٤١٨٧٥۔۔۔ (مسندعلی) فرمایا : کہ رسول اللہ (صلی اللہ علیہ وآلہ وسلم) نے اپنے دائیں ہاتھ میں ریشم اور بائیں ہاتھ میں سونا پکڑا پھر دونوں ہاتھ بلند کرکے فرمایا : یہ دونوں میری امت کے مردوں کے لیے حرام اور ان کی عورتوں کے لیے حلال ہیں۔ مسنداحمد، ابوداؤد، نسائی، ابن ماجۃ والطحاوی والشاسی، ابن حبان، بیہقی ضیاء

٤١٨٧٦۔۔۔ حضرت علی (رض) سے روایت ہے فرمایا : کہ مجھے رسول اللہ (صلی اللہ علیہ وآلہ وسلم) نے منقش جوڑاپہنایاجس سے میں بہت خوش ہوا آپ نے جب اسے میرے بدن پر دیکھا تو فرمایا : میں نے تمہیں پہننے کے لیے نہ دیا تھا تو میں گھر واپس آیا اور فاطمہ (رض) کو اس کا ایک گوشہ دے دیاگویا وہ میرے ساتھ ساتھ لپٹ رہی تھیں تو میں نے اس کے دوٹکڑے کردیئے انھوں نے کہا : تمہارے ہاتھ خاک آلودہوں یہ تم نے کیا کیا ؟ میں نے کہا : مجھے رسول اللہ (صلی اللہ علیہ وآلہ وسلم) نے اس کے پہننے سے منع کیا ہے تم پہن لو اور اپنی رشتہ دار خواتین کو پہنادو۔ ابویعلی والطحاوی

٤١٨٧٧۔۔۔ حضرت علی (رض) سے روایت ہے فرمایا : مجھ سے رسول اللہ (صلی اللہ علیہ وآلہ وسلم) سے فرمایا : علی ! جو اپنے لیے پسند کرتا ہوں وہ تمہارے لیے پسند کرتا ہوں اور جو اپنے لیے ناپسند کرتا ہوں وہی تمہارے لیے ناپسند کرتا ہوں زردرنگ کا کپڑانہ پہننا نہ سونے کی انگوٹھی اور نہ منقش کپڑاپہننا اور نہ سرخ گدیلے پر سوار ہونا کیونکہ یہ شیطان ابلیس کے گدیلے ہیں۔ ابواسحاق ابرھیم بن عبدالصمد الھاشمی فی امالیۃ

٤١٨٧٨۔۔۔ ابن عامر سے روایت ہے کہ میرے پاس آنے کی حضرت علی (رض) نے اجازت طلب کی اور میرے نیچے ریشم کے گدیلے تھے آپ نے فرمایا : ابن عامر ! تم اچھے آدمی ہو اگر تم ان لوگوں میں سے نہ ہوتے جن کے بارے اللہ تعالیٰ نے فرمایا : تم نے اپنی پاک چیزیں اپنی دینوی زندگی میں ختم کردیں اللہ کی قسم ! اگر میں جھاؤ کے انگاروں پر لیٹوں یہ مجھے زیادہ پسند ہے کہ میں ان پر لیٹوں۔ سعید بن منصور، بیہقی

٤١٨٧٩۔۔۔ ابوبردہ حضرت علی (رض) سے روایت کرتے ہیں فرمایا : مجھے رسول اللہ (صلی اللہ علیہ وآلہ وسلم) نے منقش لباس اور ریشمی گدیلے سے منع فرمایا ہے ابوبردہ نے حضرت علی (رض) سے کہا : منقش کپڑا کیا ہے ؟ آپ نے فرمایا : مصریاشام کے وہ لکیر دار کپڑے جن میں لیموں کی صورتیں ریشم سے بنائی جاتی ہیں۔ گدیلاوہ چیز ہے جنہیں عورتیں اپنے خاوندوں کے لیے چھوردارچادر کی بناتی ہیں جنہیں وہ سواریوں پر رکھتے ہیں۔ مسلم بخاری

