٣٧٥٩٩۔۔۔ اسحاق عزری ام عروہ بنت صعفربن زبیر بن عوام وہ آپ کے والد جعفر بن زبیر سے وہ اپنی والدہ صفیہ بنت عبدالمطلب سے روایت نقل کرتے ہیں صفیہ (رض) کہتی ہیں : جب رسول اللہ (صلی اللہ علیہ وآلہ وسلم) احد کی طرف نکل گئے مجھے اور دوسری عورتوں کے مسجد کے پاس ایک ٹیلے پر پیچھے چھوڑ گئے ہمیں اس مسجد میں داخل کرگئے اور ہمارے ساتھ حسان بن ثابت (رض) بھی تھے۔ چنانچہ ایک یہودی مسئلے پر چڑھ کر ہماری طرف آنے لگا حتیٰ کہ ایک ٹیلے سے نمودار ہوا میں نے حسان بن ثابت سے کہا کھڑے ہوجاؤ اور اسے قتل کردوحسان (رض) بولا : یہ مجھ سے نہیں ہوسکتا۔ اگر مجھ سے ایسا ہوسکتا تو میں رسول اللہ (صلی اللہ علیہ وآلہ وسلم) کے ساتھ میدان کارزار میں ہوتا میں نے کہا : اچھا پھر تلوار میری زرہ سے باندھ دو حسان (رض) نے تلوار باندھ دی اور میں یہودی کی طرف گئی اور اس کا سرکاٹ لائی میں نے کہا : یہ سراٹھا کر یہودیوں کی طرف پھینک آؤ تاکہ وہ اوپر آنے کی جسارت نہ کرسکیں وہ سمجھتے ہیں کہ محمد نے اپنے اہل و عیال میں اپنے پیچھے کوئی مرد نہیں چھوڑا اور تاکہ انھیں کسی مرد کی موجودگی کا یقین ہوجائے۔ (رواہ ابن عساکر)

٣٧٦٠٠۔۔۔ ابن اسحاق ، یحییٰ بن عباد بن زبیروہ اپنے والد سے حضرت صفیہ بنت عبدالمطلب (رض) کی روایت نقل کرتے ہیں۔ صفیہ (رض) کہتی ہیں : ہم (عورتیں) حسان بن ثابت کے ساتھ فارغ کے قلعہ میں تھیں جبکہ نبی کریم (صلی اللہ علیہ وآلہ وسلم) خندق میں تھے یکایک ایک یہودی آیا اور قلعہ کے اردگرد چکر کاٹنے لگا ہمیں اندیشہ ہوا کہ یہ ہماری تنہائی کی خبر کافروں کو نہ کردے میں نے حسان سے کہا نیچے جاؤ اور اس یہودی کا کام تمام کردو کہیں یہ ہماری تنہائی کی خبر افشانہ کردے حسان (رض) نے جواب دیا : اے بنت عبدالمطلب ! تم جانتی ہو کہ میں اس قابل نہیں ہوں صفیہ (رض) کہتی ہیں : میں نے ہمت کی ہاتھ میں ایک ستون لیا اور نیچے اترگئی اور اسے قتل کردیا میں نے پھر حسان سے کہا : جاؤ اس کا سازو سامان اتار لاؤ حسان (رض) نے کہا : مجھے اس کی ضرورت نہیں۔ (رواہ ابن عساکر)

٣٧٦٠١۔۔۔ ضحاک بن عثمان حزامی کہتے ہیں : جب حضرت صفیہ (رض) حسان (رض) اور یہودی کا واقعہ ہمیں (صحابہ (رض) کو) پہنچا اور صحابہ (رض) نے نبی کریم (صلی اللہ علیہ وآلہ وسلم) سے اس کا تذکرہ کیا صفیہ (رض) کہتی ہیں سن کر رسول اللہ (صلی اللہ علیہ وآلہ وسلم) (زورزور سے) ہنسے۔ حتیٰ کہ میں نے ان کی پچھلی ڈاڑھیں دیکھ لیں قبل ازیں میں نے آپ کو اس طرح ہنستے ہوئے کبھی نہیں دیکھا۔ (رواہ ابن عساکر)

