33498 ۔۔۔ فرمایا گویا کہ میں عبدالرحمن بن عوف کو پل صراط پر دیکھ رہاہوں کبھی جھکتا ہے اور کبھی سیدھا چلتا ہے حتی کہ چھٹکا را پا گیا مشقت سے بچ گیا۔ (ابن عساکر نے عائشہ (رض) سے نقل کیا ہے)

33499 ۔۔۔ اللہ تعالیٰ آپ کے دنیاوی معاملات میں آپ کو کافی ہوں گے رہی آخرت کی بات تو میں اس کا ضامن ہوں ۔ (ابوبکر الشافعی نے الغیلانیات میں اور ابونعیم نے فضائل الصحابہ میں اور ابن عساکر نے عمر سے روایت کیا ہے کہ) انھوں نے فرمایا کہ میں نے نبی کریم (صلی اللہ علیہ وآلہ وسلم) کی موجودگی میں حسن اور حسین کو بھوک کی وجہ سے روتے ہوئے اور آہ بکا کرتے ہوئے دیکھا تو نبی کریم (صلی اللہ علیہ وآلہ وسلم) نے فرمایا کوئی ہے جو ہماری کسی چیز کے ذریعہ مدد کرے ؟ حضرت عبدالرحمن بن عوف کو پتا چلا تو وہ حسن اور حسین کے لیے ایک طشتری لے آئے جس میں کھجور کا حلوہ اور دوروٹیاں تھیں۔

33500 ۔۔۔ اے عبدالرحمن ! اللہ آپ کی دنیاوی معاملات میں کفایت کرے جہاں تک آخرت کا تعلق ہے تو میں اس کا ضامن ہوں یہ بات ابن عوف سے فرمائی۔ (الدیلمی نے ابن عمر سے روایت کیا ہے)

33501 ۔۔۔ ابوہریرة علم کے محافظ ہیں۔ (حاکم نے ابوسعید الخدری سے روایت کیا ہے)

33502 ۔۔۔ جنت میں الدوسی تم دونوں سے سبقت لے گیا۔ (حاکم نے زید بن ثابت سے روایت کیا ہے)

33503 ۔۔۔ ہر امت کا ایک دانشور ہوتا ہے اور اس امت کے دانشور ابوہریرة ہیں۔ (الدیلمی نے ابن عباس سے روایت کیا ہے)

33504 ۔۔۔ میری امت کا دانشور عویم رہے۔ (طبرانی نے المعجم الاوسط میں شریح بن عبید سے مرسلا نقل کیا ہے)

33505 ۔۔۔ ہر امت کا ایک دانشور ہے اور اس امت کے دانشور ابوالدرداء ہیں۔ (ابن عساکر نے جبربن نفیر سے مرسلا نقل کیا ہے)

33506 ۔۔۔ اللہ تعالیٰ نے مجھ سے ابوالدرداء کے اسلام لانے کا وعدہ فرمایا ہے۔ (طبرانی نے المعجم الکبیر میں ابوالدرداء سے روایت کیا ہے)

33507 ۔۔۔ عویمر بہترین شہسوار ہے ، ابوالدرداء کیسے ہی اچھے آدمی ہیں۔ (طبرانی نے المعجم الاوسط میں شریح بن عبد سے اور ابن عائذ سے مرسلاً نقل کیا ہے)

33508 ۔۔۔ اللہ کے بندوں میں سے ایک بہترین بندہ اور اہل جنت کا ایک فردعویمربن ساعدة ہے۔ (الدیلمی نے جابر سے روایت کیا ہے)

33509 ۔۔۔ الرحمن کے وفد میں ہے عبداللہ بن عمر کیسا اچھا آدمی ہے اور عمار بن یاسر سابقین میں سے اور المقداد بن الاسود مجتہد ین میں سے کیسے اچھے آدمی ہیں۔ (مسندالفردوس میں ابن عباس سے مروی ہے)

33510 ۔۔۔ عبداللہ بڑے نیک آدمی ہیں کاش کہ وہ رات کو کثرت سے نماز پڑھا کرتے ۔ (احمد بن حنبل اور بیہقی نے حفصہ (رض) سے روایت کیا ہے)

33511 ۔۔۔ عبداللہ بڑے اچھے آدمی ہیں کاش کہ وہ رات کو کثرت سے نماز پڑھا کرتے۔ ( احمد بن حنبل اور بیہقی نے حفصہ (رض) سے روایت کیا ہے)

33512 ۔۔۔ ہر امت کا ایک عالم ہوتا ہے اور اس امت کا عالم عبداللہ بن عمر ہے اور ہر نبی کا ایک دوست ہوتا ہے اور میرا دوست سعد بن معاذ ہے۔ (الدیلمی نے ابن عباس سے روایت کیا ہے)

33513 ۔۔۔ عبداللہ بن سلام جنت میں داخل ہونے والے دس میں دسویں ہوں گے۔ (احمدطبرانی اور حاکم نے معاذ بن جبل سے نقل کیا ہے حاکم نے مستدرک میں صحیح قرار دیا ۔ 3/416)

33514 ۔۔۔ عبداللہ بن سلام کی اس حال میں وفات ہوگی کہ وہ العروة الوثقی (مضبوط کڑے ) کو تھامے ہوئے ہوں گے ۔ (طبرانی نے المعجم الکبیر میں عبداللہ بن سلام سے روایت کیا ہے)

33515 ۔۔۔ تمہارا قول ہرگز قول قبول نہیں ۔ (یعنی عبداللہ بن سلام کے بارے میں ) اب تم ان کی اچھی تعریف کرتے ہو جو کر رہے ہو جب وہ ایمان لایا تم نے ان کو جھٹلایا اور ان کے متعلق باتیں کیں اب تمہاری بات قابل قبول نہیں۔ (حاکم نے مستدرک میں عوف بن مالک سے نقل کیا ہے)

33516 ۔۔۔ عماد ایسے آدمی ہیں کہ اللہ تعالیٰ نے ایمان کو ان کے سر کی چوٹی سے لے کر پاؤں تک جسم کے ہر حصے میں اس کی آمیزش کردی ہے اور ایمان ان کے گوشت اور خون میں رج بس گیا ہے یہ ہمیشہ حق پر قائم رہیں گے اور آگ کو یہ اختیر نہیں ہے کہ کے جسم کے کسی حصہ کو جلادے ۔ (ابن عسا کرنے علی سے روایت کیا ہے)

33517 ۔۔۔ عماد کا خون اور ان کا گوشت آگ پر حرام ہے کہ ان کو کھالے یاچھولے۔ (ابن عساکر نے علی سے روایت کیا ہے)