)

٣٧٢٥٨۔۔۔ حضرت عبداللہ بن عمرو (رض) فرماتے ہیں : میں نے نبی کریم (صلی اللہ علیہ وآلہ وسلم) سے ایک ہزار مثالیں یاد کی ہیں۔ (رواہ ابویعلی والعسکری والرامھذی معافی الامثال)

٣٧٢٥٩۔۔۔ حضرت عبداللہ بن عمر (رض) فرماتے ہیں : ایک دن میں رسول اللہ (صلی اللہ علیہ وآلہ وسلم) کے ساتھ آپ کے گھر میں تھا، آپ نے فرمایا : کیا تمہیں معلوم ہے ہمارے گھر میں کون ہے میں نے عرض کیا : کیا رسول اللہ (صلی اللہ علیہ وآلہ وسلم) کون ہے ؟ فرمایا : جبرائیل امین ہیں : میں نے کہا : السلام علیکم و رحمۃ اللہ وبرکاتہ ! رسول اللہ (صلی اللہ علیہ وآلہ وسلم) نے فرمایا : جبرائیل امین نے تمہیں سلام کا جواب دیا ہے۔ (رواہ ابن عساکر)

٣٧٢٦٠۔۔۔ محمد بن اسحاق کی روایت ہے کہ مجھے ایسے شخص نے حدیث سنائی ہے جسے میں تہمت زدہ نہیں سمجھتا۔ کہا کہ کعب (رض) مکہ آئے اور مکہ میں حضرت عبداللہ بن عمروبن عمروبن العاص (رض) تھے کعب (رض) بو کے : عبداللہ بن عمرو (رض) سے تین چیزوں کے متعلق سوال کروا گروہ تمہیں ان کے متعلق بتادیں سمجھ لو کہ وہ عالم ہیں ان سے پوچھ کہ زمین پر سب سے پہلابانی کون سا ہے ؟ زمین پر سب سے پہلا کون سا درخت لگایا گیا ؟ وہ کونسی جنت میں پائی جانے والی کوئی چیز ہے جو زمین پر لوگوں کے لیے رکھ دی گئی ہے ؟ حضرت عبداللہ بن عمرو (رض) نے فرمایا : پہلا پانی جو سرزمین پر لوگوں کو نفع رسانی کے لیے پیدا کیا گیا وہ یمن میں آب برھوت ہے زمین پر سب سے پہلا اگایا جانے والا درخت عوسجہ ہے جس سے موسیٰ (علیہ السلام) نے اپنا عصا توڑا تھا اور جنت میں پائی جانے والی چیز جو زمین میں لوگوں کے لیے رکھ دی گئی ہے وہ حجر اسود ہے۔ جب کعب (رض) کو اس کی خبر دی گئی تو بولے اس شخص نے سچ کہا ن خدا یہ عالم ہے۔ (رواہ ابن عساکر)