٤٢٣٥٤۔۔۔ مومن کی اللہ تعالیٰ کی طرف سے پہلی عزت افزائی یہ ہوتی ہے کہ اس کے ساتھ چلنے والوں کی بخشش کردی جاتی ہے۔ ابن عدی والخطیب عن ابوہریرہ ، کلام۔۔۔ اللالی ج ٢ ص ٤٣٠۔

٤٢٣٥٥۔۔۔ مومن کو سب سے پہلے راحت وریحان اور جنت نعیم کی خوشخبردی جاتی ہے اور مومن کو پہلی بشارت اس طرح دے کر کہا جاتا ہے : اے اللہ کے دوست تجھے اللہ تعالیٰ کی رضامندی اور جنت کی بشارت ہو خوش آمدید اللہ تعالیٰ نے تیرے ساتھ چلنے والوں کی مغفرت کردی اور جنہوں نے تیرے لیے دعائے مغفرت کی ان کی دعاقبول کرلی اور جنہوں نے تیری گواہی دی ان کی گواہی قبول کرلی۔ ابن ابی شیبۃ وابوالشیخ فی الثواب عن سلمان

٤٢٣٥٦۔۔۔ اللہ تعالیٰ کے کچھ فرشتے ایسے ہیں جو جنازہ کے ساتھ چلتے ہوئے کہتے ہیں : پاک ہے وہ ذات جو قدرت سے غالب ہوئی اور بندوں پر موت کے ذریعہ چھاگئی۔ الرافعی عن ابوہریرہ

٤٢٣٥٧۔۔۔ جس میت کو اس کی چارپائی پر رکھ کر تین قدم چلایاجاتا ہے تو وہ ایسی آواز سے بولتی ہے جسے ہر وہ چیز سنتی ہے جسے اللہ تعالیٰ سنانا چاہتا ہے : اے بھائیو ! اے اس کی لعش کو اٹھانے والو ! دنیا تمہیں ایسادھوکا نہ دے جیسا اس نے مجھے دھوکا دیا اور نہ زمانہ تم سے کھیلے جیسے مجھ سے کھیلا میں اپنا سب کچھ اپنی اولاد کے لیے چھوڑے جارہاہوں لیکن وہ میرے گناہ نہیں اٹھائیں گے تم لوگ میرے ساتھ چل رہے ہو اور عنقریب مجھے چھوڑدوگے اور طاقتورذات میرا حساب لے گی۔ ابن ابی الدنیا والدیلمی عن عمر

٤٢٣٥٨۔۔۔ میری امت اس وقت تک اپنے دین کی مضبوطی پر قائم رہے گی جب تک جنازوں کو ان کے واروثوں کے حوالہ نہیں کرے گی۔ طبرانی ، حاکم، بیہقی، سعید بن منصور عن الحارث بن وھب عن الصنایحی

٤٢٣٥٩۔۔۔ جو نماز جنازہ تک جنازہ کے ساتھ رہاتو اس کے لیے ایک قیراط ہے اور جو دفن تک ساتھ رہاتو اس کے لیے دوقیراط ہیں کسی نے عرض کیا : کہ قیراط کیا ہیں ؟ فرمایا : دوبڑے پہاڑوں کی طرح۔ بخاری ، مسلم، نسائی، بیہقی عن ابوہریرہ

٤٢٣٦٠۔۔۔ جو نماز جنازہ تک جنازہ کے پیچھے رہاپھرلوٹا تو اس کے لیے ایک قیراط ہے اور جو جنازہ پڑھ کردفن تک اس کے ساتھ چلاتو اس کے لیے دوقیراط ہیں ایک قیراط حد جتنا ۔ طبرانی فی الکبیر عن ابن عمر

٤٢٣٦١۔۔۔ جو دفن تک جنازہ کے ساتھ چلاتو اس کے لیے دوقیراط ہیں اور جو دفن سے پہلے لوٹ آیا تو اس کے لیے ایک قیراط احد جتنا ہے۔ الحکیم عن عبداللہ بن مغفل

٤٢٣٦٢۔۔۔ جو جنازہ کے ساتھ اس کے گھر سے نکالے جانے کے وقت نکلا اور جنازہ پڑھا پھر دفن تک اس کے پیچھے چلاتو اس کے لیے اجر کے دوقیراط ہیں۔ عن ابوہریرہ