٤١٨٨٠۔۔۔ حضرت انس (رض) سے روایت ہے کہ نبی (صلی اللہ علیہ وآلہ وسلم) نے حضرت زبیربن عوام اور عبدالرحمن بن عوف (رض) کو ان کے جسموں پرخارش کی وجہ سے ریشم پہننے کی اجازت دی۔ ابن جریر فی تھذیبہ

٤١٨٨١۔۔۔ حضرت علی (رض) سے روایت ہے فرمایا : کہ مجھے رسول اللہ (صلی اللہ علیہ وآلہ وسلم) نے زردرنگ کپڑے ریشمی منقش کپڑے سونے کی انگوٹھی اور ریشم سے سلے کپڑے سے منع فرمایا پھر فرمایا : تمہیں پتہ ہونا چاہیے کہ میں تمہارا خیرخواہ ہوں۔ بیہقی فی الشعب وابن النجار

٤١٨٨٢۔۔۔ حضرت علی (رض) سے روایت ہے فرمایا : کہ رسول اللہ (صلی اللہ علیہ وآلہ وسلم) نے ریشم کی کسی چیز سے فائدہ اٹھانے سے منع فرمایا ہے۔ رواہ ابن عساکر

٤١٨٨٣۔۔۔ حضرت علی (رض) سے روایت ہے فرمایا : مجھے رسول اللہ (صلی اللہ علیہ وآلہ وسلم) نے دوریشمی چادریں اوڑھائیں تو میں انہی میں باہرنکلا تاکہ لوگ مجھے دیکھیں کہ مجھے رسول اللہ (صلی اللہ علیہ وآلہ وسلم) نے یہ لباس پہنایا ہے۔ آپ نے جب اسے میرے بدن پر دیکھا تو فرمایا انھیں اتاردو، پھر انھوں نے ایک حصہ فاطمہ (رض) کودے دیا اور آدھا حصہ دوسری خواتین کودے دیا۔ رواہ ابن عساکر

٤١٨٨٤۔۔۔ حضرت علی (رض) سے روایت ہے کہ ان کے پاس ایک ٹٹولایا گیا جس پر ریشم کی گدی تھی جب آپ نے رکاب میں پاؤں رکھا اور زین کو پکڑاتو آپ کا ہاتھ پھسل گیا پھر فرمایا : یہ کیا ہے لوگوں نے کہا : ریشم ہے فرمایا : نہیں اللہ کی قسم میں اس پر سوار نہیں ہوں کا۔ بیہقی فی الشعب

٤١٨٨٥۔۔۔ حضرت علی (رض) سے روایت ہے فرمایا : کہ رسول اللہ (صلی اللہ علیہ وآلہ وسلم) کو کسی نے ایک جوڑا بھیجا جس میں ریشم کی سلائی تھی اس کا تانا ریشم کا تھا یابانا تو آپ نے وہ میری طرف بھیج دیا میں آپ کے پاس آیا میں نے عرض کی : یارسول اللہ میں اسے کیا کروں کیا اسے پہن لوں ؟ آپ نے فرمایا : نہیں لیکن اسے فاطمات کے درمیان دوپٹے بناکر تقسیم کردو۔ ابن ماجۃ وہ تین فاطمۃ ہیں، فاطمہ بنت رسول اللہ (صلی اللہ علیہ وآلہ وسلم) فاطمہ بنت اسد والدہ حضرت علی (رض) فاطمۃ بنت حمزۃ بن عبدالمطلب۔

٤١٨٨٦۔۔۔ (ازمسندحذیفہ بن یمان) عمروبن مرۃ سے روایت ہے فرمایا :: کہ حضرت حذیفہ (رض) نے ایک شخص پر سبزلباس دیکھا جسے دبیزریشم کے بٹن لگے تھے تو آپ نے فرمایا : تم نے اپنی گردن میں شیطان کے بارڈال رکھے ہیں۔ رواہ ابن جریر

٤١٨٨٧۔۔۔ اسی طرح سعید بن جبیر سے روایت ہے کہ حضرت حذیفہ (رض) نے حضرت حسان (رض) پر ریشمی قمیض دیکھی تو حکم دیاتو اسے اتاردیا گیا اور لڑکیوں پر رہنے دی۔ رواہ ابن جریر

