32912 ۔۔۔ فرمایا : میرا اور علی کا ہاتھ انصاف کرنے میں برابر ہے۔ (ابن جوزی فی الواھیات بروایت ابوبکر)

32913 ۔۔۔ فرمایا خاموش رہو کیونکہ میں نے تمہارا نکاح ایسے شخص سے کیا جو مجھے اپنے خاندان میں سب سے زیادہ محبوب ہے یہ بات آپ نے حضرت فاطمہ (رض) سے فرمائی۔ (حاکم بروایت اسماء بنت عیسیٰ)

32914 ۔۔۔ فرمایا : کیا تمہیں پتا نہیں کہ اللہ تعالیٰ نے اہل زمین پر نظر دوڑائی پھر ان میں سے تمہارے والد کو چنا اور ان کو نبی بناکر بھیجا پھر دوسری مرتبہ نظر دوڑائی اور تمہاری شوہر کو چنا، پھر مجھے وحی کی چنانچہ میں نے ان کا نکاح تمہارے ساتھ کرایا اور انھیں اپنا وصی مقرر کیا یہ بات حضرت فاطمہ (رض) سے فرمائی۔ (طبرانی بروایت ابی ایوب اور اس میں عبابہ بن ربعی غالی شیعہ ہے)

32915 ۔۔۔ فرمایا : کیا تم اس پر راضی نہیں ہو کہ میں نے تمہاری شادی کی ایسے شخص سے جو میری اس میں صلح کی طرف سب سے زیادہ بڑھنے والا اور علم کے اعتبار سے سب سے بڑا اور سب سے زیادہ بردبار ہے۔ (احمد بن حنبل طبرانی بروایت معقل بن یسار )

32916 ۔۔۔ فرمایا : کیا تم اس پر راضی نہیں ہو کہ میں نے تمہاری شادی ایسے شخص سے کی ہے جو سب سے پہلے اسلام لایا اور سب سے بڑا عالم ہے کیونکہ تم میری امت کی عورتوں کی سردار ہو جیسا کہ مریم اپنی قوم کی سردار تھی اے فاطمہ کیا تم اس بات پر راضی نہیں ہو کہ اللہ تعالیٰ نے اہل زمین پر نظر دوڑائی اور ان میں سے دو آدمیوں کو منتخب کرلیا ایک تو تمہارا والد دوسرے کو تمہارا شوہر بنایا ۔ (حاکم تعقب بروایت ابوہریرة طبرانی حاکم تعقب خطیب بغدادی بروایت ابن عباس)

32917 ۔۔۔ فرمایا : میں نے تمہاری شادی اپنے خاندان کے بہتر آدمی سے کی ہے جو ان میں سب سے بڑا عالم ہے اور سب سے زیادہ بردباد رہے۔ یہ بات آپ (صلی اللہ علیہ وآلہ وسلم) نے حضرت فاطمہ (رض) سے فرمائی۔ (خطیب فی المتفق والمتفرق بروایت یریدہ)

32918 ۔۔۔ فرمایا میں نے تمہاری شادی اس شخص سے کی ہے جو سب سے سب اسلام لانے والے ہیں سب سے زیادہ جاننے والے ہیں اور سب سے زیادہ بردبار ہیں یہ بات نہیں (علیہ السلام) نے حضرت فاطمہ (رض) سے فرمائی۔ (طبرانی بروایت ابواسحق) جب حضرت علی کی شادی حضرت فاطمہ (رض) سے ہوئی تو نبی (صلی اللہ علیہ وآلہ وسلم) نے حضرت فاطمہ سے مذکورہ باتیں ارشاد فرمائی۔

32919 ۔۔۔ کیوں رورہی ہو ؟ میں نے تمہارے بارے میں اپنی طرف سے کوئی کسر نہیں اٹھا رکھی اور تمہارے لیے اپنے خاندان کے بہترین فرد کو چنا ہے اور قسم ہے اس ذات کی جس کی قبضہ قدرت میں میری جان ہے تمہارے شادی میں نے دنیاوی اعتبار سے ایک سعادت مند شخص سے کی اور بلاشبہ آخرت میں بھی وہ صالحین میں سے ہوگا۔ (طبرانی بروایت ابن عباس)

32920 ۔۔۔ فرمایا انس کیا تمہیں اس بات کے بارے میں کچھ معلوم ہے جو حضرت جبرائیل (علیہ السلام) عرش والے کی طرف سے میرے پاس لے کر آئے پھر فرمایا اللہ تعالیٰ نے مجھے حکم دیا ہے کہ میں حضرت فاطمہ (رض) کا نکاح حضرت علی سے کرادوں۔ (بیہقی خطیب ابن عساکر بروایت انس)

راوی کہتے ہیں کہ میں نبی (صلی اللہ علیہ وآلہ وسلم) کے پاس تھا کہ آپ کو وحی نے ڈھانپ لیا اور جب آپ سے یہ غم ٹل گیا تو آپ نے مذکورہ بات ارشاد فرمائی۔

32921 ۔۔۔ اے فاتمہ تم پر واضح رہے کہ میں نے تمہارا نکاح اپنے خاندان کے بہترین فرد سے کرانے میں کوتاہی نہیں کی۔ (ابن سعد بروایت عکرمہ مرسلا)

