٨٠٥٠۔۔۔ کیا تمہیں ایسی بات نہ بتاؤں جس سے اللہ تعالیٰ نفع پہنچائے گا ؟ سود کی کئی قسمیں ہیں، ان میں سے ایک قسم ستر گناہوں کے برابر ہے اس کا کم از کم گناہ یہ ہے کہ انسان اپنی ماں سے ہم آغوش ہو، اور سب سے بڑا سوریہ ہے کہ آدمی اپنے مسلمان بھائی کی عزت میں ناحق دست دازی کرے۔ (الباوردی وابن مندہ وابن قانع و ابونعیم عن وھب بن الاسود بن وھب بن عبد مناف الزھری عن ابیہ الاسود خال رسول اللہ (صلی اللہ علیہ وآلہ وسلم))

٨٠٥١۔۔۔ کیا میں نہیں دیکھ رہا کہ یہ چڑیا تمہارے سروں پر اڑرہی ہے۔ ( مسند احمد ، ابوداؤد ، طبرانی عن رافع بن خدیج)

٨٠٥٢۔۔۔ خلال کرلو کیونکہ تم نے اپنے بھائی کا گوشت کھایا ہے۔ (طبرانی فی الکبیر عن ابن مسعود)

٨٠٥٣۔۔۔ کوئی تم میں سے کوئی مردار پیٹ بھر کر کھائے یہ اس کے لیے اپنے مسلمان بھائی کے گوشت کھانے سے بہتر ہے۔ (الخرائطی فی مساوی الاخلاق عن ابوہریرہ (رض))

٨٠٥٤۔۔۔ ان دونوں (عورتوں) نے روزہ نہیں رکھا، جو لوگوں کا گوشت کھائے۔ یعنی غیبت کرے اس کا روزہ کیسا ؟ (ابوداؤد الطیالسی عن انس)

٨٠٥٥۔۔ جس نے اپنے مسلمان بھائی کی وجہ سے ایک لقمہ (بھی) کھایا تو اللہ تعالیٰ اسے اسی طرح کا آگ کا لقمہ کھلائے گا ، اور جس نے اپنے مسلمان بھائی کی وجہ سے کوئی کپڑا پہناتو اللہ تعالیٰ اسے اسی طرح کا جہنم کا کپڑا پہنائے گا اور جس نے اپنے مسلمان بھائی کی وجہ سے ریاوشہرت کی تو اللہ تعالیٰ اسے قیامت کے روز رسواکرے گا (الخرائطی فی مساوی الاخلاق عن الحسن ، مرسلا)

٨٠٥٦۔۔۔ جس نے اپنے بھائی کے ذریعہ کوئی لقمہ کھایا ، تو اسے اللہ تعالیٰ آگ کا اسی طرح کا لقمہ کھلائیں گے، اور جس نے اپنے مسلمان بھائی کی وجہ سے دنیا میں کوئی کپڑا پہنا تو اللہ تعالیٰ قیامت کے روز سے آگ پہنائیں گے، اور جس نے اپنے بھائی کے ذریعہ کوئی شہرت حاصل کی تو اللہ تعالیٰ اسے قیامت کے روز رسوا کرے گا۔ ( ابن ابی الدنیا فی ذم الغیبۃ عن الحسن ، مرسلا ومن وجہ آخر عن انس موقوفا)

٨٠٥٧۔۔۔ سب سے بڑا سودیہ ہے کہ آدمی مسلمان کی ناحق بےعزتی کرتا پھرے ، اور یہ رشتہ داری رحمن کی ایک صفت ہے جس نے اسے کاٹا اللہ تعالیٰ اس پر جنت حرام کردیگا۔ (مسند احمد ، ابوداؤد، سمویہ ، طبرانی وابن قانع سعید بن منصور عن سعید بن زید)

٨٠٥٨۔۔۔ سب سے بڑا سود مسلمان کی ناحق آبروریزی کرنا ہے۔ ( ابوداؤد بیھقی عن سعید بن زید)

