32932 ۔۔۔ علی مجھ سے ہے اور میں علی سے ہوں اور علی میرے بعد ہر مومن کا دوست ہے۔ (مصنف ابن شیبة بروایت عمران بن حصین صحیح )

32934 ۔۔۔ علی کی برائی نہ کرو کیونکہ وہ مجھ سے ہے اور میں اس سے ہوں اور میرے بعد وہ تمہارا اولی ہوگا۔ (ابن ابی شیبة بروایت عبداللہ بن بریدہ علی ایبہ)

32935 ۔۔۔ میں اور علی ایک ہی نسل سے ہے اور لوگ مختلف نسلوں سے ہیں۔ (دیلمی بروایت جابر)

32936 ۔۔۔ اے علی لوگ مختلف نسلوں سے ہیں اور میں اور تم ایک ہی نسل سے ہے۔ (حاکم بروایت جابر)

32937 ۔۔۔ سن لو ! کہ بلاشبہ اللہ میرا ولی ہے اور میں ہر مومن کا ولی ہوں اور جس کا میں ولی ہوں تو علی بھی اس کا ولی ہے۔ (ابونعیم فضائل الصحابہ بروایت زید بن ارقم اور براء بین عازب معا)

32938 ۔۔۔ اے اللہ میں جس کا ولی ہوں علی بھی اس کا ولی ہے اے اللہ جس کا وہ ولی ہے تو اس کا ولی بن جا اور جس کا وہ دشمن ہے تو بھی اس کا دشمن بن جا اور جس کی وہ مدد کرے تو بھی اس کی مدد کر اور جس وہ اعانت کرے تو بھی اس کی اعانت فرما۔ (طبرانی بروایت حبتی بن مسادة)

32939 ۔۔۔ اللہ تو ان کے لیے گواہ بن جا اے اللہ علی میرا بھائی ہے اور میرے چچا کا بیٹا ہے اور میرا دماد ہے اور میری اولاد کا باب ہے اے اللہ اس کے یہ میرا دشمن کو آگ میں اوندھا گرادے۔ (شیرازی فی الالقاب وابن التجار بروایت ابن عمر)

32940 ۔۔۔ جس کا اللہ اور اس کا رسول ولی ہے تو یہ علی بھی اس کا ولی ہے اے اللہ جس کا یہ ولی بنا اس کا تو بھی ولی بن جا اور اس کے دشمن کا تو بھی دشمن بن جا اور جو اس سے محبت کرے تو بھی اس کا محبوب بن جا جو شخص اس سے بغض رکھے تو بھی اس سے بغض رکھ اے اللہ مجھے کوئی شخص نہیں ملازمین میں جس کی حفاظت میں اس کو دوں دونیک بندوں کے بعد آپ کے سواتو آپ مجھ سے بہترین فیصلہ کروائیں۔ (طبرانی بروایت جرایرابن کثیر نے کہا ہے کہ یہ حدیث انتہائی غریب ہے بلکہ منکر کے درجے میں ہے)

32941 ۔۔۔ اے بریدہ کیا میں مومنین کا ان کی جانوں کی بنسبت زیادہ حقدار نہیں ہوں جس کا میں ولی ہوں تو علی بھی اس کو مولی ہے۔ (احمد بن حنبل ابن حبان سمیویہ حاکم مسندابن منصور بروایت ابن عباس عن البریدہ)

32942 ۔۔۔ جس کا میں مولا ہوں علی اس کا مولی ہے اے اللہ جس کا یہ ولی بنے اس کا تو بھی ولی بن جا اور جس سے یہ دشمنی رکھے تو بھی اس سے دشمنی رکھ۔ (طبرانی بروایت ابن عمر ابن ابی شیبة بروایت ابوہریرہ اور دوسرے بارہ صحابہ، احمد بن حنبل طبرانی ۔ منصور بروایت ابوایوب اور صحابہ (رض) کی ایک جماعت سے حاکم بروایت علی و طلحہ احمدبن حنبل طبرانی اس منصور بروایت علی وزید بن ارقم اور ئیس صحابہ (رض) ابونعیم فی فضائل الصحابہ بروایت سعد خطیب بروایت انس)

32943 ۔۔۔ جس کا میں ولی ہوں علی اس کا ولی ہے اے اللہ جس کا یہ ولی بنے تو بھی اس کا ولی بن جا جس کا یہ دشمن ہے تو بھی اس کا دشمن بن جا اور جس کی یہ مدد کرے تو بھی اس کی مدد کر اور جس کی یہ مدد چھوڑ دے تو بھی اس کی مدد چھوڑدے اور جس کی یہ اعانت کرے تو بھی اس کی اعانت کر۔ (طبرانی بروایت عمر بن مرہ اور زید بن ارقم معا)

32944 ۔۔۔ بلاشبہ میرا رازواں اور میرا وحی اور بہترین وہ شخص جسے ہے اپنے بعد چھوڑوں گا اور میرے وعدے پورے کرے گا اور میرا فرض اداکرے گا علی بن ابی طالب ہے۔ (طبرانی بروایت ابوسعید وسلمان)

