22099 ۔۔۔ اسی طرح وائل (رض) کہتے ہیں میں نے رسول اللہ (صلی اللہ علیہ وآلہ وسلم) کو دیکھا کہ انھوں نے نماز میں اپنا دایاں ہاتھ بائیں ہاتھ پر رکھا تھا ۔ (ابن ابی شیبۃ)

22100 ۔۔۔ عبداللہ بن علیم کہتے ہیں : میں نے ایک مرتبہ سیدنا حضرت ابوبکر صدیق (رض) کے پیچھے مغرب کی نماز پڑھی جب آپ (رض) دوسری رکعت میں بیٹھے یوں لگتا تھا گویا آپ (رض) انگاروں پر بیٹھے ہیں۔ پھر کہنے لگے ۔ ” ربنا لاتزغ قلوبنا بعد اذ ھدیتنا وھب لنامن لدنک رحمۃ انک انت الوھاب “۔ ے ہمارے پروردگار ہمیں ہدایت دینے کے بعد ہمارے دلوں میں کجی نہ ڈالنا اور ہمیں اپنی طرف سے رحمت عطا فرمانا بیشک تو ہی عطا فرمانے والا ہے۔ (بیہقی فی شعب الایمان)

22101 ۔۔۔ سائب بن یزید کہتے ہیں حضور اکرم (صلی اللہ علیہ وآلہ وسلم) ایک مرتبہ میں نے سیدنا حضرت عمر ابن خطاب (رض) کے پیچھے صبح کی نماز پڑھی چنانچہ انھوں نے سورت بقرہ پڑھی جب لوگ نماز سے فارغ ہوئے تو سورج کی طرف دیکھنے لگے آیا کہیں طلوع تو نہیں ہوچکا ۔ سیدنا حضرت عمر ابن خطاب (رض) نے فرمایا اگر طلوع ہوچکا ہوتا تو تم ہمیں غافل نہ پاتے ۔ (رواہ طحاوی ، بیہقی)

22102 ۔۔۔ ابو وائل (رض) کہتے ہیں کہ سیدنا حضرت عمر ابن خطاب (رض) اور سیدنا حضرت علی المرتضی (رض) ” بسم اللہ الرحمن الرحیم “ تعوذ اور آمین جہرا نہیں کہتے تھے۔ (ابن جریر ، طحاوی ، ابن شاھین فی السنۃ)

22103 ۔۔۔ عبدالرحمن بن ابزی کہتے ہیں میں نے سیدنا حضرت عمر ابن خطاب (رض) کے پیچھے نماز پڑھی بسم اللہ الرحمن الرحیم جہرا پڑھی ۔ چنانچہ سیدنا حضرت عمر ابن خطاب (رض) بھی بسم اللہ الرحمن الرحیم کو جہرا پڑھتے تھے ۔

22104 ۔۔۔ ابو وائل (رض) کہتے ہیں کہ سیدنا حضرت عمر ابن خطاب (رض) ” الحمد للہ رب العالمین “ سے نماز کی ابتداء کرتے تھے ۔ (رواہ عبدالرزاق)

22105 ۔۔۔ حسن وغیرہ کہتے ہیں کہ سیدنا حضرت عمر ابن خطاب (رض) نے حضرت ابو موسیٰ اشعری (رض) کی طرف خط لکھا کہ مغرب میں قصار مفصل (سورتیں) پڑھا کرو عشاء میں اوساط مفصل پڑھو اور صبح کی نماز میں طوال مفصل پڑھو۔ (عبدالرزاق ، وابن ابی داؤد فی المصاحف)

22106 ۔۔۔ عمرو بن میمون کہتے ہیں کہ ایک مرتبہ میں نے سیدنا حضرت عمر ابن خطاب (رض) کے ساتھ ذوالحلیفہ میں فجر کی نماز پڑھی چنانچہ آپ (صلی اللہ علیہ وآلہ وسلم) نے فجر کی نماز میں قل یا ایھا الکافرون اور باللہ الواحد الصمد پڑھا یعنی سورت اخلاص ۔ حضرت عبداللہ ابن مسعود (رض) کی قرات میں اسی طرح ہے۔ (بیہقی فی شعب الایمان)

22107 ۔۔۔ عبایہ بن رداد کہتے ہیں حضور اکرم (صلی اللہ علیہ وآلہ وسلم) میں نے سیدنا حضرت عمر ابن خطاب (رض) کو فرماتے سنا ہے کہ نماز سورت فاتحہ اور اس کے ساتھ کچھ اور پڑھے بغیر نہیں ہوتی ۔ میں نے عرض کیا اگر میں امام کے پیچھے ہوں ؟ فرمایا : اپنے دل میں پڑھ لیا کرو ۔ (ابن سعد وابن ابی شیبہ)