٨٠٥٩۔۔۔ سب سے بڑا سود آدمی کا اپنے مسلمان بھائی کی ناحق بےعزتی کرنا ہے۔ (بخاری فی التاریخ عن عائشہ، بخاری عن ابوہریرہ (رض))

٨٠٦٠۔۔۔ اے میمونہ ! اللہ تعالیٰ کی عذاب قبر سے پناہ مانگا کرو، قیامت کے روز غیبت اور پیشاب (میں بےاحتیاطی) سخت عذاب (کا باعث) ہیں۔ (ابن سعد عن میمونۃ بنت سعد مولاۃ رسول اللہ (صلی اللہ علیہ وآلہ وسلم))

٨٠٦١۔۔۔ تمہیں معلوم ہے یہ (بدبودار) ہوا کیسی ہے ؟ یہ ان لوگوں کی بو ہے جو لوگوں کی غیبت کرتے ہیں۔ (مسند احمد، بخاری فی الادب وابن الدنیا فی ذم الغیبۃ، سعید بن منصور عن جابر)

فرماتے ہیں ہم رسول اللہ (صلی اللہ علیہ وآلہ وسلم) کے ساتھ تھے اچانک ایک مردار سے بدبو دار ہوا اٹھی فرماتے ہیں پھر یہ ذکر کیا

٨٠٦٢۔۔۔ کچھ منافقوں نے بعض مومنوں کی غیبت کی ہے اس وجہ سے یہ بدبو پھیلی ہے۔ (الحلیۃ عن جابر)

٨٠٦٣۔۔۔ غیبت کا کفارہ یہ ہے کہ تم اپنے دوست کے لیے استغفار کرو۔ (خطیب فی المتفق والمفترق عن انس، وفیہ غیبہ بن سلمان الکوفی متروک)

٨٠٦٤۔۔۔ غیبت کا کفارہ یہ ہے کہ جس کی ہے اس کے لیے استغفار کرو، اور کہواے اللہ اس کی اور ہماری بخشش فرما۔ (الحاکم فی الکنی والخرائطی فی مساعی الاخلاق عن انس)

٨٠٦٥۔۔۔ جس نے اپنے کسی مسلمان بھائی کی غیبت کی اور پھر اس کے لیے استغفار کیا تو یہ اس کے لیے کفارہ بن جائے گا۔ (الخطیب فی المتفق والمفترق عن سھل بن سعد، وفیہ سلیمان بن معر النخعی کذاب)

٨٠٦٦۔۔۔ جس نے کسی مسلمان کے خلاف کوئی بات کہی جس سے اس کی ناحق آبرریزی کی تو اللہ تعالیٰ قیامت کے روز اسے (جہنم کی) آگ میں رسوا کریں گے۔ (ابن ابی الدنیا فی ذم الغیبۃ والخرائطی فی مکارم الاخلاق عن ابی ذر، ابن ابی الدنیا عن ابی الدرداء (رض) موقوفاً )

٨٠٦٧۔۔۔ جس نے کسی مسلمان کے خلاف کوئی ناحق بات کی جس سے اس کی آبروریزی کرنا چاہتا ہے تو اللہ تعالیٰ اس کی وجہ سے قیامت کے روز (جہنم کی) آگ میں اسے رسواکریں گے۔ (حاکم عن ابی ذر)

٨٠٦٨۔۔۔ تین آدمیوں کی عزت (کی حفاطت) تم پر حرام نہیں، (خدا ورسول کی) کھلی نافرمانی کرنے والے کی ، ظالم حکمران اور بدعتی کی۔ (ابن ابی الدنیا فی ذم الغیبۃ عن الحسن، مرسلا)

٨٠٦٩۔۔۔ کیا تم فاجرکا ذکر (بد) کرنے سے ڈرتے ہو ؟ اس کا تذکرہ کروتا کہ لوگ اسے پہچان لیں۔ (خطیب فی رواۃ مالک عن ابی عن ہریرہ (رض))