32922 ۔۔۔ کیا تمہیں یہ بات پسند نہیں کہ میرے نزدیک تمہارا وہی مرتبہ ہو جو حضرت موسیٰ (علیہ السلام) کے نزدیک حضرت ہارون کا تھا مگر تم نبی نہیں ہو بلاشبہ میرے لیے یہ مناسب نہیں کہ تمہیں نائب بنائے بغیر کہیں چلا جاؤں۔ (احمد بن حنبل حاکم بروایت ابن عباس)

32923 ۔۔۔ کیا تم اس پر راضی نہیں ہو کہ تمہارا مرتبہ میرے نزدیک وہی ہے جو حضرت ہارون کا حضرت موسیٰ (علیہ السلام) کے نزدیک تھا۔ (طبرانی بروایت مالک بن حسن حویرث جنہوں اپنے اپنے والد سے روایت کیا اور انھوں نے اپنے دادا سے)

32924 ۔۔۔ تمہارا یہ کہنا کہ قریش کہیں گے کہ کتنے جلدی اپنے چچازاد بھائی کو چھوڑ دیا اس کو رسوا کیا تمہیں مجھ سے مطابقت ہے لوگوں نے مجھے جادو گرکاھن اور کذاب کہا کیا تم اس پر راضی انھیں کہ تمہاری حیثیت میرے ہاں ایسی جیسی ہارون (علیہ السلام) کی حیثیت موسیٰ کے ہاں تھی مگر یہ کہ میرے بعد کوئی نبی نہیں آئے گا باقی تمہارا یہ کہنا کہ اللہ کا فضل پیش کروں یہ مرچیں تمن سے آئی ہیں اس کو بیچ کر تم اور فاطمہ فائدہ حاصل کرو یہاں تک اللہ تعالیٰ اپنا فضل لے آئے کیونکہ مدینہ میرے اور تمہارئے ہی لائق ہے۔ (حاکم نے علی (رض) سے نقل کیا)

32925 ۔۔۔ بلاشبہ علی کا مرتبہ وحی ہے جو موسیٰ (علیہ السلام) کے نزدیک ہارون (علیہ السلام) کا تھا مگر یہ کہ میرے بعد کوئی نبی نہیں۔ خطیب بن روایت عمر (رض)

32926 ۔۔۔ بیدار ہوجائیں تمہارا نام تو ابوتراب ہی ہونا چاہیے کیا تم مجھ سے ناراض ہوئے جب میں نے مہاجرین اور انصار میں مواخات قائم کی تمہاری کسی کے ساتھ مواخات قائم نہ ہوسکی ؟ کیا تم اس پر راضی نہیں تمہارا مقام میرے ہاں ایسا ہوجی سے ہارون (علیہ السلام) کا موسیٰ (علیہ السلام) کے ہاں مگر یہ کہ میرے بعد نبوت کا سلسلہ ختم ہوگیا سن لوجوتم سے محبت کرے وہ امن و ایمان سے زندگی گذراے گا جو تجھ سی بغض رکھے گا وہ جاہلیت کی موت مرے گا اور اس کے زمانہ اسلام کے اعمال کا حساب ہوگا۔ (طبرانی نے ابن عباس (رض) سے نقل کیا) ۔

32927 ۔۔۔ اے ام سلیم بلاشبہ علی کا گوشت میرے گوشت سے ہے اور اس کا خون میرے خون سے ہے اور اس کا مرتبہ نزدیک وہی ہے جو حضرت موسیٰ (علیہ السلام) کے نزدیک حضرت ہارون (علیہ السلام) کا تھا۔ (عقبلی فی الغفار بروایت ابن عباس)

32928 ۔۔۔ اے علی تمہارا مرتبہ میرے نزدیک وہی ہے جو ہارون کو موسیٰ (علیہ السلام) کے نزدیک تھا مگر یہ کہ میرے بعد کوئی نبی نہیں۔ (طبرانی بروایت اسمابنت عمیس)

32929 ۔۔۔ بلاشبہ علی مجھ سے ہے اور میں اس سے اور وہ ہر مسلمان کا ولی ہے۔ (حسن بن سفیان ابونعیم فی فضائل الصحابة بروایت عمران بن فصین)

32930 ۔۔۔ میں نے تمہیں محض اپنے لیے چھوڑا ہے تم میرے بھائی ہو اور میں تمہارا بھائی ہوں اگر تم سے کسی نے جھگڑا کیا تم کہنا کہ میں اللہ کے بندہ اور اس کے رسول کا بھائی ہوں تمہارے بعد اس کو فقط جھوٹا شخص ہی چھوڑے گا۔ (ابن عدی بروایت عمروبن عبداللہ بن یعلی بن مرہ جنہوں نے اپنے والد سے روایت کیا جنہوں نے اپنے دادا سے روایت کیا)

32931 ۔۔۔ علی کو بلاؤ علی کو بلاؤ علی کو بلاؤ بلاشبہ علی مجھ سے ہے اور ہی اس سے ہوں اور میرے بعد ہر مومن کا ولی ہوگا۔ (مصنف ابن ابی شیبة بروایت عمران بن حصیں)