٣٧٦٠٢۔۔۔” مسند زبیر “ محمد حسن مخزومی ام عروہ کی سند سے ان کے دادا زبیر (رض) کی روایت ہے وہ کہتی ہیں جب رسول اللہ (صلی اللہ علیہ وآلہ وسلم) نے عورتیں احد کے دن مدینہ میں اپنے پیچھے قارع میں چھوڑیں ان میں صفیہ بنت عبدالمطلب (رض) بھی تھیں اور عورتوں کے ساتھ حسان بن ثابت (رض) کو چھوڑا چنانچہ ایک مشرک آیا اور عورتوں میں گھسنا چاہتا تھا صفیہ (رض) نے حسان سے کہا : تمہارے پاس ایک مرد آ کیا ہے حسان (رض) نے ست روی کا مظاہرہ کیا اور انکار کردیا خود صفیہ (رض) نے تلوار لی اور مشرک کے دے ماری جس سے وہ ٹھنڈا ہوگیا بعد میں اس کی خبر رسول اللہ (صلی اللہ علیہ وآلہ وسلم) کو کی گئی آپ نے صفیہ (رض) کو مال غنیمت سے حصہ دیا جیسا کہ مردوں کو حصہ دیا تھا۔ (رواہ ابن عساکر)

٣٧٦٠٣۔۔۔ یحییٰ بن عبدالرحمن بن حاطب کہتے ہیں : عاتکہ بنت زیدین عمروبن نفیل (رض) عبداللہ بن ابی بکر (رض) کے نکاح میں تھیں، عبداللہ (رض) نے عاتکہ کو کافی سارا مال دے رکھا تھا اور شرط عائد کی تھی کہ ان بعد عاتکہ کسی اور سے شادی نہیں کرے گی چنانچہ جب عبداللہ (رض) دنیا سے رخصت ہوگئے حضرت عمر (رض) نے عاتکہ کو پیغام بھیجا کہ تو نے اللہ تعالیٰ کے حلال کردہ حکم کو اپنے اوپر حرام کردیا ہے لہٰذا لیا ہوا مال عبداللہ کے وارثوں کو واپس کردو اور شادی کروعات کہ نے مال واپس کردیا پھر عمر (رض) نے انھیں پیغام نکاح بھیجا جسے قبول کرلیا اور یوں حضرت عمر (رض) نے عاتکہ (رض) سے نکاح کرلیا۔ (رواہ ابن سعد)

٣٧٦٠٤۔۔۔ علی بن یزید کی روایت ہے کہ عاتکہ بنت زید عبداللہ بن ابی بکر (رض) کے نکاح میں تھیں عبداللہ (رض) وفات پاگئے اور عاتکہ پر یہ شرط عائد کردی کہ ان کے بعد کسی سے شادی نہیں کرے گی چنانچہ عاتکہ بن شادی کے بیٹھ گئی جبکہ مردوں کے پیغام کے پیغام ملتے اور وہ نکاح سے انکار کرلیتی چنانچہ حضرت عمر (رض) نے عاتکہ کے ولی سے اس کا تذکرہ کیا اور کہا : عاتکہ میرا پیغام نکاح دو ولی نے پیغام دیا عاتکہ نے پھر انکار کردیا حضرت عمر (رض) نے ولی سے کہا : اس سے میری شادی کرادو چنانچہ ولی نے شادی کرادی، جب حضرت عمر (رض) عاتکہ کے پاس آئے اس کی طرف سے سخت مزاحمت کا سامنا کرنا پڑا بالآخر عمر (رض) اس پر غالب آگئے اور صحبت کرلی جب فارغ ہوئے فرمایا : اف، اف، اس عورت پر اف ہے بھر اس کے پاس سے نکل گئے اور پھر کچھ دنوں کے لیے اسے یونہی چھوڑ دیا اور اس کے پاس نہ آئے چنانچہ عاتکہ نے اپنی باندی حضرت عمر (رض) کے پاس بھیجی کہ تشریف لائیں میں آپ (رض) کے لیے تیاری کرتی ہوں۔ (رواہ ابن سعد واھومنقطع)