٤١٨٨٨۔۔۔ قیس بن النعمان السکونی سے روایت ہے کہ رسول اللہ (صلی اللہ علیہ وآلہ وسلم) کا ایک لشکرنکلا جس کے متعلق اکید ردومۃ الجندل نے سناتو وہ رسول اللہ (صلی اللہ علیہ وآلہ وسلم) کے پاس آیا اور عرض کی یارسول اللہ ! آپ کا لشکر روانہ ہوچکا ہے مجھے اپنی زمین اور مال کا ڈر ہے تو آپ میرے لیے ایک خط لکھ دیں تاکہ وہ میری کسی چیز سے چھیڑچھاڑنہ کریں کیونکہ میں اپنے اوپرواجب حق کا اقرار کرتا ہوں تو رسول اللہ (صلی اللہ علیہ وآلہ وسلم) نے اس کے لیے ایک خط لکھ دیا پھر اکیدر نے ایک ریشمی قبانکالی جو سلی ہوئی تھی جو اسے کسرینے پہنائی تھی وہ کہنے لگا یارسول اللہ یہ میری طرف سے قبول فرمایئے میں نے اسے آپ کے لیے ہدیہ کیا ہے تو رسول اللہ (صلی اللہ علیہ وآلہ وسلم) نے اس سے فرمایا : اپنی قباواپس لے جاؤ کیونکہ جو دنیا میں اسے پہنے گا وہ اس سے آخرت میں محروم ہوگا چنانچہ وہ اسے واپس لے گیا پھر وہ اپنے گھر میں آیا اور اس کے دل میں یہ بات تھی کہ اس کا ہدیہ واپس کردیا گیا تو اس نے کہا : یارسول اللہ ! ہم ایسے گھروالے ہیں جن پر ان کا ہدیہ واپس کرنا گراں گزرتا ہے لہٰذا مجھ سے میرا ہد یہ قبول فرمایئے۔ تو رسول اللہ (صلی اللہ علیہ وآلہ وسلم) نے فرمایا : جاؤیہ عمربن الخطاب کودے دو وہ بولا انھوں نے جو کچھ آپ نے کہا سن لیا ہے تو آپ روپڑے اور انھیں گمان ہوا کہ شاید انھیں کوئی چیز محسوس ہوئی تو وہ رسول اللہ (صلی اللہ علیہ وآلہ وسلم) کے پاس گئے اور عرض کی : یارسول اللہ ! کیا میرے بارے میں کوئی حکم ہوا ہے آپ نے اس کے بارے ارشاد فرمایا اور پھرا سے میری طرف بھیج دیا تو رسول اللہ (صلی اللہ علیہ وآلہ وسلم) ہنس پڑے یہاں تک کہ آپ نے اپنا دست مبارک یاکپڑا اپنے دہن پر رکھ لیا پھر فرمایا : میں نے پہننے کے لیے تمہارے پاس نہیں بھیجا بلکہ اسے بیچ کر اس کی قیمت سے امداد حاصل کرو۔ رواہ ابن عساکر

٤١٨٨٩۔۔۔ جبیر بن صخر خارص اپنے والد سے روایت کرتے ہیں فرمایا : کہ حضرت خالد بن سعید بن العاص نبی (صلی اللہ علیہ وآلہ وسلم) کے زمانہ میں یمن میں تھے اور جب رسول اللہ (صلی اللہ علیہ وآلہ وسلم) کی وفات ہوئی تو وہ یمن میں تھے اور آپ کی وفات کے ایک ماہ بعد آئے ان پر ایک ریشم کی اچکن تھی وہ حضرت عمر (رض) سے ملے تو حضرت عمر (رض) نے اپنے ساتھ والے لوگوں کو بآوازبلند کہا : اس کی اچکن پھاڑ دو وہ ریشم پہن کر ہمارے قافلہ میں سلامت رہے ؟ چنانچہ لوگ ان پر ٹوٹ پڑے اور ان کی اچکن پھاڑدی ۔ سیف، ابن عساکر

