31901 ۔۔۔ فرمایا تمام روئے زمین کو میرے مسجد اور پاکیزہ بنائی گئی۔ (احمدوالضیاء القدسی بروایت انس (رض) احادیث مختار 845

31902 ۔۔۔ میرے لیے زمین کو مسجد اور پاکیزہ بنایا گیا ۔ (ابن ماجہ بروایت ابوہریرہ ابوداؤد ابی ذرام (رض))

31903 ۔۔۔ فرمایا میری زندگی تمہارے حق میں بہتر ہے تم نئے احکام سے واقف ہوتے ہو اور تمہیں نئے احکام بتائیے جاتے ہیں جب میری موت مواقع ہوگی وہ تمہارے حق میں بہتر ہوگی تمہارے مال میرے اوپر پیش ہوں گے اور اچھے دیکھوں تو اللہ کا شکریہ اداکروں کا اگر کوئی برے اعمال دیکھوں تو استغفار کروں گا۔

کلام :۔۔۔ ابن سعدبروایت بکر بن عبداللہ مرسلا ذخیرة الالفاظ 30694 ضعیف الجامع 246

31904 ۔۔۔ فرمایا میری زندگی اور موت دونوں تمہارے حق میں بہتر ہیں۔ (حارث بروایت انس (رض) ضعیف الجامع 2747 کشف الحفاء 1178)

31905 ۔۔۔ فرمایا کہ بنی آدم میں پانچ برگزیدہ ہیں : حضرت نوح ، حضرت ابراہیم، حضرت موسیٰ، حضرت عیسیٰ ، اور حضرت محمد (صلی اللہ علیہ وآلہ وسلم) اور ان پانچ میں محمد برگزیدہ ہیں۔ ابن عساکر، بروایت ابوہرہرہ۔

31905 ۔۔۔ فرمایا کہ میری والدہ نے میری ولادت کے وقت ایک نور بلند ہوتا ہوادیکھا جس سے بصری کے محلات روشن ہوئے۔ (ابن سعد بروایت ابی الجفاء ضعیف الجامع 3065)

31906 ۔۔۔ فرمایا میری والدہ نے ایک نور دیکھا جس سے شام کے محلات روشن ہوگئے۔ (ابن سعد بروایت ابی امامہ)

31907 ۔۔۔ فرمایا کہ میرے پاس ایک فرشتہ نے آکر سلام کیا اور مجھ سے کہا میں اللہ تعالیٰ سے آپ سے ملاقات کے لیے اجازت مانگتا رہا اب اجازت ملی ہے میں آپ کو بشارت دیتاہوں کہ اللہ تعالیٰ کے نزدیک آپ سے زیادہ مکرم کوئی مخلوق نہیں۔ (ابن عساکر بروایت عبدالرحمن بن عنم ضعیف الجامع 3270)

31908 ۔۔۔ ارشاد فرمایا کہ سبقت لے جانے والے چار ہیں میں عرب میں سبقت کرنے والاہوں اور صہیب رومیوں میں سلمان فارسیوں میں بلال (رض) حبشیوں میں۔ البزار طبرانی مستدرک بروایت انس (رض) طبرانی بروایت ام ھانی ابن عدی بروایت ابی امامہ ذخیرة الالفاظ 3286 ضعیف الجامع 3333

31909 ۔۔۔ فرمایا کہ مجھ پر ابھی جنت اور جہنم پیش کی گئی اس دیوار کے پاس میں نے آج کی طرح خیر و شر نہیں دیکھا اگر جو بات میں جانتاہوں تم جان لوتوکم ہنسو اور زیادہ روؤ۔ (مسلم بروایت انس (رض))

31910 ۔۔۔ فرمایا رات کو مجھ پر میری امت پیش کی گئی اس حجرہ کے پاس حتیٰ کہ میں اس کے لوگوں کو اس طرح جانتا ہوں جس طرح تم اپنے ساتھیوں کو جانتے ہو میرے لیے مٹی میں صورتیں بنائی گئیں۔ (طبرانی ضیاء مقدسی بروایت حذیفہ بن اسید (رض) )