٣٧٦٠٥۔۔۔ قیلہ کی روایت ہے کہ وہ نبی کریم (صلی اللہ علیہ وآلہ وسلم) کی خدمت اقدس میں حاضر ہونے کے لیے شروع اسلام میں گھر سے نکلی قیلہ کہتی ہیں : میں اپنی ایک بہن کے پاس آئی جو نبی شیبان میں بیاہی ہوئی تھی اتنے میں سامنے سے اس کا خاوندآ گیا اور بولا : میں نے قیلہ کا سچا صاحب پایا ہے میری بہن بولی وہ کون ہے ؟ جواب دیا : وہ حریث بن حسان شیبانی ہے وہ آج صبح صبح بکر بن وائل کے ساتھ رسول اللہ (صلی اللہ علیہ وآلہ وسلم) کے پاس گیا ہے۔ قیلہ کہتی ہیں میں بھی ان کے ساتھ ہولی حتیٰ کہ رسول اللہ (صلی اللہ علیہ وآلہ وسلم) کے پاس آن پہنچے آپ لوگوں کو فجر کی نماز پڑھا رہے تھے فجر طلوع ہوچکی تھی ستارے آسمان پر چمک رہے تھے اور تاریکی کی وجہ سے مرد ایک دوسرے کو نہیں پہچان سکتے تھے میں نے رسول اللہ (صلی اللہ علیہ وآلہ وسلم) کی موجودگی میں اس سے کہا : اللہ کی قسم میں نہیں جانتی کہ تم تاریکی میں کوچ کرنے والے پر مجھے دلالت کرسکو۔ جو ابھی رتک رفیق حیات سے گزیزاں ہے۔ حتیٰ کہ ہم رسول اللہ صلی اللہ (صلی اللہ علیہ وآلہ وسلم) کی خدمت میں حاضر ہوئے وہ بولا : اس میں کوئی حرج نہیں کہ میں رسول اللہ (صلی اللہ علیہ وآلہ وسلم) کو سامنے پارہاہوں میں مسلسل تمہارے جیون ساتھی کے تلاش میں رہا ہوں جب سے تم نے اس کی تعریف کی تھی میں نے کہا : جب میں نے اس کی ابتدا کی ہے تو میں ہرگزا سے ضائع بھی نہیں کروں گا۔ (رواہ ابونعیم)

٣٧٦٠٦۔۔۔ شیرزای فی الالقاب ، ابوعباس احمد بن سعید بن معدان (مرو میں) احمد بن محمد بن مردہ اوہ اپنے والد اور چچا سے وہ اپنے دادا عمر وبن مصعب سے سعید بن مسلم بن قبیہ علی بن موسیٰ ولی عہد امیرالمومنین ابوالعباس ، وہ اپنے والد محمد بن علی سے ابوہاشم بن محمد بن حنفیہ حسین بن علی علی بن ابی طالب (رض) اور محمد بن علی اپنے والد سے اور وہ ابن عباس (رض) سے روایت نقل کرتے ہیں : حضرت علی (رض) کی والدہ فاطمہ بنت اسد بن ہاشم کا شمار ان عورتوں میں ہوتا ہے جنہوں نے عبدالمطلب کی وفات کے بعد نبی کریم (صلی اللہ علیہ وآلہ وسلم) کی پرورش اور تربیت کی جب فاطمہ بنت اسد (رض) نے وفات پائی تو نبی کریم (صلی اللہ علیہ وآلہ وسلم) نے انھیں اپنی قمیص میں کفن دیا ان کی نماز جنازہ پڑھائی ان کے لیے استغفار کیا اور دعائے خیر کی اور جب انھیں قبر میں رکھ دیا گیا تو نبی کریم (صلی اللہ علیہ وآلہ وسلم) ان کے ساتھ (تھوڑی دیر کے لیے) قبر میں لیٹ گئے صحابہ (رض) نے آپ سے پوچھا : یا رسول اللہ ! آپ نے فاطمہ بنت اسد (رض) کے ساتھ جو کچھ کیا ہے آپ نے ایسا کسی کے ساتھ نہیں کیا : آپ نے فرمایا : میں نے اپنی قمیص میں انھیں کفن دیا ہے تاکہ اللہ تعالیٰ انھیں اپنی رحمت میں داخل کرے اور ان کی مغفرت فرمائے۔ میں ان کی قبر میں اس لیے لیٹا ہوں تاکہ اللہ تعالیٰ ان کے لیے تخفیف فرمائے۔

