32461 ۔۔۔ لوگ بڑھتے جائیں گیا ور صحابہ کی تعداد کم ہوتی جائے گی ان کو گالیاں مت دو جو صحابہ (رض) کو گالی دے گا ان پر اللہ کی لعنت۔ (خطیب بغدادی نے جابر (رض) سے نقل کیا دارقطنی نے افراد میں ابوہریرة (رض) سے نقل کیا ذخیرة الحفاظ 1063 ضعیف الجامع 1802)

32462 ۔۔۔ تمہاری شان میرے صحابہ (رض) کے شان تک کہاں پہنچ سکتی ہے میرے لیے میرے صحابہ (رض) کو چھوڑ دو میرے لیے میرے صحابہ کو چھوڑ دوقسم ہے اس ذات کی جسکے قبضہ میں میری جان ہے اگر تم میں سے کوئی احد پہاڑ کے برابر سونا خرچ کرے تو ان میں سے کسی کے ایک دن کے عمل کے برابر احبرحاصل نہیں کرسکتا۔ (ابن عسا کرنے حسن سے مرسلا نقل کیا، ضعیف الجامع 5080)

32462 ۔۔۔ میرے صحابہ (رض) کو گالی مت دو قسم ہے اس ذات جس کے قبضہ میں میری جان ہے اگر تم میں سے کوئی احد پہاڑ کے برابرسونا خرچ کرے تو اجر میں ان میں سے کسی کے ایک مدیا ادھامدخرچ کرنے کی برابر نہ ہوگا۔ (احمد، بیہقی، بوداؤد ، ترمذی نے ابوسعید سے مسلم ابن ماجہ نے ابوہریرہ (رض) سے نقل کیا ہے)

32463 ۔۔۔ میرے پاس صحابہ کرام (رض) شکایت نہ پہنچایا کریں میں اس بات کو پسند کرتا ہوں کہ تمہارے پاس صاف دل لے کر آؤں (یعنی کسی کے لیے دل میں کدورت نہ ہو) ابوداؤد احمد ترمذی نے ابن مسعود (رض) سے نقل کیا ہے)

32464 ۔۔۔ لوگوں پر ایک زمانہ آئے گا لوگوں کی ایک جماعت قتال کرے گی کہا جائے گا کیا تم میں کوئی صحابی رسول اللہ (رض) رسول ہیں ؟ کہیں گے ہاں ان کی وجہ سے فتح حاصل ہوگی پھر لوگوں پر ایک زمانہ آئے گا لوگوں کی ایک جماعت قتال کرے گی ان سے کہا جائے گا کیا تم میں کوئی صحابی رسول ہے ؟ جواب دیا جائے گا ہاں ان کی وجہ سے فتح حاصل ہوگی پھر لوگوں پر ایک زمانہ آئے گا لوگوں کی ایک جماعت جہاد کرے گی پوچھا جائے گا کیا تم میں کوئی صحابی رسول ہے ؟ جواب ملے گا ہاں تو ان کی وجہ سے فتح حاصل ہوگی۔ (احمدبیہقی نے ابی سعید سے نقل کیا)

32465 ۔۔۔ اللہ تعالیٰ نے میرا انتخاب کیا اور میرے لیے میرے صحابہ (رض) کا انتخاب کیا پھر ان میں سے بعض کو میرے لیے وزراء بعض کو سسیرال بعض کو انصار بنایا جو ان کو گالیاں دے ان پر اللہ تعالیٰ کی لعنت فرشتوں کی اور تمام لوگوں کی اللہ تعالیٰ قیامت کے روزای سے لوگوں سے فدیہ بدلہ قبول نہ فرمائے گا۔ (طبرانی حاکم نے عویم بن ساعدہ سے نقل کیا)

32466 ۔۔۔ اللہ تعالیٰ نے میرا انتخاب فرمایا اور میرے لیے صحابہ (رض) کا انتخاب فرمایا میرے لیے ان میں سے سسرال اور انصار منتخب فرمائے جو میروجہ سے ان کا احترام کرے اللہ ان کا احترام کرے گا اور مجھے صحابہ (رض) کی وجہ سے ایذا پہنچائے اللہ تعالیٰ ان کو ایذاء پہنچائے گا ۔ (خطیب بغدادی نے انس (رض) سے نقل کیا ضعیف الجامع 1535)

32467 ۔۔۔ اللہ تعالیٰ نے میرا انتخاب فرمایا میرے لیے صحابہ (رض) اور سسرال کا انتخاب فرمایا عنقریب ایک قوم آئے گی جو ان کو گالی دے گی اور ان کی شان کو گرانے کی کوشش کرے گی ایسے لوگوں کے ساتھ اٹھنا بیٹھنا کھاناپینا شادی بیاہ مت کرو۔ (عقیلی نے انس (رض) سے نقل کیا)