٤٢٣٦٣۔۔۔ جو جنازہ کے ساتھ رہا اور اس کے آگے اس لیے چلاتا کہ چارپائی کے چاروں کونوں سے اٹھایا جائے اور دفن تک بیٹھارہا تو اس کے لیے اجر کے دوقیراط ہیں ان میں سے ہلکے سے ہلکا قیامت کے روزمیزان میں احد پہاڑ سے زیادہ وزنی ہوگا۔ ابن عدی وابن عساکر عن معروف الخیاط عن واثلۃ و معروف لیس بالقوی، کلام۔۔۔ ذخیرۃ الحفاظ ٥٣٧٧۔

٤٢٣٦٤۔۔۔ جو بھی جنازہ ایساہو کہ اس کے ساتھ سرخ رنگ کی خوشبو اور آگ نہ ہو تو اس کے ساتھ ستر ہزارفرشتے چلیں گے۔ ابوالشیح والدیلمی عن عشیر البدری

٤٢٣٦٥۔۔۔ جس نے جنازہ کے چاروں کونوں سے اٹھایا اللہ تعالیٰ اس کے چالیس کبیرہ گناہ معاف کردے گا۔ طبرانی فی الاوسط عن انس، کلام۔۔۔ تذکرۃ الموضوعات ٢١٧، الضعیفۃ ١٨٩١۔

٤٢٣٦٦۔۔۔ جس نے جنازہ کی چارپائی کے چاروں پائے اٹھائے اور ساتھ ایمان اور ثواب کی امیدر کھی تو اللہ تعالیٰ اس کے چالیس کبیرہ گناہ معاف کردے گا۔ ابن النجار عن انس، کلام۔۔۔ ذخیرۃ الحفاظ ٥٢٧١، المتنامبیہ ١٤٩٩۔

٤٢٣٦٧۔۔۔ تیزرفتاری کے بغیر چلو، اگر اچھا ہے تو اس کی طرف جلدی کی جائے گی اور اگر اس کے علاوہ ہے تو جہنمی لوگوں کے لیے دوری ہو۔ جنازہ کے پیچھے چلاجاتا ہے اسے پیچھے نہیں چلایا جاتا اور نہ کوئی اس سے آگے بڑھے۔ مسد احمد، بیہقی وضعفہ عن ابن مسعود

٤٢٣٦٨۔۔۔ جنازہ کو چستی سے لے جاؤ یہودیوں کی طرف گھسٹ کر مت چلو جیسا وہ اپنے جنازوں کو سستی سے لے جاتے ہیں۔ سعید بن منصور، مسنداحمد عن ابوہریرہ

٤٢٣٦٩۔۔۔ حضرت ابوموسیٰ (رض) سے روایت ہے کہ کچھ لوگ رسول اللہ (صلی اللہ علیہ وآلہ وسلم) کے پاس سے جلدی میں جنازہ لے کرگزرے تو آپ نے فرمایا : تم پرسکون کی کیفیت ہونی چاہیے۔ مسنداحمد عن ابی موسیٰ

٤٢٣٧٠۔۔۔ پیدل شخص جنازے اٹھانے کے لیے جنازہ سے آگے اور سوار پیچھے رہے اور بچہ کی نماز جنازہ پڑھی جائے۔ حاکم عن المغیرۃ بن شعبۃ

٤٢٣٧١۔۔۔ اپنے مردوں کو نیک لوگوں کے درمیان دفن کرو کیونکہ میت کو برے پڑوس سے اذیت پہنچتی ہے جیسے زندہ شخص کو برے پڑوسی سے اذیت ہوتی ہے۔ حلیۃ الاولیاء عن ابوہریرہ

٤٢٣٧٢۔۔۔ گہری، وسیع اور اچھے انداز میں قبر کھودو اور ان شہداء کو دودوتین تین کو ایک قبر میں دفن کرو اور جو زیادہ قرآن پڑھنے والا ہے اسے پہلے دفن کرو۔ مسنداحمد بیہقی فی السن عن ہشام بن عامر

٤٢٣٧٣۔۔۔ مجھے طلحہ کے متعلق موت کا گمان ہے سو مجھے اس کی اطلاع دے دینا تاکہ میں اس کے پاس آجاؤں اور اس کی نماز جنازہ پڑھوں اور جلدی کرنا کیونکہ مسلمان نعش کو اس کے اہل و عیال میں روکے رکھنا مناسب نہیں۔ ابوداؤد عن حصین بن وحوح، کلام۔۔۔ ضعیف الجامع ٢٠٩٩۔