٣٧٦٠٧۔۔۔ حضرت علی (رض) کی روایت ہے کہ جب فاطمہ بنت اسد بن ہاشم کی وفات ہوئی تو نبی کریم (صلی اللہ علیہ وآلہ وسلم) نے انھیں اپنی قمیص میں کفن دیا، ان پر نماز جنازہ پڑھائی اور ستر تکبریں کہیں۔ پھر آپ قبر میں اترے اور ہاتھ سے یوں اشارے کیے جسے آپ قبر میں توسع کررہے ہوں۔ پھر قبر سے باہر نکل آئے جبکہ آپ کی آنکھوں سے آنسو بہہ رہے تھے آپ نے مٹھی بھر مٹی قبر میں ڈالی جب آپ چل پڑے عمر (رض) نے آپ سے پوچھا : یارسول اللہ (صلی اللہ علیہ وآلہ وسلم) ! میں نے آپ اس عورت کے ساتھ وہ کچھ کرتے دیکھا ہے جو آپ نے کسی عورت کے ساتھ نہیں کیا آپ نے فرمایا : عمر ! یہ عورت میری حقیقی ماں کے بعد ماں کا درجہ رکھتی ہے ابوطالب کا میرے ساتھ اچھا رویہ رہا ہے ان کا دسترخوان بچھتا تھا جس پر ہمیں جمع کیا جاتا یہ عورت ابوطالب کے ہاں فضلیت والی عورت تھی جبرائیل امین نے مجھے اپنے رب تعالیٰ کی طرف سے خبر دی ہے کہ یہ اہل جنت میں سے ہے مجھے جبرائیل امین نے یہ خبر بھی دی ہے کہ اللہ تعالیٰ نے ستر ہزار فرشتوں کو اس پر نماز جنازہ پڑھنے کا حکم دیا ہے۔ (رواہ المستدرک للحاکم ٣/١٠٨)

٣٧٦٠٨۔۔۔ ابن عباس (رض) کی روایت ہے کہ جب فاطمہ حضرت علی (رض) کی والدہ محترمہ کا انتقال ہوا رسول اللہ (صلی اللہ علیہ وآلہ وسلم) نے اپنی قمیص اتار کرا نہیں پہنائی اور پھر ان کی قبر میں لیٹ گئے جب قبر پر مٹی ڈال دی تو بعض صحابہ (رض) نے کہا : یارسول اللہ ! ہم نے آپ کو وہ کچھ کرتے دیکھا ہے جو آپ نے کسی کے ساتھ نہیں کیا ؟ آپ نے فرمایا : میں نے اپنی قمیص اسے پہنائی ہے تاکہ وہ جنت کے کپڑے پہنے اور میں اس کے ساتھ قبر میں لیٹا ہوں تاکہ قبر کی بھینچ میں تحفیف ہو بلاشبہ ابوطالب کے بعد اس عورت نے میرے ساتھ بہت اچھا سلوک کیا ہے۔ (رواہ ابونعیم فی المعرفۃ والدیلمی ومسندہ حسن)

٣٧٦٠٩۔۔۔ حضرت صفیہ (رض) کہتی ہیں : میں نے رسول اللہ (صلی اللہ علیہ وآلہ وسلم) سے زیادہ اچھے اخلاق کسی کے نہیں دیکھے چنانچہ ایک مرتبہ رسول کریم (صلی اللہ علیہ وآلہ وسلم) نے مجھے رات کو اپنی اونٹنی پر اپنے پیچھے بٹھایا۔ مجھے اونگھ آنے لگی آپ مجھے ہاتھ سے پکڑلیتے اور فرماتے : اے بنت حیی رک جاؤ پھر فرماتے : اے صفیہ ! جو کچھ میں نے تمہاری قوم سے کیا ہے میں اس کی تم سے معذرت کرتا ہوں چونکہ تمہاری قوم نے مجھے یہ کہا اور یہ کہا۔ (رواہ ابویعلی وابن عساکر)