32468 ۔۔۔ میرے لیے صحابہ (رض) کو چھوڑ دو قسم ہے اس ذات کی جس کے قبضہ میں میری جان ہے اگر تم نے احد پہاڑ کے برابر بھی سونا خرچ کیا تب بھی ان کے رتبہ کو نہیں پہنچ سکتے۔ (احمد بن انس (رض) سے نقل کیا )

32469 ۔۔۔ میری وجہ سے میرے صحابہ (رض) اور سسرال کو چھوڑ دو ۔ (ابن عسا کرنے انس (رض) سے نقل کیا ضعیف الجامع 2983)

32470 ۔۔۔ میری امت کے پانچ طبقات ہوں گے ہر طبقہ چالیس سال پر محیط ہوگا میرا طبقہ اور میرے صحابہ (رض) کا طبقہ اہل علم واہل ایمان ہوگا پھر ان کے ساتھ زمانہ اسی سال تک بر اور تقوی والے ہوں گے پھر ان سے متصل زمانہ ایک سوبیس سال تک رحم کرنے والے صلہ رحمی کرنے والے ہوں گے اور جو ان سے متصل ایک ساٹھ تک ہوں گے وہ قطع تعلق کرنے والے ایک دوسرے سے پیٹھ پھیرنے والے ہوں گے پھر ان کے متصل زمانہ والے دوسوسال تک فتنہ اور لڑائی والے ہوں گے۔ (ابن عساکر نے انس (رض) سے نقل کیا التنزیہ 3482 ضعیف الجامع 3631)

32471 ۔۔۔ بشارت ہوا اس کے لیے جس نے مجھے دیکھا اور مجھ پر ایمان لایا اور اس کو بھی بشارت ہو جس نے مجھے دیکھنے والوں کو دیکھا لیا جس نے مجھے دیکھنے والوں کے دیکھنے والوں کو دیکھا اور مجھ پر ایمان لایا ان سب کو بشارت ہو اور ان کے لیے اچھا انجام ہے۔ (طبرانی حاکم نے عبداللہ بسر سے روایت کیا)

32472 ۔۔۔ مجھے دیکھنے والوں کو بشارت ہو اور ان کے لیے جس نے مجھے دیکھنے والوں کو دیکھایا جس نے مجھے دیکھنے والوں کو دیکھنے والوں کو دیکھا (عبدبن حمید نے ابی سعید سے ابن عسا کرنے واثلہ سے نقل کیا)

32473 ۔۔۔ میری صحابہ (رض) کو گالی دینے والے پر اللہ کی لعنت۔ (طبرانی نے ابن عمر (رض) سے نقل کیا) ۔ الجامع المصنف 137

32474 ۔۔۔ میرے صحابہ (رض) زمین کے جس حصہ میں بھی انتقال کریں گے قیامت کے روز وہاں سے قائد بناکر اٹھائے جائیں گے اور ان کے لیے نور ہوگا۔ (ترمذی ضیا مقدسی نے بریدہ (رض) سے نقل کیا اسنی المطالب 1279 تذکرة الموضوعات 92)

32475 ۔۔۔ میرے صحابہ (رض) کی مثال کھانے میں نمک کی طرح ہے بغیر نمک کی کھانا صحیح نہیں لگتا۔ (صحابہ (رض) کے بغیر دین نامکمل ہے)

کلام :۔۔۔ ابویعلی نے انس (رض) سے نقل کیا ضعیف الجامع 5234

32476 ۔۔۔ جس نے میرے صحابہ (رض) کو گالی دی اس پر اللہ تعالیٰ کی لعنت فرشتوں کی اور تمام لوگوں کی لعنت ۔ (طبرانی ابن عباس (رض) سے نقل کیا)

32477 ۔۔۔ جو انبیاء (علیہم السلام) کو سب وشتم کرے اس کو قتل کیا جائے گا اور صحابہ (رض) کو سب وشتم کرے اس کو کوڑے مارے جائیں گے۔ (طبرانی نے علی (رض) سے نقل کیا ضعیف الجامع 5616 الضعیفہ 206)

32478 ۔۔۔ ستارے آسمان کا امن ہیں جب وہ بےنور ہوجائیں گے تو آسمان سے وہ عذاب آئے گا جس کا تم سے وعدہ کیا جاتا ہے اور میں صحابہ (رض) کے لیے امن ہوں جب میں دنیا سے اٹھالیا جاؤں گا ان وہ آفات آئیں گی جن سے ان کو ڈرایا گیا میرے صحابہ (رض) میری امت کے لیے امن ہیں جب ان کا دور ختم ہوگا تو امت پر وہ آفات پر آئیں گی جن سے ان کو ڈرایا گیا۔ (احمد ومسلم نے ابوموسیٰ سے نقل کیا)

32479 ۔۔۔ جس مسلمان نے مجھے دیکھنے والوں کو دیکھا اس کو آگ نہیں چھوئے گی۔ (ترمذی اور ضیاء مقدسی نے ابوموسی (رض) سے نقل کیا)