32945 ۔۔۔ میں ہر اس شخص کو وصیت کرتا ہوں جو میرے اوپر ایمان لایا اور میری تصدیق کی کہ علی ابن ابی طالب کی مدد کرے جس نے علی کی مدد کی اس نے میری مدد کی جس نے میری مدد کی اس نے اللہ کی مدد کی جس نے علی (رض) سے محبت کی اس نے مجھ سے محبت کی اور جس نے مجھ سے محبت کی اس نے اللہ سے محبت کی ۔ جس نے ان سے بغض رکھا اس نے مجھ سے بغض رکھا اور جس نے مجھ سے بغض رکھا اس نے اللہ عزوجل سے بغض رکھا ۔ (طبرانی ابن عساکر نے ابن عبیدہ بن محمد بن عمار بن یاسر سے اس نے اپنے والد سے اپنے دادا سے نقل کیا )

32946 ۔۔۔ اے اللہ ان کی مدد فرما ان کی ذریعہ مدد فرما ان پر رحم پر ان کی مدد فرماان کے ذریعہ مدد فرمایا اے اللہ اس سے محبت فرماجو ان سے محبت کرے اور اس سے ناراض ہوجا جو ان سے یعنی علی (رض) سے بغض رکھے ۔ٕ(طبرانی نے ابن عباس (رض) سے نقل کیا)

32947 ۔۔۔ اے علی کیا آپ اس پر راضی نہیں کہ آپ میرے بھائی اور میرے وزیر ہیں میرے وعدے پورے کرتے ہیں اور میری ذمہ داری اور کرتے ہیں جو میری زندگی میں تجھ سے محبت کرے وہ منزل تک پہنچ گیا اور جو میرے بعد تجھ سے محبت کرے اللہ تعالیٰ امن اور ایمان پر اس کا خاتمہ فرمائے گا جو تجھ سے محبت کرے میرے بعد اور تیری زیارت نصیب نہ ہو اللہ تعالیٰ اس کا خاتمہ امن ایمان پر فرمائے گا اور فزع اکبر۔ (یومہ القیامة) میں اس کو امن عطا فرمائے گا اے علی جس کی موت تیری عداوت پر آئے وہ جاہلیت کی موت مرے گا اسلام میں جو اس نے عمل کیا اللہ تعالیٰ اس کا محاسبہ فرمائے گا۔ (طبرانی نے ابن عمر (رض) سے نقل کیا)

32948 ۔۔۔ علی ابن ابی طالب میرے وعدے پورا کرے گا میرے قرضے اداکرے گا۔ (ابن مردویہ دیلمی نے سلمان سے نقل کیا)

32949 ۔۔۔ علی ابن ابی طالب اہل جنت کے سامنے اس طرح ظاہرہوں گے جیسے اہل دنیا کے سامنے صبح کے ستارے ظاہر ہوتے ہیں۔ (حاکم نے تاریخ میں بیہقی نے فضائل صحابہ میں ابن جوزی نے واہیات میں انس (رض) سے نقل کیا)

32950 ۔۔۔ اے اللہ جس نے میری تصدیق اور میرے اوپر ایمان لایا وہ علی ابن ابی طالب سے دوستی کرے کیونکہ ان کی دوستی میری دوستی ہے اور میری دوستی اللہ تعالیٰ کی دوستی ہے (طبانی نے محمد بن ابی عبیدہ بن محمد بن عمار بن یاسر سے اپنے والد اور اپنے دادا سے نقل کیا )

32951 ۔۔۔ جو شخص میری جیسی زندگی اور میری جیسی موت کو پسند کرے اور جنت الخلد میں ٹھکانا طلب کرے جس کا میرے رب نے مجھ سے وعدہ فرمایا ہے کیونکہ میری رب نے خود اپنے ہاتھ اس کے درخت لگائے ہیں تو وہ علی بن ابی طالب سے دوستی کرے کیونکہ وہ تمہیں ہدایت سے نکال کر گمراہی میں داخل نہیں کریں گے۔ (طبرانی اور حاکم اور ابونعیم نے فضائل صحابہ (رض) میں زید بن ارقم سے نقل کیا)

32952 ۔۔۔ جو اس بات کو پسند کرے کہ میری جیسی زندگی گذارے اور میری جیسی موت نصیب ہو اور میرے رب کی جنت میں داخل ہوجسکا مجھ سے وعدہ ہوا میرے رب نے خود اس کے درخت لگائے وہ جنت الخلد ہے وہ علی بن ابی طالب سے دوستی کرے ان کے بعد ان کی اولاد سے کیونکہ وہ تمہیں ہدایت کے دروازے سے نکال کر ضلالت (گمراہی ) کے دروازے میں داخل نہیں کریں گے ۔ (مطہر والباوردی ابن شاہین ابن مندہ نے زیادہ بن مطرف سے نقل کیا وہ واہ ہے)