٤٣٢٥٩۔۔ تین آدمیوں کو اللہ تعالیٰ اپنے سایہ میں رکھے گا جس دن اس کے سائے کے علاوہ کوئی سایہ نہ ہوگا امانت دار تاجر، منصف امام اور دن کے وقت سورج کی نگہبانی کرنے والا (نمازوں کے اوقات کا خیال رکھا جاسکے ) حاکم فی تاریخہ ، فردوس عن ابوہریرہ ۔

کلام : ضعیف الجامع ٢٦١٢۔

43260: ۔۔ سب سے پہلے جنت میں جانے والے تین آدمی سے مجھے مجھے دکھائے گئے۔ پاک دامن شہید، وہ غلام جس نے اچھے طریقہ سے اللہ تعالیٰ کی عبادت کی اور اپنے مالکوں سے خیر خواہی کی۔ ترمذی عن ابوہریرہ ۔

کلام : َ ۔۔ ضعیف الترمذی 278، ضعیف الجامع 3702:

43261: ۔۔ جس آدمی کے بدن سے روح اس حال میں جدا ہو کہ وہ تین باتوں سے بری ہو وہ جنت میں جائے گا، تکبر ، قرض اور خیانت۔ جو مال غنیمت میں تقسیم سے پہلے ہو۔ مسند احمد، ترمذی، نسائی، ابن حبان، حاکم عن ثوبان۔

کلام : ۔۔ ضعیف الترمذی۔ 270:

43262: ۔۔ جنت اور جہنم میں تین جانے والوں میں سے پہلے شخص کو میرے سامنے پیش کیا گیا، سو جنت میں داخل ہونے والے تین تو شہید ہے اور وہ غلام جس نے اپنے رب کی اچھے طریقہ سے عبادت کی اور اپنے مالک سے خیر خواہی کی، اور انتہائی پاک دامن، اور جہنم میں تین داخل ہونے والوں میں سے پہلا شخص، زبردستی قبضہ کرنے والا حکام، (گورنر) اور وہ مال دار جو اپنے مال سے اللہ تعالیٰ کا حق ادا نہیں کرتا اور فخر وتکبر کرنے والا فقیر۔ مسند احمد حاکم بیہقی فی السنن عن ابوہریرہ ۔

کلام : ضعیف الجامع 3703:

43263: ۔۔۔ تین چیزیں نجات کا باعث ہیں : مجلس و تنہائی میں اللہ تعالیٰ کا خوف، غصہ و رضا مندی میں انصاف سے کام لینا، اور ناداری و مالداری میں میانہ روی اور تین چیزیں ہلاکت کا سبب ہیں، وہ خواہش جس کی پیروی کی جائے، ایسا بخل جس کی فرمان برداری کی جائے، خود پسندی۔ (اپنے آپ وک اچھا اور دوسروں کو برا سممجھنا، ) عجب ۔ ابو الشیخ فی التوبیخ ، طبرانی فی الاوسط، عن انس۔

43264: ۔۔۔ تین چیزیں، تین چیزیں، تین چیزیں، سو تین چیزوں میں قسم نہیں، تین میں لعنت ہے اور تین چیزوں کے بارے میں مجھے شک ہے، وہ تین چیزیں جن میں قسم نہیں تو بیٹے کی اپنے باپ کے ساتھ ، عورت کی اپنے خاوند کے ساتھ، غلام کی اپنے آقا کے ساتھ قسم نہیں یعنی قسم کھا کر گواہی دینا رہے وہ جن پر لعنت کی گئی ہے تو وہ شخص ہے جو اپنے والدین پر لعنت کرے اور وہ شخص ملعون ہے جو غیر اللہ کے لیے ذبح کرے اور وہ شخص ملعون ہے جو زمین کے نشانات مٹائے۔ جن سے زمین کی حدود دوسروں سے ممتاز ہوتی ہیں) اور وہ چیزیں جن میں مجھے شک ہے تو عزیز کے بارے میں مجھے علم نہیں وہ نبی تھے یا نہیں اور نہ مجھے یہ معلوم ہے کہ تبع نے لغت کی یا نہیں اور نہ مجھے وہ علم ہے کہ حدود جن پر لگائی جاتی ہیں ان کے لیے گناہوں کا کفارہ ہیں یا نہیں۔ الاسماعیلی فی معجمہ ابن عساکر، عن ابن عباس۔

