٣٨٦١٠۔۔۔ کعبہ کو باریکی پنڈلیوں والا حبشی خراب کرے گا اس کا زیور چھین لے گا اور اسے غلافوں سے خالی کردے گا، میں گویا دیکھ ہوں کہ وہ اپنی کدال اور اوزار اس پر ماررہا ہے اس کا سر آگے گنجا اور اس کے اعضاء ٹیڑھے ہیں۔ (مسند احمد عن ابن عمرو)

٣٨٦١١۔۔۔ باریک پنڈلیوں والا اللہ تعالیٰ کے گھر (کعبہ) کو خراب کرے گا۔ (الدیلمی عن ابوہریرہ )

٣٨٦١٢۔۔۔ بڑی چیخ سے پہلے ایک اعلان کرنے والا اعلان کرے گا : تم پر قیامت آئی ! جسے زندے اور مردے سنیں گے اللہ تعالیٰ (کا عرش) آسمانی دنیا پر نازل ہوگا، پھر پکارنے والا پکارے گا : آج کس کی بادشاہت ہے ؟ اللہ اکیلے زبردست کے لیے ہے۔ (الدیلمی عن ابی سعید)

٣٨٦١٣۔۔۔ دریائے فرات سونے کے پہاڑ سے ہٹ جائے گا جس پر لوگوں کی جنگ ہوگی ہر (جانب سے) سو میں سے ننانوے فیصد قتل ہوں گے، اور قیامت دن کے وقت قائم ہوگی۔ (حاکم عن ابوہریرہ )

کلام :۔۔۔ ذخیرۃ الحفاظ ٦٤٩٦۔

٣٨٦١٤۔۔۔ دریائے فرات سے سونے چاندی کا پہاڑ نمودار ہوگا جس پر دونوں جانب سے ہرنو میں سے سات قتل ہوں گے، اگر تم اس زمانہ کو پالو تو اس کے قریب نہ جانا۔ (نعیم بن حماد فی الفتن عن ابوہریرہ )

٣٨٦١٥۔۔۔ بیت المقدس میں ہدایت کی بیعت ہوگی۔ (ابن سعد عن عبدالرحمن بن ابی عمیرۃ المزنی)

٣٨٦١٦۔۔۔ گویا مجھے بنی فہر کی عورتیں خزرج کا طواف کرتی نظر آرہی ہیں ان کی سرینیں ڈھلک رہی ہیں وہ مشرک ہیں۔ (مسند احمد عن ابن عباس)

٣٨٦١٧۔ اللہ تعالیٰ کسری پر لعنت کرے، سب سے پہلے عرب اور پھر فارس والے ہلاک ہوں گے۔ (مسند احمد عن ابوہریرہ )

٣٨٦١٨۔۔۔ قرب قیامت کی علامت عربوں کا ہلاک ہونا ہے۔ (ابن ابی شیبہ، بیھقی فی البعث عن طلحۃ بن مالک)

٣٨٦١٩۔ سب سے پہلے فارس ہلاک ہوں گے پھر عرب کے نقش قدم پر۔ (نعیم ابن حماد فی الفتن عن ابوہریرہ ، وسندہ ضعیف

٣٨٦٢٠۔ سب سے پہلے قریش ہلاک ہوں گے اور قریش میں سے میرے گھرانے کے لوگ۔ (الحاکم فی الکنی عن عمروبن العاصی

٣٨٦٢١۔۔۔ اللہ تعالیٰ دنیا کو ختم نہیں کرے گا یہاں تک کہ ڈھیران میں ایک جوتا ملے گا پس کوئی کہے گا کہ یہ کسی قریشی کا جوتا ہے۔ (ابن قانع، طبرانی عن عبدالرحمن بن شبل)

٣٨٦٢٢۔۔۔ ہر سال (برا ہے ) جو اس کے بعد آنے والا ہے وہ اس سے زیادہ برا ہے یہاں تک کہ تم اپنے رب سے مل لو۔ (ترمذی عن انس)

٣٨٦٢٣۔۔۔ ہر چیز کم ہوجاتی ہے سوائے برائی کے، اس میں اضافہ ہی ہوتا ہے۔ (مسند احمد، طبرانی، ابویعلی عن ابی الدرداء )

کلام :۔۔۔ اسنی المطالب : ١٠٩١، ضعیف الجامع ٤٢٣٨۔

٣٨٦٢٤۔۔۔ ہر سال میں خیر کم ہوجاتی اور شر میں اضافہ ہوجاتا ہے۔ (طبرانی عن ابی الدرداء)

کلام :۔۔۔ الاسرار المرفوعۃ ٣٤٩۔

٣٨٦٢٥۔۔۔ جو سال اور دن تمہارے سامنے آئے گا اس کے بعد والا اس سے زیادہ برا ہوگا یہاں تک کہ تم اپنے رب سے مل لو۔ (مسند احمد، بخاری، نسائی عن انس)

٣٨٦٢٦۔۔۔ تم ایسے زمانے میں ہو کہ اس میں اگر کسی نے حکم کی سجا آوری کو دسواں حصہ بھی چھوڑا تو ہلاک ہوجائے گا، پھر ایسا زمانہ آئے گا کہ جس نے حکم کے دسویں حصہ پر عمل کیا تو نجات پاجائے گا۔ (ترمذی عن ابوہریرہ )

کلام :۔۔۔ ضعیف الترمذی ٣٩٤، ضعیف الجامع ٣٠٣٨۔

٣٨٦٢٧۔۔۔ ایک شخص کسی بنی اسرائیلی کے ہاں مہمان ہوا، اس کے گھر میں ایک حاملہ کتیا تھی وہ کہنے لگی : اللہ کی قسم ! میں اپنے مالکوں کے مہمان کو نہیں بھونکوں گی، تو اس کے پیٹ کا بچہ غرانے لگا، کسی نے کہا : یہ کیا : تو اللہ تعالیٰ نے ان میں سے کسی شخص کی طرف وحی بھیجی : یہ اس امت کی مثال ہے جو تمہارے بعد ہوگی اس کے بیوقوف لوگ اپنے عقلمندوں کو ڈانٹیں گے۔ (مسند احمد عن ابن عمرو)

کلام :۔۔۔ ضعیف الجامع ٣٥٨٣۔

٣٨٦٢٨۔۔۔ تم ایسے زمانے میں ہو جس کے فقہاء زیادہ اور خطباء تھوڑے ہیں، سوال کرنے والے تھوڑے اور دینے والے بکثرت ہیں۔ اس میں عمل علم سے بہتر ہے، تم پر ایسا زمانہ بھی آئے گا جس کے فقہاء تھوڑے اور خطباء زیادہ ہوں گے، سوال کرنے والے زیادہ اور دینے والے کم ہوں گے اس دور میں علم، عمل سے افضل ہوگا۔ (طبرانی فی الکبیر عن حزام بن حکیم بن حزام عن ابیہ، طبرانی وابن عساکر عن حزام بن حکیم عن عمہ عبداللہ بن سعد الانصاری)

٣٨٦٢٩۔۔۔ تم ایسے زمانے میں ہو جس کے علماء کثیر اور خطباء قلیل ہیں جس نے اس میں علم کا دسواں حصہ بھی چھوڑا ہلاک ہوگا اور لوگوں نے ایسا زمانہ بھی دیکھنا ہے جس کے علماء تھوڑے، خطباء زیادہ ہوں گے جس نے اس دور میں علم کے دوسرے حصے کو بھی تھام لیا نجات پائے گا۔ (مسند احمد عن ابی ذر)