٣٧٦١٠۔۔۔ بشاربن عبدالملک کہتے ہیں مجھے ام حکیم نے ام اسحاق ک کی حدیث سنائی : ام اسحاق کہتی ہیں : میں نے اپنے بھائی کے ساتھ رسول اللہ (صلی اللہ علیہ وآلہ وسلم) کی طرف مدینہ میں ہجرت کی میں راستے میں تھے کہ میرے بھائی نے کہا : اے ام اسحاق یہیں بیٹھ جاؤ میں مکہ میں اپنا خرچہ بھول آیا ہوں میں نے کہا : مجھے اپنے شوہر فاسق کا ڈر ہے۔ (وہ مجھے قتل نہ کردے) بھائی نہ کہا : ہرگز نہیں انشا اللہ ! ام اسحاق کہتی ہیں : میں کئی دنوں تک یہیں بیٹھی رہی میرے پاس سے ایک شخص گزرا میں اس کا نام نہیں لیتی۔ حالانکہ میں اسے پہچانتی تھی اس نے پوچھا : اے ام اسحاق یہاں کیوں بیٹھی ہو ؟ میں نے کہا میں اسحاق کے انتظار میں ہوں وہ اپنا خرچہ لینے مکہ گیا ہوا ہے۔ وہ بولا : تمہیں اسحاق نہیں ملے گا چونکہ اسے تیرے شوہر فاسق نے قتل کردیا ہے میں اکیلی ہی چل پڑی اور رسول اللہ (صلی اللہ علیہ وآلہ وسلم) کی خدمت میں حاضر ہوئی آپ وضوکر رہے تھے میں نے عرض کیا : یارسول اللہ ! اسحاق قتل کردیا گیا ہے میں رو وہی تھی جب کہ آپ مجھے دیکھ رہے تھے میں نے دیکھا کہ آپ نے وضو کرتے کرتے سرجھکا لیا ہے آپ نے چلو بھر پانی لیا اور میرے چہرے پر پھینک دیا ام حکیم کہتی ہیں : ام اسحاق کو عظیم مصیبت پیش آئی اس کی آنکھوں میں آنسو ڈبڈبا رہے تھے جبکہ رخساروں پر بہتے نہیں تھے۔ (رواہ البخاری فی تاریحہ وسمویہ واونعیم فی الحلیۃ)

کلام :۔۔۔ حدیث ضعیف ہے الاصبابہ میں لکھا ہے کہ بشار کو ابن معین نے ضعیف قرار دیا ہے۔

٣٧٦١١۔۔۔ ابن عمر (رض) کی روایت ہے کہ حضرت ابوبکر صدیق (رض) نے فرمایا : کہ محمد (صلی اللہ علیہ وآلہ وسلم) کا ان کے اہل بیت کے متعلق احترام کرو۔ (رواہ البخاری)

٣٧٦١٢۔۔۔ حضرت علی (رض) کہتے ہیں : ایک مرتبہ رسول کریم (صلی اللہ علیہ وآلہ وسلم) ہماری ملاقات کے لیے تشریف لائے اور ہمارے ہاں رات گزاری جب کہ حسن (رض) اور حسین (رض) سو رہے تھے : حسن (رض) نے پانی مانگا رسول اللہ (صلی اللہ علیہ وآلہ وسلم) پانی لینے مشکیزے کی طرف کھڑے ہوئے اور تھنوں سے دودھ نکالنے کی طرح مشکیزے سے برتن میں پانی نکالا ایک روایت میں ہے : آپ ہماری بکری کی طرف اٹھے اسے دوہا پھر آپ دودھ پیتے ہوئے واپس آئے اور برتن حسن کو تھمادیا حسین (رض) نے برتن لینا چاہا لیکن آپ نے انھیں منع کردیا ایک روایت میں ہے : آپ نے حسین (رض) کی طرف ہاتھ بڑھایا لیکن حسن (رض) سے ابتداء کی اس پر فاطمہ (رض) نے کہا : یارسول اللہ ! گویا حسن آپ کو زیادہ محبوب ہے آپ نے فرمایا : نہیں لیکن پانی اس نے پہلے مانگا ہے۔ پھر رسول اللہ (صلی اللہ علیہ وآلہ وسلم) نے فرمایا : میں اور یہ دونوں اور یہ سویا ہوا یعنی حضرت علی (رض) قیامت کے ان ایک ہی جگہ میں ہوں گے۔ (رواہ الطبرانی واحمد بن حنبل وابویعلی وابن ابی عاصم فی السنۃ والطبرانی فی المنفق والمفترق وابن النجار والخطیب)

٣٧٦١٣۔۔۔ حضرت علی (رض) سے مروی ہے کہ نبی کریم (صلی اللہ علیہ وآلہ وسلم) نے حسن (رض) و حسین (رض) کا ہاتھ پکڑ کر فرمایا : جو شخص ان دونوں سے ان کے باپ اور ماں سے محبت کرے گا وہ قیامت کے دن میرے ساتھ ہوگا۔ (رواہ الترمذی و عبداللہ بن احمد بن حنبل ونظام الملک فی امالیہ النجار و سعید بن المنصور)