22108 ۔۔۔ سیدنا حضرت عمر ابن خطاب (رض) کہتے ہیں کہ وہ نماز نہیں ہوتی جس میں سورت فاتحہ اور دو آیتیں یا اس سے زائد نہ پڑھی جائیں ۔ (رواہ بیہقی)

22109 ۔۔۔ سیدنا حضرت عمر ابن خطاب (رض) کہتے ہیں نماز سورت فاتحہ اور اس کے ساتھ کچھ اور پڑھنے کے سوا نہیں ہوتی ۔

22110 ۔۔۔ عبداللہ بن عامر (رض) کی روایت ہے کہ ہم نے ایک مرتبہ سیدنا حضرت عمر ابن خطاب (رض) کے ساتھ فجر کی نماز پڑھی چنانچہ آپ (رض) نے اس میں سورت یوسف اور سورت حج پڑھی اور قرات آہستہ آہستہ کی ۔ (مالک ، عبدالرزاق ، بیہقی)

22111 ۔۔۔ خرشہ بن حر کی روایت ہے کہ سیدنا حضرت عمر ابن خطاب (رض) فجر کی نماز کبھی تاریی میں پڑھ لیتے اور کبھی روشنی پھیل جانیکے بعد آپ (رض) سورت یوسف ، سورت یونس ، قصار مثانی اور قصار مفصل پڑھتے ۔ (ابن ابی داؤد فی المصاحف) فائدہ : ۔۔۔ قصار مثانی سے مراد ابتدائی لمبی سورتیں ہیں۔

22112 ۔۔۔ عبدالرحمن بن خاطب (رض) کہتے ہیں میں نے سیدنا حضرت عمر ابن خطاب (رض) کے پیچھے عشاء کی نماز پڑھی چنانچہ آپ (رض) نے دو رکعتوں میں سورت آل عمران پڑھی بخدا میں آپ (رض) کی قرات نہیں بھولا ۔ چنانچہ آپ (رض) نے قرات اس آیت سے شروع کی : (آیت)” الم اللہ لا الہ الا ھو الحی القیوم “۔ (شعب الایمان للبیہقی)

22113 ۔۔۔ سلیمان بن عتیق کی روایت ہے کہ سیدنا حضرت عمر ابن خطاب (رض) (بسا اوقات) فجر کی نماز میں سورت آل عمران پڑھ لیتے تھے۔ (رواہ عبدالرزاق)

فجر کی پہلی رکعت میں سورة یوسف :

22114 ۔۔۔ ربیعہ بن عبداللہ بن ہدیر کہتے ہیں سیدنا حضرت عمر ابن خطاب (رض) فجر کی نماز میں پہلی رکعت میں سورت یوسف پڑھتے اور دوسری رکعت میں سورت نجم پڑھتے چنانچہ آپ (رض) نے سجدہ تلاوت کیا اور پھر کھڑے ہو کر سورت اذا ذلزلت الارض پڑھی۔۔ (رواہ عبدالرزاق)

22115 ۔۔۔ ابو منھال سیار بن سلامہ (رح) کی روایت ہے کہ ایک مرتبہ سیدنا حضرت عمر ابن خطاب (رض) رات کو تہجد پڑھ رہے تھے چنانچہ آپ پر ایک مہاجر صحابی (رض) گرپڑے آپ (رض) نے سورت فاتحہ سے زیادہ کچھ نہیں پڑھا تھا ۔ آپ (رض) تکبیر اور تسبیح کہتے پھر رکوع اور سجدہ کرتے جب اس آدمی نے صبح کی اور اس کا تذکرہ سیدنا حضرت عمر ابن خطاب (رض) سے کیا تو آپ (رض) نے فرمایا ! تیری ماں کے لیے ہلاکت کیا یہ فرشتوں کی نماز نہیں ہے۔ (ابو عبد فی فضائلہ) یہ حدیث مرتبہ میں مرفوع کے حکم میں ہے۔

22116 ۔۔۔ عمرو بن میمون کہتے ہیں کہ ایک مرتبہ سیدنا حضرت عمر ابن خطاب (رض) نے ہمیں مغرب کی نماز پڑھائی چنانچہ آپ (رض) نے پہلی رکعت میں سورت تین اور دوسری رکعت میں ” سورت فیل اور سورت قریش پڑھی ۔ (رواہ عبدالرزاق، وابن انباری فی المصاحف)

22117 ۔۔۔ صفیہ بنت ابی عبید سے مروی ہے کہ ایک مرتبہ سیدنا حضرت عمر ابن خطاب (رض) نے فجر کی نماز میں سورت کہف یا سورت یوسف اور دوسری رکعت میں سورت ھود پڑھی پڑھی راوی کو سورت یوسف میں شک ہے جب اس میں تردد ہے تو پہلی سورت کی طرف رجوع ہوگا ۔ (رواہ عبدالرزاق)