44703 عرب ایک دوسرے کے ہمسر ہیں قبیلہ قبیلے کا ہمسر ہے، مرد مرد کا ہمسر ہے الایہ کوئی جو لاہا یا حجام ہو۔ رواہ البیہقی وصعفہ عن ابن عمر

44704 فلاں قبیلے سے نکاح مت کرو، فلاں اور فلاں قبیلے سے نکاح کرو چونکہ فلاں اور فلاں قبیلے پاکدامن ہیں ان کی عورتیں بھی پاکدامن ہیں جبکہ فلاں قبیلہ بیوقوف ہے اور ان کی عورتیں بھی بیوقوف ہیں اور یہ چیز ناپسندیدہ ہے پس پاکدامنی اختیار کرو۔ رواہ ابوالبرکات ھبۃ اللہ بن المبارک السقطی فی معجمہ وابن النجار عن جبیر بن نفیر

4705 اے اہل عجم تم میں سے برے لوگ وہ ہیں جو عرب میں شادی کریں، اے اہل عرب تم میں سے برے لوگ وہ ہیں جو عجم میں شادی کریں۔ رواہ ابونعیم عن عتبہ بن طویع المازنی

44706 جس شخص نے کسی عورت کے ساتھ شادی کی اور پھر نیت کرلی کہ اس کا مہر اسے نہیں دے گا تو وہ جس دن مرے گا اس دن زانی ہوگا۔ جس شخص نے کسی سے کوئی چیز خریدی اور نیت کرلی کہ وہ چیز کی قیمت نہیں دے گا جس دن وہ مرے گا اس دن خائن ہوگا اور خائن دوزخ میں جاتا ہے۔ رواہ ابویعلی والطبرانی عن صعیب۔ کلام : حدیث ضعیف ہے دیکھئے ضعیف الجامع 2235

44707 سب سے بہتر مہر وہ ہے جو کم سے کم ہو۔ رواہ الحاکم والبیہقی فی السنن عن عقبۃ بن عامر

44708 کھڑے ہوجاؤ اور اسے بیس آیتیں پڑھادو وہ تمہاری بیوی ہے۔ رواہ ابوداؤد عن ابوہریرہ (رض) ۔ کلام : حدیث ضعیف ہے دیکھئے ضعیف الجامع 4114

44709 جاؤ میں نے تمہیں اس عورت کا مالک بنادیا بسبب قرآن کے اس حصہ کے جو تمہیں یاد ہے۔ رواہ البخاری ومسلم عن سھل بن سعد

44710 آدمی پر کوئی حرج نہیں کہ وہ اپنے مال میں سے تھوڑے پر نکاح کرے یا زیادہ پر جب وہ آپس میں راضی ہوں گے اور گواہ بھی موجود ہوں۔ رواہ البیہقی عن ابی سعید ۔ کلام : حدیث ضعیف ہے دیکھئے ضعیف الجامع 4892

44711 عورتوں کو مہر دو اگرچہ ایک کوڑے کی صورت میں کیوں نہ ہو یعنی تزویج کے معاملہ میں۔ رواہ الطبرانی والضیاء عن سھل بن سعد ۔ کلام : حدیث ضعیف ہے دیکھئے ضعیف الجامع 3829

44712 عورتوں کی شرمگاہ کو اپنے عمدہ مال کے ذریعے حلال کرو۔ رواہ ابوداؤد فی مراسیلہ عن یحییٰ بن یعمر مرسلاً ۔ کلام : حدیث ضعیف ہے دیکھئے ضعیف الجامع 803

44713 مہر تلاش کرو خواہ لوہے کی ایک انگوٹھی ہی کیوں نہ۔ رواہ احمد بن حنبل والبخاری ومسلم ابوداؤد عن سھل بن سعد

44714 شادی کرو خواہ لوہے کی ایک انگوٹھی مہر میں دے کر کیوں نہ کرو۔ رواہ البخاری عن سھل بن سعد

44715 شرط کا سب سے بڑا حق جسے تم پورا کرو وہ ہے جس کے ذریعے تم شرمگاہوں کو حلال سمجھتے ہو۔ رواہ احمد بن حنبل والبخاری ومسلم عن عقبۃ بن عامر

44716 جس عورت کے ساتھ مہر پر یاحیاء پر یا چند چیزوں پر عصمت نکاح سے قبل وہ اس کی ملکیت ہوگی، اور جو کچھ نکاح منعقد ہونے کی بعد وہ دینے والے کی ملکیت ہوگی آدمی جس رشتے کے اکرام کرنے کا زیادہ حق رکھتا ہے وہ اس کی بیٹی ہے یا بہن ہے۔ رواہ احمد بن حنبل وابوداؤد والنسائی وابن ماجہ عن ابن عمرو۔ کلام : حدیث ضعیف ہے دیکھئے ضعیف ابی داؤد 464 و ضعیف النسائی 214

44717 جس شخص نے اپنی بیوی کے مہر میں مٹھی بھر گندم دی یا ستو دیئے یا کھجوریں دیں یا آٹا دیا اس نے بیوی کو اپنے لیے حلال کرلیا۔ رواہ ابوداؤد والبیہقی فی السنن عن جابر ۔ کلام : حدیث ضعیف ہے دیکھئے ضعیف الجامع 54, 53 و ضعیف ابی داؤد 456

44718 جس شخص نے ایک درہم مہر دیا اس نے بیوی حلال کرلی۔ رواہ ابوداؤد والبیہقی فی السنن عن ابی لبیبۃ ۔ کلام : حدیث ضعیف ہے دیکھئے ضعیف الجامع 5396

44719 اگر تم بطحان وادی کو پہچانتے تو اتنا اضافہ نہ کرتے۔ رواہ احمد بن حنبل والنسائی عن ابی حدرد

44720 تم میں سے جو غیر شادی شدہ ہو ان کا نکاح کرادو اس طریقہ سے کرو جس سے وہ آپس میں راضی ہوں اگرچہ پیلو کے پھل کی مٹھی بھر پر ہی کیوں نہ کریں۔ رواہ الطبرانی عن ابن عباس۔ کلام : حدیث ضعیف ہے دیکھئے ضعیف الجامع 1348

44721 عورت کی برکت میں سے ہے کہ اسے آسانی سے پیغام نکاح دیا جائے اور اس کا مہر بھی کم ہو اور اس کا رحم بھی آسان تر ہو (یعنی عورت زیادہ بچے پیدا کرنے والی ہو) ۔ رواہ احمد بن حنبل والحاکم والبیہقی عن عائشۃ۔ کلام : الشذرۃ 1034 اوالمقاصد الحسنۃ 1205

44722 بےنکاحوں کا نکاح کرادو صحابہ کرام (رض) نے عرض کیا علائق کیا ہیں ؟ جس چیز سے شادی کرنے والے آپس میں راضی ہوجائیں۔ رواہ ابن عدی والبخاری ومسلم