کلام :۔۔۔ ضعیف الجامع 3701

31912 ۔۔۔ فرمایا مجھے اور لوگوں پر تین باتوں سے فضیلت دی گئی ہے :

1 ۔۔۔ ہماری صفوں کو فرشتوں کی صفوں کی طرح بنایا۔

2 ۔۔۔ تمام روئے کو زمین مسجد بنایا (یعنی ہر جگہ نماز پڑھنے کی اجازت ہے) ۔

3 ۔۔۔ اور زمین کی مٹی کو ہمارے لیے پاک بنایا جب پانی نہ ملے۔ (یعنی اس پر تیمم کو پاکی کا ذریعہ قرار دیا) اور سورة بقرہ کی آخری آیات کو عرش کے خزانوں میں سے مجھے دی گئیں مجھ سے پہلے کسی نبی کو نہیں ملی۔ (احمد، مسلم نسائی بروایت حذیفہ (رض))

31913 ۔۔۔ فرمایا مجھ سے جبرائیل نے کہا کہ میں نے زمین کو مشرق سے مغرب تک پلیٹ کر دیکھا لیکن محمد (صلی اللہ علیہ وآلہ وسلم) سے افضل کوئی شخص نہ ملا اور مشرق سے مغرب تک الٹ پلٹ کر دیکھا کسی باپ کی اولاد کو بنی ہاشم سے افضل نہیں پایا۔ (الحاکم فی الکنی وابن عساکر بروایت عائشہ (رض)

کلام :۔۔۔ ضعیف الجامع 4064

31914 ۔۔۔ فرمایا کہ قیامت کے روز ہر رشتہ ناطہ منقطع ہوجائے گا سوائے میرے رشتہ ناطہ کے (یعنی صرف یہی رشتہ فائدہ دے گا ) ۔ (طبرانی مستدرک بیہقی بروایت عمر (رض) طبرانی بروایت ابن عباس وابن مسود)

31915 ۔۔۔ فرمایا قیامت کے روز ہرنسبی اور سسرالی رشتہ ختم ہوجائے گا سوائے میرے نسبی اور سسرالی رشتہ لی۔ (ابن عساکر بروایت ابن عمر (رض) عنھما ذخیرة الالفاظ 4267)

31916 ۔۔۔ فرمایا پیدائش میں سب سے پہلا ہوں لیکن سب سے آخر میں نبی کر بھیجا گیا ہوں۔ (ابن سعدبروایت فتادہ انہ مرسلا کشف الخفاء 2009 ۔ 2006

31917 ۔۔۔ فرمایا میں اس وقت سے نبی ہوں جب آدمی (علیہ السلام) منی اور پانی کے درمیان تھے ۔ (ابن سعد حلیة الاولیا بروایت میرة الفجر ابن سعد بروایت ابن ابی جدعا طبرانی بروایت ابن عباس اسی المطالب 1112 تذکرة السوصبو عات 16

31918 ۔۔۔ فرمایا تمہیں نماز پڑھانے کے بعد میں نے ابھی دیکھا کہ جنت اور جہنم دونوں میرے سامنے پیش ہوئے اس قبلہ کی دیوار پر آج کی طرح میں نے خیر وشر نہیں دیکھا۔ (بخاری بروایت انس (رض))

31919 ۔۔۔ فرمایا کہ تم میں سے ہر شخص کو کمر سے پکڑ کر روکتا ہوں کہ کہیں جہنم میں نہ گرے۔ (طبرانی بروایت سمر ة ضعیف الجامع 4941)

31920 ۔۔۔ فرمایا میری اور تمہاری مثال اس شخص کی طرح ہے جس نے آگ جلائی جس میں ٹڈی اور پروانہ آکرگر رہے ہوں وہ ان کو ہٹا رہا ہوں میں تمہیں کمرے سے پکڑ پکڑ کر جہنم سے روک رہاہوں اور تم میرے ہاتھ سے چھوٹ کر گرنے کوشش کررہے ہو۔ (احمد مسلم بروایت جابر (رض))