43265 ۔۔ اللہ کو سب سے زیادہ یہ اعمال پسند ہیں اللہ پر ایمان لانا، صلہ رحمی کرنا، نیکی کا حکم دینا، برائی سے منع کرنا، اور یہ اعمال اللہ سب سے زیادہ ناپسند کرتا ہے۔ اللہ کے ساتھ شرک کرنا ، قطع رحمی کرنا۔ ابویعلی عن رجل عن خثعم۔

43266 ۔۔ جو چیزیں اللہ نے تم پر واجب کی ہیں انھیں ادا کرو سب سے زیادہ عبادت گزار بن جاؤ گے اور جن چیزوں کو اللہ تعالیٰ نے حرام قرار دیا ہے۔ ان سے بچو سب سے زیادہ پرہیزگار بن جاؤ گے اور جو اللہ نے تمہارے لیے تقسیم کردیا اس پر راضی رہو سب سے زیادہ مالدار بےنیاز بن جاؤ گے۔ ابن عدی عن ابن مسعود۔

43267 تین عمل سب سے درست ہیں ہر حال میں اللہ تعالیٰ کا ذکر، نفس سے انصاف کرنا، مال سے بھائی کی مدد کرنا (ابن المبارک و ھناد والحکیم عن ابی جعفر، حلیۃ الاولیاء عن علی موقوفا) کلام ۔۔۔ ضعیف الجامع 838، الضعیفۃ 1665 ۔

43268 ۔۔۔ تمہیں معلوم ہے کہ اللہ تعالیٰ کے سائے کی طرف سبقت کرنے والے کون ہیں ؟ وہ لوگ ہیں جب انھیں حق پیش کیا جائے تو اسے قبول کرلیتے ہیں اور جب ان سے حق کا سوال کیا جاتا ہے اسے خرچ کرتے ہیں ؟ اور لوگوں کے لیے ایسے ہی فیصلہ کرتے ہیں جیسے اپنے لیے۔ (مسند احمد، حلیۃ الاولیاء عن عائشۃ)

کلام ۔۔۔ ضعیف الجامع 101 ۔

43269 ۔۔۔ سب سے افضل یہ عمل ہے کہ تم اپنے بھائی کو خوش کرو، یا اس کا قرض ادا کرو یا اسے روٹی کھلاؤ۔ (ابن ابی الدنیا فی قضاء الحوائف، بیہقی فی شعب الایمان عن ابوہریرہ ، ابن عدی فی الکامل عن ابن عمر)

کلام ۔۔ کشف الخفاء 451 ۔

43270 ۔۔۔ یہ سب سے فضیلت کی بات ہے کہ وہ جو تم سے قطع رحمی کرے تم اس سے صلہ رحمی کرو، اور جو تمہیں محروم رکھے اسے عطا کرو، اور جو تم پر ظلم کرے اسے (دل سے ) معاف کردو۔ (مسند احمد، طبرانی عن معاذ بن انس۔

کلام ۔۔۔ ضعیف الجامع 1033 ۔

43271 ۔۔۔ وقت پر نماز پڑھنا سب سے افضل عمل ہے پھر والدین سے اچھا سلوک کرنا، پھر یہ کہ لوگ تمہاری زبان (کے شر) سے محفوظ رہیں۔ (بیہقی فی شعب الایمان عن ابن مسعود)

کلام ۔۔۔ ضعیف الجامع 1029 ۔

43272 ۔۔۔ وقت پر نماز پڑھنا، والدین سے نیکی اور اللہ تعالیٰ کی راہ میں جہاد کرنا سب سے افضل عمل ہے۔ (خطیب عن انس)

43273 ۔۔۔ اللہ تعالیٰ تین آدمیوں سے خوش ہوتا ہے۔ نماز کی صف، وہ شخص جو رات کی گھڑی میں نماز پڑھے اور وہ شخص جو لشکر کے پیچھے (ان کے دفاع میں) جنگ کرے۔ (ابن ماجہ عن ابی سعید۔

