٤١٦١٥۔۔۔ آپ نے فرمایا : کہ آدمی کھڑے ہو کرجوتا پہنے۔ ترمذی والضیاء عن انس

٤١٦١٦۔۔۔ بندہ جو قدم بھی اٹھاتا ہے اس سے پوچھا گیا کہ اس کا کیا اور ارادہ تھا۔ حلیۃ الاولیاء عن ابن مسعود، کلام۔۔۔ ضعیف الجامع ٥٢٠٣، الضعیفہ ٢١٢٢۔

٤١٦١٧۔۔۔ جب کسی کے جوتے کا تسمہ ٹوٹ جائے تو اسے ٹھیک کئے بغیر دوسرے میں نہ چلے۔ بخاری فی الادب مسلم نسائی عن ابوہریرہ ، طبرانی فی الکبیر عن شداد ابن اوس

٤١٦١٨۔۔۔ میرے آگے چلاکرومیری پیٹھ کو فرشتوں کے لیے خالی کردو۔ ابن سعد عن جابر

٤١٦١٩۔۔۔ ننگے پیر جوتے پہنے ہوئے سے راستہ کے درمیان کا زیادہ حق دار ہے۔ طبرانی فی الکبیر عن ابن عباس، کلام۔۔۔ ضعیف الجامع ٢٧٥٢۔

٤١٦٢٠۔۔۔ تیزی سے چلنا مومن کی رونق ختم کرتا ہے۔ حلیۃ الاولیاء عن ابوہریرہ خطیب فی الحامع ، فردوس عن ابن عمر، ابن النجار عن ابن عباس

٤١٦٢١۔۔۔ تیزرفتاری چہر کی رونق ختم کردیتی ہے ابوالقاسم بن بشران فی امالیہ عن انس، کلام۔۔۔ ضعیف الجامع ٣٢٦٤۔

٤١٦٢٢۔۔۔ چلنے میں تیزی چہرہ کی رونق ختم کردیتی ہے۔ حلیۃ الاولیاء عن ابوہریرہ ، کلامـ۔۔۔ ضعیف الجامع ٣٣٤٣، المتناھیۃ ١١٧٨۔

٤١٦٢٣۔۔۔ آپ نے منع فرمایا ہے کہ آدمی ان دو اونٹوں کے درمیان چلے جنہیں وہ مہار سے پکڑے لے جارہاہو۔ حاکم عن انس، کلام۔۔۔ ضعیف الجامع ٦٠٢٦، الضعیفہ ٣٧٤۔

٤١٦٢٤۔۔۔ آپ نے دوعورتوں کے درمیان مرد کو چلنے سے منع فرمایا ہے۔ ابوداؤد، حاکم عن ابن عمر، کلام۔۔۔ ضعیف الجامع ٦٠٢٧، ضعیف ابی داؤد ١١٢٧۔

٤١٦٢٥۔۔۔ جب تمہارے سامنے سے دو عورتیں آرہی ہوں تو ان کے درمیان نہ چلو دائیں ہوجاؤیا بائیں۔ بیہقی فی الشعب عن ابن عمر، کلام۔۔۔ ضعیف الجامع ٣٥٨، الضعیفہ ٢٣٣٨۔

٤١٦٢٦۔۔۔ آپ نے ایک جوتے یا ایک موزے میں چلنے سے منع فرمایا ہے۔ مسنداحمد عن ابی سعید

٤١٦٢٧۔۔۔ جوتوں کو نیا کرلیا کرو کیونکہ یہ مردوں کے پازیب پائل ہیں۔ الدیلمی عن انس وعن ابن عمر

٤١٦٢٨۔۔۔ لاٹھی کے ساتھ چلنا تواضع ہے اور اس کے لیے ہر قدم کے ساتھ ایک ہزار نیکیاں لکھی جاتی ہیں اور اس کے ہزار درجات بلند ہوتے ہیں۔ جعفر بن محمد فی کتاب العروس والدیلمی عن ام سلمۃ، کلام۔۔۔ تذکرۃ الموضوعات ١٩١۔

٤١٦٢٩۔۔۔ تمام انبیاء کی لاٹھی تھی جیسے اللہ تعالیٰ کے سامنے تواضع کے لیے وہ اپنے پہلو کے ساتھ رکھتے تھے۔ ابونعیم عن ابن عباس، کلام۔۔۔ الضعیفۃ ٥٣٦۔

٤١٦٣٠۔۔۔ کیا تم میں سے کوئی اتنا بھی نہیں کرسکتا کہ ایک لاٹھی لے جس کے نیچے نوک ہو جس پر تھکاوٹ کے وقت سہارالیا کرے اس سے پانی روکے تکلیف دہ چیز کو راستہ سے دورکرے کیڑے مکوڑوں کو مارے درندوں کو بھگائے اور جنگل کی زمین میں اسے سامنے رکھ کر نماز پڑھے۔ ابن لال والدیلمی عن انس

٤١٦٣١۔۔۔ مجھے تمہارے قدموں کی چاپ سنائی دی تو مجھے ڈر محسوس ہوا کہ مجھ میں کہیں تکبر پیدانہ ہوجائے۔ الدیلمی عن ابی امامۃ

٤١٦٣٢۔۔۔ حضرت انس (رض) سے روایت ہے کہ ایک یہودی نے نبی (صلی اللہ علیہ وآلہ وسلم) کو سلام کیا اس پر آپ نے فرمایا : تم جانتے ہو اس نے کیا کہا ؟ لوگوں نے کہا : ہمیں سلام کیا ہے آپ نے فرمایا : نہیں اس نے السام علیکم کہا، (تم پر پھٹکارہو) یعنی اپنے دین کو ذلیل کرو سو جب کبھی اہل کتاب کا کوئی شخص تمہیں سلام کرے تو کہا کروعلیک یعنی تجھ پر ابن حبان عن انس

٤١٦٣٣۔۔۔ جس نے یہودیوں عیسائیوں مجوسیوں اور ستارہ پرستوں کے مجمع کے پاس کہا : میں گواہی دیتا ہے کہ اللہ کے سوا کوئی معبود دعا وعبات کے لائق نہیں اور جو اللہ کےعلاوہ اس کی تربیت کی جاتی ہے اور اس پر قدرت ہوتی ہے، تو اللہ تعالیٰ اسے ان کی تعداد کے برابر نیکیاں عطا کرے گا۔ ابن شاھین عن جو یبرعن الضحاک عن ابن عباس

٤١٦٣٤۔۔۔ جس کے پاس صدقہ کرنے کی کوئی چیز نہ ہوت ووہ یہود پر لعنت کردیا کرے یہ اس کے لیے صدقہ ہے۔ الخطیب والدیلمی عن ابوہریرہ