٣٧٦١٤۔۔۔ حضرت علی (رض) سے مروی ہے کہ مجھے رسول اللہ (صلی اللہ علیہ وآلہ وسلم) نے خبردی ہے کہ جنت میں سب سے پہلے فاطمہ حسن اور حسین (رض) داخل ہوں گے میں نے کہا : یارسول اللہ ! ہمارے محبین بھی جنت میں داخل ہوں گے ؟ فرمایا : وہ تمہارے پیچھے ہوں گے۔ (رواہ الحاکم)

٣٧٦١٥۔۔۔ حضرت علی (رض) فرماتے ہیں : جو شخص ہم اہل بیت سے محبت کرتا ہے وہ فقر کے لیے چادر تیار کرے یا فرمایا : کہ وہ اپنے لیے پاکھر تیار کرے۔ (رواہ ابوعبیدہ)

٣٧٦١٦۔۔۔ حضرت علی (رض) کی روایت ہے کہ نبی کریم (صلی اللہ علیہ وآلہ وسلم) نے فرمایا : جنت میں ایک درجہ ہے جسے وسیلہ کہا جاتا ہے جب اللہ تعالیٰ سے سوال کرو تو میرے لیے وسیلہ کا سوال کرو۔ صحابہ (رض) نے پوچھا : یارسول اللہ ! آپکے ساتھ اس درجہ میں اور کون سکونت اختیار کرے گا ؟ فرمایا : علی فاطمہ، حسن و حسین (رض) اجمعین۔ (رواہ ابن مردویہ

٣٧٦١٧۔۔۔ حذیفہ (رض) کی روایت ہے کہ میری ماں نے مجھے پوچھا : تم کب سے نبی کریم (صلی اللہ علیہ وآلہ وسلم) کی خدمت میں حاضر نہیں ہوئے۔ میں نے کہا اتنے اتنے عرصہ سے۔ میں نے کہا : مجھے اجازت دوتا کہ میں آپ کے ساتھ مغرب کی نماز پڑھوں اور پھر میں آپ سے اس وقت تک جدا نہیں ہوں گا جب تک آپ میرے لیے اور تمہارے لیے استغفار نہ کرلیں چنانچہ میں نے آپ کے ساتھ مغرب اور پھر عشاء کی نماز پڑھی لوگ مسجد سے چلے گئے اور کوئی بھی نہ رہا چنانچہ آپ پر کوئی خاص کیفیت طاری ہوئی جب یہ کیفیت چھٹ گئی تو آپ نے میری آواز پہچان لی اور فرمایا : اے حذیفہ ! میں نے عرض کیا : جی ہاں فرمایا : کیوں آئے ہو ؟ اے حذیفہ اللہ تعالیٰ تمہاری اور تمہاری مان کی مغفرت فرمائے۔ یہ فرشتہ نازل ہوا ہے جو اس سے قبل نازل نہیں ہوا، یہ اپنے رب تعالیٰ سے اجازت لیتا یے کہ مجھ پر سلام پیش کرے رب تعالیٰ نے اسے اجازت دی اس نے مجھے خوشخبری سنائی ہے کہ فاطمہ (رض) جتنی عورتوں کی سردار ہے اور حسن و حسین جنت کے نوجوانوں کے سردار ہیں۔۔ (رواہ ابن جریر)

٣٧٦١٨۔۔۔ زیدبن ارقم (رض) روایت ہے کہ نبی کریم (صلی اللہ علیہ وآلہ وسلم) نے حضرت فاطمہ حضرت علی (رض) حضرت حسن اور حضرت حسین (رض) سے فرمایا : جو شخص تم سے جنگ کرے میں اس سے جنگ کروں گا جو تمہارے ساتھ سلامتی میں رہے گا میں بھی سے سلامتی کی نوید سناتا ہوں۔ (رواہ ابن ابی شیبۃ والترمذی وابن ماجہ وابن حبان والطبرانی والحاکم والضیاء)

کلام :۔۔۔ حدیث ضعیف ہے دیکھئے ذخیرۃ الحفاظ : ٧٤٨۔