کلام ۔۔۔ ضعیف ابن ماجہ 35، ضعیف الجامع 1656 ۔

43274 ۔۔۔ بوڑھے مسلمان کا ادب کرنا اللہ تعالیٰ کی بزرگی کا تقاضا ہے اور وہ صاحب قرآن جو نہ اس میں غلو و زیادتی کرے اور نہ اس سے دور ہو اور عادل بادشاہ کا ادب و احترام ۔ ابو داؤد عن ابی موسیٰ۔

کلام ۔۔۔ التعقبات 45، التنزیہ ج 1 ص 207 ۔

43275 ۔۔۔ اللہ تعالیٰ تمہاری تین چیزوں کو پسند کرتا اور تین چیز کو کو ناپسند کرتا ہے تمہاری یہ بات پسند کرتا ہے کہ اس کی عبادت کرو اس کے ساتھ کسی کو شریک نہ کرو اور تم اللہ تعالیٰ کی رسی مضبوطی سے تھامے رہو اور آپس میں (دینی) پھوٹ نہ ڈالو اور اللہ تعالیٰ نے جن لوگوں کو تمہارا حاکم بنایا ہے ان سے خیر خواہی کرو اور تمہاری فضول گفتگو کو ناپسند کرتا ہے، بکثرت سوال کرنا، اور مال کو ضائع کرنا۔ (مسند احمد، مسلم عن ابوہریرہ )

43276 ۔۔۔ اللہ تعالیٰ اس مانگنے والے سے خوش ہوتے ہیں جو جنت کے علاوہ کوئی چیز مانگے، اور اس دینے والے سے جو اللہ کے علاوہ کے لیے دے اور اس پناہ مانگنے والے سے جو جہنم کے سوا کسی چیز سے پناہ مانگے۔ (خطیب عن ابن عمرو)

کلام ۔۔۔ ضعیف الجامع 1742 ۔

43277 ۔۔۔ اللہ تعالیٰ قیامت کے روز فرمائے گا اے انسان ! میں بیمار ہوا (لیکن) تو نے میری عیادت نہیں کی، وہ عرض کرے گا اے میرے رب ! میں آپ کی کیسے عیادت کرتا آپ تو رب العالمین ہیں۔ اللہ تعالیٰ فرمائیں گے، کیا تمہیں پتہ نہیں تھا کہ میرا فلاں بندہ بیمار ہوا اور تم نے اس کی عیادت نہیں کی، کیا تمہیں پتہ نہیں کہ جب تم اس کی عیادت کرتے تو مجھے (یعنی میری رحمت کو) اس کے پاس پاتے، اے انسان ! میں نے تجھ سے کھانا مانگا اور تم نے مجھے کھانا نہیں کھلایا ؟ وہ عرض کرے گا اے میرے رب ! میں آپ کو کیسے کھانا کھلاتا آپ تو رب العالمین ہیں ! اللہ تعالیٰ فرمائیں گے کیا تجھے پتہ نہیں تجھ سے میرے بندے نے کھانا مانگا (لیکن) تم نے اسے کھانا نہیں کھلایا، کیا تمہیں پتہ نہیں، کہ اگر تم اسے کھانا کھلاتے تو مجھے اس کے پاس پاتے، اے انسان ! میں نے تم سے پانی مانگا اور تم نے مجھے پانی نہیں پلایا ؟ وہ عرض کرے گا اے میرے رب ! میں آپ کو کیسے پلاتا جب کہ آپ تو رب العالمین ہیں، اللہ تعالیٰ فرمائے گا میرے فلاں بندے نے تجھ سے پانی مانگا، (لیکن) تم نے اسے پانی نہیں پلایا، اگر تم اسے پانی پلا دیتے تو میرے پاس اس کا ثواب پاتے۔ (مسلم عن ابوہریرہ )

43278 ۔۔۔ اگر تم یہ چاہو کہ تمہیں اللہ تعالیٰ اور اس کا رسول محبوب رکھیں، تو جب تمہیں امین بنایا جائے تو (امانت) ادا کرو اور جب بولو تو سچی بات کرو اور جو تمہارے پڑوس میں رہے اس سے اچھا سلوک کرو۔ (طبرانی فی الکبیر، عن عبدالرحمن بن ابی قراد)