٤١٨٩٠۔۔۔ عکرمہ سے روایت ہے کہ ایک شخص حضرت ابوہریرہ (رض) کے پاس گزرا اور اس کی قمیض پر ریشم کی کلی تھی تو حضرت ابوہریرہ (رض) نے فرمایا : اگر اس کی جگہ برص ہوئی تو بہترہوتی۔ ابن جریر فی تھذیہ

٤١٨٩١۔۔۔ سہل بن الحنظلیہ عبشمی سے روایت ہے فرمایا : کہ مجھے رسول اللہ (صلی اللہ علیہ وآلہ وسلم) نے فرمایا : کہ خریم اسدی اچھا آدمی ہے اکر اس کے پئے زیادہ لمبے اور اس کے تہبند کی گھسیٹ نہ ہوئی، حضرت خریم (رض) کو جب اس بات کا پتہ چلاتو چھری لے کر آدھے کان پئے کاٹ دیئے اور نصف پنڈلی تک تہبند بلند کرلیا۔ مسنداحمد بخاری فی تاریخہ، ابن عساکر

٤١٨٩٢۔۔۔ حضرت ابن عمر (رض) سے روایت ہے کہ حضرت عمر (رض) نے نئی قمیض پہنی پھر مجھے آوازدی کے چھری لاؤ کہنے لگے : بیٹا ! میری قمیض کی آستین کھینچو اور اپنا ہاتھ میری انگلیوں کے کنارے پر رکھو جو فالتوہوا سے کاٹ دوتو میں نے اس قمیض سے دونوں آستینوں سے کنارے کاٹ دیئے لیکن اس طرح آستین کا خلا آگے پیچھے ہوگیا میں نے کہا : اباجان ! اگر آپ انھیں قمیض کے ساتھ برابر کرلیتے تو بہتر تھا آپ نے فرمایا : بیٹا اسے رہنے دو ! میں نے رسول اللہ (صلی اللہ علیہ وآلہ وسلم) کو اسی طرح کرتے دیکھا ہے۔ حلیۃ الاولیاء

٤١٨٩٣۔۔۔ ابوہریرہ (رض) سے روایت ہے فرمایا : حضرت عثمان (رض) مکہ حج کرنے گئے تو محمد بن جعفر بن ابی طالب کی بیوی ان کے پاس گئی تو انھوں نے اس کے ساتھ شب باشی کی اور صبح کے وقت چل پڑے ان پر خوشبو کی مہک تھی اور ایک زردرنگ کالحاف تھا حضرت عثمان (رض) نے جب انھیں دیکھا تو انھیں ڈانٹا اور اف اف کرنے لگے اور فرمایا : کیا تم زردرنگ کا کپڑاپہنتے ہو جب کہ رسول اللہ (صلی اللہ علیہ وآلہ وسلم) نے اس سے منع فرمایا ہے تو حضرت علی (رض) نے ان سے کہا : کہ رسول اللہ (صلی اللہ علیہ وآلہ وسلم) نے مجھے اور تمہیں منع کیا ہے اسے منع کیا۔ ابن ابی شیبہ، مسنداحمد، وابن منیع، ابویعلی بیہقی وحسن وقال البیہقی اسنادہ غیر قوی

٤١٨٩٤۔۔۔ خرشہ بن الحر سے روایت ہے فرمایا : میں نے حضرت عمربن الخطاب (رض) کو دیکھا کہ ان کے پاس سے ایک نوجوان گزراجس کا تہبند گھسٹ رہا تھا اور وہ اسے گھسیٹے جارہا تھا تو آپ نے اسے بلاکرکہا : کیا عورتوں کی مخصوص بیماری حیض سے ہو ؟ اس نے کہا : امیہ المومنین ! کیا مرد کو بھی حیض آتا ہے ؟ آپ نے فرمایا : تو کیا وجہ ہے کہ تم نے اپنا ازار اپنے پیروں پر ڈال رکھا ہے پھر چھری منگوانی اور اس کا ازارمٹھی میں پکڑکرٹخنوں کے نیچے سے کاٹ دیا خرشہ فرماتے ہیں : گویا میں دھاگوں کو اس کی ایڑیوں پر دیکھ رہاہوں۔ سفیان بن عینیۃ فی جامعہ